മാളയിൽ കുഴി കുത്തണോ...? കൊട്ടാരം ഉദ്യോഗസ്ഥന്റെ അനുമതി വേണം

മാ​ള: കു​ഴി ഒ​ന്ന് കു​ത്താ​ൻ കൊ​ട്ടാ​രം ഉ​ദ്യോ​ഗ​സ്ഥ​ന്റെ അ​നു​മ​തി വേ​ണ​മെ​ന്ന്. മാ​ള ടൗ​ണി​നും സ​മീ​പ സ്ഥ​ല​ത്തും കു​ഴി​ക്കു​ന്ന​തി​നും നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​നു​മാ​ണ് പു​രാ​വ​സ്തു വ​കു​പ്പി​ന്റെ അ​നു​മ​തി തേ​ട​ണ​മെ​ന്ന നി​ബ​ന്ധ​ന.

മാ​ള പ​ഞ്ചാ​യ​ത്തി​ന്റെ കൈ​വ​ശ​മു​ള്ള മാ​ള ക​ട​വ് വി​ല്ലേ​ജ് ഹ​ട്ട് കെ​ട്ടി​ട​ത്തി​ൽ എം.​എ​ൽ.​എ ഫ​ണ്ടി​ൽ ശൗ​ചാ​ല​യം അ​നു​വ​ദി​ച്ചി​രു​ന്നു. മാ​ള ബ്ലോ​ക്ക് പ​ഞ്ചാ​യ​ത്ത് സെ​ക്ര​ട്ട​റി ഇ​തി​ന് അ​നു​മ​തി തേ​ടി. ഇ​തി​ന് മ​റു​പ​ടി​യാ​യാ​ണ് നി​ബ​ന്ധ​ന​ക​ൾ മു​ന്നോ​ട്ടു​വെ​ച്ചി​ട്ടു​ള്ള​ത്.

പ​ഞ്ചാ​യ​ത്ത് ന​ട​ത്തു​ന്ന നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്കും ഇ​ത് ബാ​ധ​ക​മാ​ണ്. മാ​ള ടൗ​ണി​ലെ സി​ന​ഗോ​ഗി​ൽ നി​ന്ന് 170 മീ​റ്റ​ർ ദൂ​ര​ത്തി​ലു​ള്ള പ​ഞ്ചാ​യ​ത്ത് കൈ​വ​ശം വെ​ച്ചി​ട്ടു​ള്ള കെ​ട്ടി​ട​ത്തി​ൽ നി​ർ​മാ​ണം ന​ട​ത്തു​ന്ന​തി​നും നി​ബ​ന്ധ​ന ബാ​ധ​ക​മാ​ണ്. സം​ര​ക്ഷി​ത സ്മാ​ര​ക​ത്തി​ന് ഹാ​നി​ക​ര​മ​ല്ലെ​ങ്കി​ലും നി​ർ​മാ​ണ​ത്തി​ന് മു​ൻ‌​കൂ​ർ അ​നു​മ​തി ല​ഭി​ക്കാ​ൻ തൃ​ശൂ​രി​ലെ ശ​ക്ത​ൻ ത​മ്പു​രാ​ൻ കൊ​ട്ടാ​രം ചു​മ​ത​ല​യു​ള്ള ഉ​ദ്യോ​ഗ​സ്ഥ​നെ അ​റി​യി​ക്ക​ണ​മെ​ന്നും കു​ഴി​യ്ക്കു​മ്പോ​ൾ എ​ന്തെ​ങ്കി​ലും പു​രാ​വ​സ്തു​ക്ക​ൾ ല​ഭി​ച്ചാ​ൽ നി​ർ​മാ​ണം നി​ർ​ത്തി​വെ​ച്ച് അ​റി​യി​ക്ക​ണ​മെ​ന്നും പു​രാ​വ​സ്തു വ​കു​പ്പി​ന്റെ അ​റി​യി​പ്പി​ൽ പ​റ​യു​ന്നു.