ദേ​ശീ​യ പാ​ത​യി​ൽ ചാ​ല​ക്കു​ടി മു​നി​സി​പ്പ​ൽ ജ​ങ്​​ഷ​നി​ൽ ലോറികൾ കൂട്ടിയിടിച്ച് രണ്ട് പേർക്ക് പരിക്ക്

ചാ​ല​ക്കു​ടി: ദേ​ശീ​യ പാ​ത​യി​ൽ ചാ​ല​ക്കു​ടി മു​നി​സി​പ്പ​ൽ ജ​ങ്​​ഷ​നി​ൽ അ​ടി​പ്പാ​ത നി​ർ​മാ​ണ സ്ഥ​ലം അ​പ​ക​ട കേ​ന്ദ്ര​മാ​യി. ഇ​വി​ടെ ക​ണ്ടെ​യ്ന​ർ ലോ​റി​യും ടൈ​ല​ർ ലോ​റി​യും കൂ​ട്ടി​യി​ടി​ച്ചു ര​ണ്ട് പേ​ർ​ക്ക് പ​രി​ക്ക്. ഗു​രു​ത​ര​മാ​യ പ​രി​ക്കേ​റ്റ​യാ​ളെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ചൊ​വ്വാ​ഴ്ച പു​ല​ർ​ച്ച 5.30നാ​ണ് അ​പ​ക​ടം. നി​ർ​മാ​ണ​ത്തി​നാ​യി റോ​ഡ് തി​രി​ച്ച് ഒ​രേ ട്രാ​ക്കി​ലൂ​ടെ വാ​ഹ​നം ക​ട​ത്തി വി​ടു​ന്ന ഭാ​ഗ​ത്താ​ണ് അ​പ​ക​ടം. എ​റ​ണാ​കു​ളം ഭാ​ഗ​ത്തേ​ക്ക് പോ​കു​ന്ന ക​ണ്ടെ​യ്ന​ർ ലോ​റി​യും തൃ​ശൂ​ർ ദി​ശ​യി​ലേ​ക്ക് പോ​കു​ന്ന ട്രെ​യ്​​ല​ർ ലോ​റി​യു​മാ​ണ്​ കൂ​ട്ടി​യി​ടി​ച്ച​ത്.

ട്രെ​യ്​​ല​ർ ലോ​റി​യു​ടെ മു​ൻ​വ​ശ​ത്തെ കാ​ബി​ൻ പൂ​ർ​ണ​മാ​യും ത​ക​ർ​ന്നു. ക​ണ്ടെ​യ്ന​ർ ലോ​റി​യു​ടെ മു​ൻ​വ​ശ​ത്തെ ചി​ല്ലു ത​ക​രു​ക​യും ട​യ​ർ പൊ​ട്ടു​ക​യും ചെ​യ്തു. ട്രെ​യ്​​ല​ർ ലോ​റി​യി​ലെ ജീ​വ​ന​ക്കാ​ർ​ക്കാ​ണ് പ​രി​ക്കേ​റ്റ​ത്. ഇ​തി​ൽ ഒ​രാ​ൾ ചാ​ല​ക്കു​ടി താ​ലൂ​ക്ക് ആ​ശു​പ​ത്രി​യി​ൽ ചി​കി​ൽ​സ​യി​ലാ​ണ്. അ​പ​ക​ട​ത്തെ തു​ട​ർ​ന്ന് ഗ​താ​ഗ​തം ത​ട​സ്സ​പ്പെ​ട്ടു. ഗു​രു​ത​ര​മാ​യ ഗ​താ​ഗ​ത​കു​രു​ക്കും അ​നു​ഭ​വ​പ്പെ​ട്ടു.

ഇ​വി​ടെ റോ​ഡ് ത​ക​ർ​ന്നി​ട്ട് നാ​ളു​ക​ളാ​യി. മ​ഴ​ക്കാ​ല​മാ​യ​തോ​ടെ വ​ലി​യ കു​ഴി​ക​ൾ രൂ​പം കൊ​ണ്ടി​ട്ടു​ണ്ട്. ഇ​തു മൂ​ലം വാ​ഹ​ന​ങ്ങ​ളു​ടെ കു​രു​ക്ക് സ്ഥി​ര​മാ​ണി​വി​ടെ. അ​ടി​പ്പാ​ത നി​ർ​മാ​ണ​ത്തി​നാ​യി റോ​ഡ് തൃ​ശൂ​ർ ട്രാ​ക്ക് വെ​ട്ടി​പ്പൊ​ളി​ച്ച് വ​ൻ ഗ​ർ​ത്ത​മാ​ക്കി​യി​ട്ട് വ​ർ​ഷ​ങ്ങ​ളാ​യി. എ​റ​ണാ​കു​ളം ട്രാ​ക്കി​ലൂ​ടെ​യാ​ണ് ര​ണ്ട് ഭാ​ഗ​ത്തേ​ക്കു​മു​ള്ള വാ​ഹ​ന​ങ്ങ​ൾ മു​ഖാ​മു​ഖം ക​ട​ന്നു​പോ​വു​ന്ന​ത്. അ​ടി​പ്പാ​ത നി​ർ​മാ​ണം ഉ​ട​ൻ പൂ​ർ​ത്തി​യാ​ക്ക​ണ​മെ​ന്ന കോ​ട​തി നി​ർ​ദേ​ശ​വും ചെ​വി​ക്കൊ​ള്ളു​ന്നി​ല്ല. ദേ​ശീ​യ​പാ​ത അ​ധി​കൃ​ത​രും ടോ​ൾ​പ്ലാ​സ ക​രാ​ർ ക​മ്പ​നി​ക്കാ​രും അ​നാ​സ്ഥ കൈ ​വെ​ടി​ഞ്ഞ് അ​ടി​പ്പാ​ത നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്നും ഈ ​മേ​ഖ​ല അ​പ​ക​ട​ര​ഹി​ത​മാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.