ഡി എൻവിയർ ഗ്രാജുവേഷൻ ചടങ്ങ് നാളെ

ചിറമനേങ്ങാട്: ഡി എൻവിയർ മഅ്ദിൻ ഡ്രീം സ്ട്രീറ്റ് ഗ്രാൻഡ് ഗ്രാജുവേഷൻ സെറിമണി തിങ്കളാഴ്ച നുസ്രത്ത് കാമ്പസിൽ വെച്ച് നടക്കും. സ്ഥാപനത്തിൽനിന്ന് പഠനം പൂർത്തീകരിച്ച് പുറത്തിറങ്ങുന്ന 15 വിദ്യാർഥികൾക്ക് സമസ്ത കേരള ജംഇയ്യത്തുൽ ഉലമ സെക്രട്ടറി ഇബ്രാഹിം ഖലീലുൽ ബുഖാരി തങ്ങൾ ഗ്രാജുവേഷൻ ഹോണർ നൽകും.

സ്ഥാപനത്തിന്റെ വർക്കിങ് ചെയർമാൻ ബക്കർ ഹാജി പെൻകോ അധ്യക്ഷത വഹിക്കും. ആൾ കേരള ഓർഫനേജ് കൺട്രോൾ ബോർഡ് ചെയർമാൻ എൻ. അലി അബ്ദുല്ല മുഖ്യാതിഥിയാവും.

സ്കൂൾ ഓഫ് ഖുർആൻ ഡയറക്ടർ അബൂബക്കർ സഖാഫി അരീക്കോട് ഗ്രാജുവേഷൻ ഇൻട്രൊഡക്ഷൻ അവതരിപ്പിക്കും. മത സാംസ്കാരിക രംഗത്തെ നേതാക്കൾ പങ്കെടുക്കും.