Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_right'മാധ്യമം' വാർത്ത...

'മാധ്യമം' വാർത്ത തുണയായി; എള​ങ്കോവന്​ ഭക്ഷണം കഴിക്കാം

text_fields
bookmark_border
മാധ്യമം വാർത്ത തുണയായി; എള​ങ്കോവന്​ ഭക്ഷണം കഴിക്കാം
cancel
camera_alt

ദയ ആശുപത്രിയിൽ എം.ഡി. ഡോ. വി.കെ. അബ്​ദുൽ അസീസിനൊപ്പം എള​ങ്കോവനും രേവതും

തൃശൂർ: പോസ്​റ്റ്​ ഓഫിസ്​ റോഡിൽ ഭക്ഷണം കഴിക്കാനാകാതെ ദുരിതത്തിൽ കഴിഞ്ഞിരുന്ന എള​ങ്കോവന്​ ഇപ്പോൾ ഭക്ഷണം കഴിക്കാം. ​'മാധ്യമം' വാർത്തയെത്തുടർന്ന്​ തൃശൂർ ദയ ആശുപത്രി ഏറ്റെടുത്ത്​ നടത്തിയ പരിശോധനയിൽ ഇദ്ദേഹത്തിന്​ അന്നനാളത്തിൽ അർബുദം​ കണ്ടെത്തിയിരുന്നു. തൊണ്ടയിൽ ശസ്​ത്രക്രിയ നടത്തി 'സ്​റ്റെൻറ്​' (കൃത്രിമ ട്യൂബ്​) സ്​ഥാപിച്ചതോടെ​ ഭക്ഷണം കഴിക്കാവുന്ന സ്​ഥിതിയിലാണി​േപ്പാൾ. ശസ്​ത്രക്രിയക്കും അനുബന്ധ ആവശ്യങ്ങൾക്കുമായി 81,000 രൂപയുടെ ചികിത്സ സൗജന്യമായാണ്​ തൃശൂർ ദയ ഹോസ്​പിറ്റൽ നടത്തിയത്​. ആശുപത്രിയിൽ സുഹൃത്ത്​ രേവത്​ എള​ങ്കോവന്​ കൂട്ടായി​. എള​ങ്കോവന്​ ഭക്ഷണം കഴിക്കാനാവുന്നു​ണ്ടെന്നും ആരോഗ്യം മെച്ചപ്പെട്ടിട്ടുണ്ടെന്നും നിലച്ച​ ശബ്​ദം തിരിച്ചുകിട്ടി​യതായും രേവത്​ പറഞ്ഞു.

പോളിയോ ബാധിതനായ 70കാരനായ എള​​ങ്കോവൻ പിൻഭാഗത്ത്​ കെട്ടിവെച്ച ടയറി​െൻറ സഹായത്തിൽ നിരങ്ങി നീങ്ങി ലോട്ടറി വിറ്റാണ്​ ഉപജീവനം കഴിച്ചിരുന്നത്​. ഭക്ഷണമിറങ്ങാതെ 50 ദിവസം പിന്നിട്ട ഇദ്ദേഹം അവശനായതിനെക്കുറിച്ച്​ 'മാധ്യമം' വാർത്ത നൽകിയിരുന്നു​.

എള​​ങ്കോവന്​ അന്നനാളത്തിൽ ദീർഘനാളായുള്ള അർബുദമാണെന്ന്​ വ്യക്​തമായതായി ദയ ആശുപത്രി മാനേജിങ്​ ഡയറക്ടർ ഡോ. വി.കെ. അബ്​ദുൽ അസീസ്​ 'മാധ്യമ'ത്തോട്​ പറഞ്ഞു. ഇനി കീമോ തെറപ്പി, റേഡിയേഷൻ ചികിത്സയാണ്​ ആവശ്യം. എള​​ങ്കോവ​െൻറ അവസ്​ഥ വിവരിച്ച്​ മെഡിക്കൽ കോളജ്​ ഓ​ങ്കോളജി ഡോക്​ടർക്ക്​ കുറിപ്പ്​ നൽകിയിരുന്നതായും അദ്ദേഹം പറഞ്ഞു. മെഡിക്കൽ കോളജിൽ എള​ങ്കോവ​െൻറ കീമോ തെറപ്പി തുടങ്ങിയതായി സഹായിയായി നിൽക്കുന്ന രേവത്​ അറിയിച്ചു.

എള​ങ്കോവൻ മെഡിക്കൽ കോളജ്​ ആശുപത്രിയിൽ

വാടകക്ക്​ ഓ​ട്ടോ ഓടിച്ചുകിട്ടുന്ന പണം കൊണ്ടാണ്​ പ്രാരാബ്​ധങ്ങളേറെയുള്ള രേവതി​െൻറ കുടുംബം കഴിഞ്ഞിരുന്നത്​. പക്ഷേ, എള​ങ്കോവ​െൻറ അവസ്​ഥ ഗുരുതരമായതോടെ ഒരു മാസമായി ആശുപത്രിയിലും മറ്റുമായി കൂടെയുണ്ട്​ രേവത്​. ഒരു മാസത്തോളമായി വരുമാനവും നിലച്ചു​. ദയ ആശുപത്രിയിലായിരുന്നപ്പോൾ അവിടെ ഭക്ഷണം സൗജന്യമായിരുന്നു. എന്നാൽ,​ മെഡിക്കൽ കോളജിലെത്തിയപ്പോൾ സ്​ഥിതി മാറി. 20 ദിവസമെങ്കിലും തുടർച്ചയായി അവിടെനിന്ന്​ കീമോ ചെയ്യേണ്ടിവരും. ഇ​േപ്പാൾ ഉച്ചഭക്ഷണവും മറ്റും സന്നദ്ധ സംഘടനകളുടെ വകയായി എത്താറുണ്ടെങ്കിലും മറ്റ്​ ചെലവുകൾക്ക്​ സഹായം ​േ​തടേണ്ട അവസ്​ഥയാണെന്ന്​ രേവത്​ പറയുന്നു. 'അണ്ണന്​ കാലിന്​ സ്വാധീനമില്ലാത്തിനാൽ എപ്പോഴും സഹായം ആവശ്യമാണ്​. ഞാൻ പോയാൽ മറ്റൊരാളും സഹായിക്കാനുണ്ടാവില്ല. വീട്ടിൽ പോകണമെന്നുണ്ട്​്​. ഓ​ട്ടോ ഓടിക്കണമെന്നുണ്ട്​... എന്ത്​ചെയ്യാൻ...'- രേവത്​ ചോദിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam impactilankovan
Next Story