അടുത്തവർഷം ഇതിനേക്കാൾ മധുരമെന്ന വാഗ്ദാനവുമായി മാങ്ങ മേള സമാപിച്ചു

തൃ​ശൂ​ർ: കേ​ര​ള​ത്തി​ലെ നാ​ട​ൻ​മാ​വു​ക​ളു​ടെ അ​മ്പ​ര​പ്പി​ക്കു​ന്ന വൈ​വി​ധ്യം വി​ളി​ച്ചോ​തി സം​ഘ​ടി​പ്പി​ച്ച മാ​മ്പ​ഴ മേ​ള വി​സ്മ​യ​മാ​യി. ഔ​ദ്യോ​ഗി​ക​മാ​യി എ​ണ്ണി​ത്തി​ട്ട​പ്പെ​ടു​ത്തി​യ 1400ൽ ​പ​രം മാ​ങ്ങ​യി​ന​ങ്ങ​ളാ​ണ് ര​ണ്ടു​ദി​വ​സം ടൗ​ൺ​ഹാ​ളി​ൽ ന​ട​ന്ന മേ​ള​യി​ൽ പ്ര​ദ​ർ​ശി​പ്പി​ച്ച​ത്. അ​നൗ​ദ്യോ​ഗി​ക ക​ണ​ക്കു​ക​ൾ പ്ര​കാ​രം 1600ല​ധി​കം ഇ​ന​ങ്ങ​ൾ എ​ത്തി​യെ​ന്ന്​ സം​ഘാ​ട​ക​ർ അ​വ​കാ​​ശ​പ്പെ​ട്ടു. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട് വ​രെ​യു​ള്ള വി​വി​ധ ജി​ല്ല​ക​ളി​ലെ വീ​ടു​ക​ളി​ൽ നേ​രി​ട്ട് ചെ​ന്ന് മാ​വു​ക​ൾ ക​ണ്ടെ​ത്തി ശേ​ഖ​രി​ച്ച മാ​മ്പ​ഴ​ങ്ങ​ളാ​ണ് ഈ ​പ്ര​ദ​ർ​ശ​ന​ത്തി​ലു​ള്ള​ത് എ​ന്ന​ത് സ​വി​ശേ​ഷ​ത. 55,000ഓ​ളം അം​ഗ​ങ്ങ​ളു​ള്ള ഫേ​സ്ബു​ക്, വാ​ട്സ്ആ​പ് കൂ​ട്ടാ​യ്മ​ക​ളി​ലൂ​ടെ​യാ​ണ് ഈ ‘​മാ​ങ്ങ സ്നേ​ഹി​ക​ൾ’ സം​ഘ​ടി​ച്ച് പ്ര​വ​ർ​ത്തി​ക്കു​ന്ന​ത്. 2019ലാ​ണ് ‘നാ​ട​ൻ മാ​വു​ക​ൾ’ ഫേ​സ്ബു​ക് ഗ്രൂ​പ് ആ​രം​ഭി​ച്ച​ത്. പ​ണ്ട് വീ​ടി​ന​ടു​ത്ത് ‘സ​ർ​ക്കാ​ർ മാ​ങ്ങ’ പേ​രി​ൽ അ​റി​യ​പ്പെ​ട്ട മാ​വ് വെ​ട്ടി​ക്ക​ള​ഞ്ഞ​പ്പോ​ൾ അ​നു​ഭ​വ​പ്പെ​ട്ട ന​ഷ്ട​ബോ​ധ​മാ​ണ്​ മാ​വി​നും മാ​ങ്ങ​ക്കും വേ​ണ്ടി സം​ഘ​ടി​ക്കാ​ൻ പ്രേ​ര​ക​മാ​യ​തെ​ന്ന്​ സം​ഘാ​ട​ക​രി​ലൊ​രാ​ളാ​യ ക​ണി​മം​ഗ​ലം സ്വ​ദേ​ശി സ​ഖി​ൽ ത​യ്യി​ൽ ര​വീ​ന്ദ്ര​ൻ പ​റ​ഞ്ഞു. ഇ​ത്ര​യും വൈ​വി​ധ്യം നി​റ​ഞ്ഞ മാ​ങ്ങ പ്ര​ദ​ർ​ശ​നം ലോ​ക​ത്ത്​ ആ​ദ്യ​ത്തേ​താ​ണെ​ന്നും അ​ദ്ദേ​ഹം അ​വ​കാ​ശ​പ്പെ​ടു​ന്നു.

കേ​ര​ള​ത്തി​ൽ നൂ​റി​ൽ​താ​ഴെ മാ​വി​ന​ങ്ങ​ളേ​യു​ള്ളൂ എ​ന്ന പൊ​തു​ധാ​ര​ണ തി​രു​ത്തു​ക​യാ​ണ് മേ​ള​യു​ടെ പ്ര​ധാ​ന ല​ക്ഷ്യം. ‘ഞ​ങ്ങ​ളു​ടെ ക​ണ​ക്കി​ൽ 10,000ല​ധി​കം മാ​വി​ന​ങ്ങ​ളു​ണ്ട്. അ​തി​ന്‍റെ ചെ​റി​യൊ​രു ശ​ത​മാ​നം മാ​ത്ര​മാ​ണ് ഇ​വി​ടെ പ്ര​ദ​ർ​ശ​ന​ത്തി​ന് എ​ത്തി​ച്ച​ത്. ഈ ​വൈ​വി​ധ്യ​ത്തെ​ക്കു​റി​ച്ച് ജ​ന​ങ്ങ​ളെ ബോ​ധ​വാ​ന്മാ​രാ​ക്കു​ക​യാ​ണ്​ പ്ര​ധാ​നം, കേ​വ​ലം’ -ര​വീ​ന്ദ്ര​ൻ പ​റ​ഞ്ഞു.

പ്ര​ദ​ർ​ശി​പ്പി​ച്ച മാ​ങ്ങ​ക​ൾ മാ​യ​വും ചേ​രാ​ത്ത​താ​യി​രു​ന്നു. ഹൃ​ദ്യ, ആ​രോ​മ​ൽ, ഗോ​ൾ​ഡ​ൻ പൊ​ന്നൂ​സ്, തി​രു​വ​ര​മ്പ്, തൃ​ശൂ​ർ​ക്കാ​ര​ൻ എ​ന്നി​ങ്ങ​നെ അ​ത​ത് പ്ര​ദേ​ശ​ങ്ങ​ളി​ൽ വി​ളി​ച്ചു​പോ​രു​ന്ന ത​ന​ത് പേ​രു​ക​ളി​ലു​ള്ള മാ​ങ്ങ​ക​ളാ​ണ് ഏ​റെ​യും. ഏ​ഴ് കി​ലോ​യോ​ളം തൂ​ക്കം വ​രു​ന്ന ‘മാം​ഗോ​ശ്രീ’ ഭീ​മ​ൻ മേ​ള​യി​ലെ പ്ര​ധാ​ന ആ​ക​ർ​ഷ​ണ​മാ​യി മാ​റി.

ഏ​റ്റ​വും കൂ​ടു​ത​ൽ ഇ​ന​ങ്ങ​ൾ; 400ല​ധി​കം എ​ത്തി​യ​ത്​ തൃ​ശൂ​ർ ജി​ല്ല​യി​ൽ​നി​ന്ന്​ ത​ന്നെ​യാ​ണ്. പ​ല ജോ​ലി​ക​ൾ ചെ​യ്യു​ന്ന​വ​രാ​ണ് കൂ​ട്ടാ​യ്മ​യി​ലെ അം​ഗ​ങ്ങ​ൾ. മാ​വി​നോ​ടു​ള്ള സ്നേ​ഹം മാ​ത്ര​മാ​ണ് അ​വ​രെ ഒ​ന്നി​പ്പി​ക്കു​ന്ന​ത്.

ഒ​ഴി​വ്​ സ​മ​യ​ങ്ങ​ളി​ലാ​ണ്​ അ​വ​ർ ഈ ​ഉ​ദ്യ​മ​ത്തി​ന്​ ഇ​റ​ങ്ങു​ന്ന​ത്. അ​ടു​ത്ത​വ​ർ​ഷം 2000 വ്യ​ത്യ​സ്ത ഇ​നം മാ​ങ്ങ​ക​ൾ ഉ​ൾ​പ്പെ​ടു​ത്തി മേ​ള കൂ​ടു​ത​ൽ വി​പു​ല​മാ​ക്കാ​നാ​ണ് ല​ക്ഷ്യ​മി​ടു​ന്ന​തെ​ന്ന്​ സം​ഘാ​ട​ക​ർ അ​റി​യി​ച്ചു.

ട്രി​ച്ചൂ​ർ അ​ഗ്രി-​ഹോ​ർ​ട്ടി​ക​ൾ​ച​റ​ൽ സൊ​സൈ​റ്റി​യു​ടെ നേ​തൃ​ത്വ​ത്തി​ൽ കൃ​ഷി​വ​കു​പ്പ്, കാ​ർ​ഷി​ക സ​ർ​വ​ക​ലാ​ശാ​ല, ഇ​ൻ​ഡി​ജി​ന​സ് മാം​ഗോ ട്രീ ​ക​ൺ​സ​ർ​വേ​ഷ​ൻ പ്രോ​ജ​ക്ട്, ടി.​സി.​പി.​സി എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​ണ് മേ​ള ഒ​രു​ക്കി​യ​ത്.