ഡ്രൈ​വ​ർ​മാ​രും യാ​ത്രി​ക​രും ചോ​ദി​ക്കു​ന്നു.. മാ​ള ടൗ​ണി​ൽ വ​ൺ​വേ ന​ട​പ്പാ​ക്കാ​ൻ ത​ട​സ്സ​മെ​ന്ത്?

മാ​ള: ടൗ​ണി​ൽ വ​ൺ​വേ ന​ട​പ്പാ​ക്ക​ണ​മെ​ന്ന ആ​വ​ശ്യ​ത്തോ​ട് മു​ഖം തി​രി​ച്ച് അ​ധി​കൃ​ത​ർ. സു​ഗ​മ യാ​ത്രാ സം​വി​ധാ​നം എ​ന്നു​ണ്ടാ​കു​മെ​ന്ന കാ​ത്തി​രി​പ്പി​ലാ​ണ് ഡ്രൈ​വ​ർ​മാ​രും യാ​ത്രി​ക​രും. ടൗ​ൺ റോ​ഡ് ന​വീ​ക​ര​ണ​ത്തി​ന് ശേ​ഷം മാ​ള ജ​ങ്ഷ​ൻ അ​പ​ക​ട​മേ​ഖ​ല​യാ​യി മാ​റി​യി​രി​ക്കു​ക​യാ​ണ്.

പോ​സ്റ്റ് ഓ​ഫി​സ് റോ​ഡി​ൽ​നി​ന്ന് യ​ഹൂ​ദ സി​ന​ഗോ​ഗി​ന്റെ മു​ൻ​വ​ശം വ​രെ​യു​ള്ള ഭാ​ഗ​ത്താ​ണ് ഗ​താ​ഗ​തം ത​ട​സ്സം രൂ​ക്ഷം. ജ​ങ്ഷ​നി​ൽ ട്രാ​ഫി​ക് നി​യ​ന്ത്രി​ക്കാ​ൻ പൊ​ലീ​സ് സം​വി​ധാ​ന​മി​ല്ല. സി​ഗ്ന​ൽ സം​വി​ധാ​നം സ്ഥാ​പി​ക്കു​ന്ന​തി​നും ന​ട​പ​ടി​യി​ല്ല. നൂ​റു ക​ണ​ക്കി​ന് വി​ദ്യാ​ർ​ഥി​ക​ൾ ഉ​ൾ​പ്പെ​ടെ ക​ട​ന്ന പോ​കു​ന്ന റോ​ഡാ​ണി​ത്. ഏ​താ​നും ചി​ല സ്വ​കാ​ര്യ ബ​സ് ജീ​വ​ന​ക്കാ​ർ, വ്യാ​പാ​രി​ക​ളി​ൽ ഒ​രു വി​ഭാ​ഗം തു​ട​ങ്ങി​യ​വ​രു​ടെ സ​മ്മ​ർ​ദ​ത്തി​ന് വ​ഴ​ങ്ങി​യാ​ണ​ത്രേ വ​ൺ​വേ ന​ട​പ്പി​ലാ​ക്കാ​ത്ത​തെ​ന്ന് പ​രാ​തി​യു​ണ്ട്. മാ​ള കെ. ​ക​രു​ണാ​ക​ര​ൻ റോ​ഡ്, എ.​എം. അ​ലി മാ​സ്റ്റ​ർ റോ​ഡ്, പോ​സ്റ്റ് ഓ​ഫി​സ് റോ​ഡ്, ഡേ​വീ​സ് പെ​രേ​പ്പാ​ട​ൻ ലി​ങ്ക് റോ​ഡ് എ​ന്നി​വ​യാ​ണ് വ​ൺ​വേ ആ​വ​ശ്യ​മു​ള്ള​വ. കെ.​എ​സ്‌.​ആ​ർ.​ടി.​സി മാ​ള ഡി​പ്പോ, സ്വ​കാ​ര്യ ബ​സ് സ്റ്റാ​ൻ​ഡ് എ​ന്നി​വ​യി​ൽ​നി​ന്ന് നി​ര​വ​ധി ബ​സു​ക​ൾ സ​ർ​വി​സ് ന​ട​ത്തു​ന്നു​ണ്ട്. മാ​ള പൊ​ലീ​സ്, പ​ഞ്ചാ​യ​ത്ത്, വ്യാ​പാ​രി​ക​ൾ, ബ​സ് ജീ​വ​ന​ക്കാ​രു​ടെ പ്ര​തി​നി​ധി​ക​ൾ തു​ട​ങ്ങി ബ​ന്ധ​പ്പെ​ട്ട​വ​രു​ടെ സാ​ന്നി​ധ്യ​ത്തി​ൽ വ​ൺ​വേ തീ​രു​മാ​നി​ക്ക​ണ​മെ​ന്ന് ആ​വ​ശ്യ​മു​യ​ർ​ന്നി​ട്ടു​ണ്ട്.