നൂലിൽ പിടയുന്നു, ഇവിടെ ജീവിതം

ഒ​രു​കാ​ല​ത്ത് തൃ​ശൂ​രി​ന്‍റെ പ്ര​താ​പ​ത്തി​ന്‍റെ ചി​ഹ്ന​ങ്ങ​ളാ​യി​രു​ന്നു സ്പി​ന്നി​ങ് മി​ല്ലു​ക​ൾ. കേ​വ​ലം തൊ​ഴി​ൽ ശാ​ല​ക​ൾ മാ​ത്ര​മ​ല്ല, ഒ​ട്ടേ​റെ രാ​ഷ്ട്രീ​യ നേ​താ​ക്ക​ളു​ടെ ക​ള​രി​ക​ൾ കൂ​ടി​യാ​യി​രു​ന്നു ഇ​വി​ടം. തു​ട​രെ പൊ​ട്ടി​പ്പോ​കു​ന്ന നൂ​ലി​ഴ​ക​ളെ​പോ​ലെ​യാ​ണ്​ ഇ​പ്പോ​ൾ ഇ​വി​ട​ത്തെ തൊ​ഴി​ലാ​ളി​ക​ളു​ടെ ജീ​വി​തം.

അ​തി​ൽ​പ്പെ​ട്ടു​ഴ​ലു​ന്ന​ ആ​യി​ര​ക്ക​ണ​ക്കി​ന്​ ജീ​വി​ത​ങ്ങ​ൾ. ഫെ​ബ്രു​വ​രി ആ​റോ​ടെ വി​രു​പ്പാ​ക്ക​യി​ലെ തൃ​ശൂ​ർ സ​ഹ​ക​ര​ണ സ്പി​ന്നി​ങ് ​മി​ല്ലി​നു​കൂ​ടി താ​ൽ​ക്കാ​ലി​ക​മാ​യി പൂ​ട്ടു​വീ​ണു. സ​ർ​ക്കാ​ർ പ​ണം ന​ൽ​കി​യാ​ൽ പ്ര​വ​ർ​ത്ത​നം പു​ന​രാ​രം​ഭി​ക്കു​മെ​ന്ന്​ പ​റ​യു​ന്നു​ണ്ടെ​ങ്കി​ലും പ്ര​തി​മാ​സം 55 ല​ക്ഷം ന​ഷ്ട​ത്തി​ലാ​ണ്​ ഓ​ടി​യി​രു​ന്ന​ത്. ജി​ല്ല​യി​ൽ നാ​ഷ​ന​ൽ ടെ​ക്സ്റ്റെ​യി​ൽ​സ്​ കോ​ർ​പ​റേ​ഷ​ന്​​ കീ​ഴി​ലെ അ​ള​ഗ​പ്പ സ്പി​ന്നി​ങ്​ മി​ല്ലും കേ​ര​ള ല​ക്ഷ്മി മി​ല്ലും പൂ​ട്ടി​യി​ട്ട്​ മൂ​ന്നു​വ​ർ​ഷ​മാ​യി.

പൂ​ങ്കു​ന്ന​ത്തെ സ​ർ​ക്കാ​ർ ഉ​ട​മ​സ്ഥ​യി​ലെ സീ​താ​റാം സ്പി​ന്നി​ങ്​ മി​ൽ മാ​ത്ര​മാ​ണ്​ പ്ര​വ​ർ​ത്തി​ക്കു​ന്ന​ത്. ഇ​വി​ടെ വി​ര​മി​ച്ച​വ​ർ​ക്കു​ള്ള ആ​നു​കൂ​ല്യം വി​ത​ര​ണം ചെ​യ്തി​ട്ടി​ല്ല. രാ​ജ​ഗോ​പാ​ൽ, വ​ന​ജ, നാ​ട്ടി​ക ട്രി​ക്കോ​ട്ട് തു​ട​ങ്ങി ജി​ല്ല​യി​ലെ സ്വ​കാ​ര്യ​മേ​ഖ​ല​​യി​ലെ മി​ല്ലു​ക​ൾ നേ​ര​ത്തെ പൂ​ട്ടി​പ്പോ​യി​രു​ന്നു. ദു​രി​ത ദി​ന​ങ്ങ​ളി​ലൂ​ടെ ക​ട​ന്നു​പോ​കു​ന്ന തൊ​ഴി​ലാ​ളി ജീ​വി​ത​വും ന​ഷ്ട​ത്തി​ന്‍റെ പ​ടു​കു​ഴി​യി​ലെ​ത്തി​ച്ച നാ​ൾ വ​ഴി​ക​ളി​ലേ​ക്ക്​ ‘മാ​ധ്യ​മം’​ലേ​ഖ​ക​ൻ പി.​പി. പ്ര​ശാ​ന്ത് ന​ട​ത്തു​ന്ന യാ​ത്ര.

അ​ഴി​മ​തി​യി​ൽ കോ​ർ​ത്ത സ്ഥാ​പ​നം

എ​ക്കാ​ല​വും അ​ഴി​മ​തി​ക്കും കെ​ടു​കാ​ര്യ​സ്ഥ​ത​ക്കും വി​ധേ​യ​മാ​കാ​ൻ മാ​ത്ര​മാ​യി ഒ​രു സ്പി​ന്നി​ങ്​ മി​ല്ലു​ണ്ടെ​ങ്കി​ൽ അ​തി​ന്‍റെ പേ​ര്​ ​വി​രു​പ്പാ​ക്ക​യി​ലെ തൃ​ശൂ​ർ സ​ഹ​ക​ര​ണ സ്പി​ന്നി​ങ്​ മി​ൽ എ​ന്നാ​ണ്. നാ​ല്​ പ​തി​റ്റാ​ണ്ടി​നി​ടെ ആ ​പ​ട്ടം ചാ​ർ​ത്ത​പ്പെ​ട്ടി​ല്ലാ​യി​രു​ന്നെ​ങ്കി​ൽ സം​സ്ഥാ​ന​ത്തെ വി​ക​സ​ന വ്യ​വ​സാ​യ സ്ഥാ​പ​ന​ങ്ങ​ളു​​ടെ പ​ട്ടി​ക​യി​ൽ തി​ള​ങ്ങി​നി​ന്നേ​നെ. അ​ഴി​മ​തി ആ​രോ​പ​ണ​ങ്ങ​ൾ ഈ​ ​മി​ല്ലി​ന്​ പു​ത്ത​രി​യ​ല്ല.

പ​ക്ഷേ, അ​ത്​ അ​വ​കാ​ശ​മാ​യി എ​ടു​ത്ത​താ​ണ്​ ഈ ​സ്പി​ന്നി​ങ്​ മി​ല്ലി​ന്‍റെ ത​ക​ർ​ച്ച​ക്ക്​ കാ​ര​ണ​മാ​യ​തെ​ന്ന്​ ജീ​വ​ന​ക്കാ​ർ കു​റ്റ​പ്പെ​ടു​ത്തു​ന്നു. ഇ​റ്റ​ലി​ക്ക്​ പോ​ലും ഇ​വി​ടെ നി​ന്ന്​ നൂ​ൽ ക​യ​റ്റി അ​യ​ച്ചി​രു​ന്നി​ട​ത്ത്​ ഇ​പ്പോ​ൾ പ്ര​തി​മാ​സം 55 ല​ക്ഷം രൂ​പ ന​ഷ്ട​ത്തി​ലാ​ണ്​ ഇ​പ്പോ​ഴും ഓ​ടി​ക്കൊ​ണ്ടി​രി​ക്കു​ന്ന​ത്. പ​ഞ്ഞി​വാ​ങ്ങാ​ൻ പ​ണ​മി​ല്ലാ​ത്ത​തി​നാ​ൽ പ​കു​തി മാ​സം മാ​ത്ര​മേ പ്ര​വ​ർ​ത്ത​ന​മു​ള്ളൂ. ഇ​പ്പോ​ഴി​താ പ​ണ​മെ​ത്തും വ​രെ മി​ൽ പൂ​ട്ടി​യി​ട്ടി​രി​ക്കു​ക​യാ​ണ്.

പ്ര​തീ​ക്ഷ​യു​ടെ തു​ട​ക്കം

വ്യ​വ​സാ​യ വ​കു​പ്പ്​ മ​​ന്ത്രി​യാ​യി​രു​ന്ന പി.​സി. ചാ​​ക്കോ​യാ​ണ്​ മി​ല്ലി​ന്​ ത​റ​ക്ക​ല്ലി​ട്ട​ത്. 1981ൽ ​മു​ഖ്യ​മ​ന്ത്രി​യാ​യി​രു​ന്ന കെ. ​ക​രു​ണാ​ക​ര​ൻ അ​ഡ്​​മി​നി​സ്​​ട്രേ​റ്റി​വ്​ ​ബ്ലോ​ക്ക്​ ഉ​ദ്​​ഘാ​ട​നം ചെ​യ്തു. ആ​ദ്യം 12,000 സ്പി​ൻ​ഡി​ൽ​സ് (ത​ണ്ടി​ൽ ചു​റ്റി​യ നൂ​ലു​ണ്ട​ക​ൾ) ഉ​ൽ​പാ​ദ​നം. 1983-84 കാ​ല​ഘ​ട്ട​ത്തി​ൽ നൂ​ൽ ഇ​റ്റ​ലി​യി​ലേ​ക്ക്​ ക​യ​റ്റി അ​യ​ച്ചു തു​ട​ങ്ങി. 1992ൽ ​യു.​ഡി.​എ​ഫ്​ ഭ​ര​ണ​കാ​ല​ത്ത്​ ഭ​ര​ണ​സ​മി​തി പി​രി​ച്ചു​വി​ട്ട്​ അ​ഡ്​​മി​നി​സ്ട്രേ​റ്റി​വ്​ ഭ​ര​ണ​മാ​ക്കി.

പ​ബ്ലി​ക്​ ഓ​ഡി​റ്റ്​ ആ​വ​ശ്യ​മി​ല്ലാ​തി​രു​ന്ന ആ ​കാ​ലം മു​ത​ൽ തു​ട​ങ്ങി, ഏ​കാ​ധി​പ​ത്യ​ഭ​ര​ണം. സ്വ​ന്തം താ​ൽ​പ​ര്യ​ക്കാ​രെ തി​രു​കി​ക്ക​യ​റ്റ​ലും നൂ​ല്​ വാ​ങ്ങ​ലി​ലും പ​ഞ്ഞി​വി​ൽ​ക്ക​ലി​ലും ഉ​ള്ള ‘താ​ൽ​പ​ര്യ’​ങ്ങ​ളും ചോ​ദ്യം ചെ​യ്യാ​ത്ത യൂ​നി​യ​ൻ നേ​തൃ​ത്വ​വും പു​രോ​ഗ​തി ല​ക്ഷ്യ​മി​ട്ട പ്ര​വ​ർ​ത്ത​ന​ങ്ങ​ളെ കീ​ഴോ​ട്ടു ച​ലി​പ്പി​ച്ചു. ന​ഷ്ടം കു​മി​ഞ്ഞു​കൂ​ടി​ത്തു​ട​ങ്ങി. 2001-03 കാ​ല​ഘ​ട്ട​ത്തി​ൽ കു​റ​ച്ച്​ മാ​സ​ങ്ങ​ൾ മാ​ത്ര​മാ​ണ്​ മി​ല്ലി​ന്​ അ​റ്റാ​ദാ​യം ഉ​ണ്ടാ​ക്കാ​ൻ സാ​ധി​ച്ച​ത്. പി​ന്നീ​ടി​ങ്ങോ​ട്ട്​ പ​റ​യാ​ൻ ന​ഷ്ട​ക്ക​ണ​ക്കു​ക​ളേ ഉ​ണ്ടാ​യി​രു​ന്നു​ള്ളൂ.

കു​മി​യു​ന്ന ന​ഷ്ട​ക്ക​ണ​ക്ക്​

പി​ന്നീ​ട്​ വ​ന്ന ഉ​ദ്യോ​ഗ​സ്ഥ​ൻ​മാ​രൊ​ക്കെ മി​ൽ ഭ​ര​ണം ശ്ര​ദ്ധി​ക്കാ​താ​യി. അ​റ്റ​കു​റ്റ​പ്പ​ണി​യും പ​രി​പാ​ല​ന​വു​മി​ല്ലാ​തെ മെ​ഷീ​നു​ക​ൾ നി​റു​ത്താ​തെ ഓ​ടി​ക്കൊ​ണ്ടി​രു​ന്നു. യ​ന്ത്ര​ങ്ങ​ളു​​ടെ​ ശേ​ഷി കു​റ​ഞ്ഞു. നൂ​ലി​ന്‍റെ ഗു​ണ​നി​ല​വാ​ര​വും കു​റ​ഞ്ഞു. 2000-01 കാ​ല​ത്തി​ൽ മി​ൽ ആ​ധു​നി​ക​വ​ത്ക​രി​ക്കു​ക​യും അ​തി​ന്റെ ഭാ​ഗ​മാ​യി ട്രു​മാ​ക്​ കാ​ർ​ഡ്​​സ്, സു​സ​ൻ ഏ​ഷ്യ റി​ങ്​​ ഫ്രെ​യി​മു​ക​ൾ ക​മ്പ​നി​യി​ലെ​ത്തു​ക​യും ചെ​യ്തു. അ​ന്ന്​ നാ​ല്​ സൂ​സ​ൻ ഏ​ഷ്യ യ​ന്ത്ര​ങ്ങ​ൾ വാ​ങ്ങി സ്ഥാ​പി​ക്കാ​ൻ തീ​രു​മാ​നി​ച്ചെ​ങ്കി​ലും മൂ​ന്ന്​ മെ​ഷീ​നു​​ക​ളേ വാ​ങ്ങി​യു​ള്ളൂ.

അ​തി​നാ​ൽ ശേ​ഷി 24288 സ്പി​ൻ​ഡി​ൽ​സ്​ ആ​യി കു​റ​ഞ്ഞു. ന​ഷ്ട​ക്ക​ണ​ക്കു​ക​ൾ കു​മി​യു​​ക​യും സ​ർ​ക്കാ​ർ അ​നു​വ​ദി​ക്കു​ന്ന പ​ണം ആ​രു​ടെ​യൊ​ക്കെ​യോ കൈ​ക​ളി​ലേ​ക്ക്​ ചോ​രു​ക​യും ചെ​യ്തു. ചെ​റി​യ ആ​വ​ശ്യ​ങ്ങ​ൾ സാ​ധി​പ്പി​ച്ച്​ യൂ​നി​യ​ൻ നേ​തൃ​ത്വം കാ​ഴ്ച​ക്കാ​രാ​യി. അ​ഡ്​​മി​നി​സ്​​​ട്രേ​റ്റ​ർ ഭ​ര​ണ​കാ​ല​ത്ത്​ സ്വ​ന്തം സ​ഹാ​യി​ക​ളാ​ക്കി​വെ​ച്ച 42 ജീ​വ​ന​ക്കാ​രെ ഒ​ഴി​വാ​ക്കി​യ തീ​രു​മാ​ന​മാ​ണ്​ എ​ടു​ത്തു​പ​റ​യാ​വു​ന്ന മി​ക​ച്ച നേ​ട്ടം.

ജി​ല്ല സ​ഹ​ക​ര​ണ ബാ​ങ്ക്​ ആ​ദ്യ​കാ​ല​ത്ത്​ 13 കോ​ടി വാ​യ്പ ന​ൽ​കി. തി​രി​ച്ച​ട​വ്​ മു​ട​ങ്ങി​യ​തോ​ടെ ക​മ്പ​നി​യു​ടെ 10 ഏ​ക്ക​ർ സ്ഥ​ലം കൊ​ടു​ത്ത്​ തീ​ർ​പ്പാ​ക്കി. കെ.​എ​സ്.​ഇ.​ബി​യി​ൽ വൈ​ദ്യു​തി​ത്തു​ക പ​ലി​ശ അ​ട​ക്കം 12 കോ​ടി കൊ​ടു​ക്കാ​നു​ണ്ട്. ഇ​ട​ക്ക്​ ഫ്യൂ​സ്​ ഊ​രു​മ്പോ​ൾ കു​റ​ച്ച്​ പ​ണ​മ​ട​ക്കും.

പൊ​ടി​പി​ടി​ച്ച ​ഹാ​ങ്ക്​ യാ​ൺ പ്രോ​ജ​ക്ട്​

നാ​ഷ​ന​ൽ ഹാ​ൻ​ഡ്​ ലൂം ​െ​ഡ​വ​ല​പ്​​മെ​ന്‍റ്​ കോ​ർ​പ​റേ​ഷ​ൻ ധ​ന​സ​ഹാ​യ​ത്തോ​ടെ 35 കോ​ടി രൂ​പ ചെ​ല​വി​ലാ​ണ്​ മി​ക​ച്ച നൂ​ൽ ഉ​ൽ​പാ​ദി​പ്പി​ക്കാ​നു​ള്ള പ​ദ്ധ​തി കൊ​ണ്ടു​വ​ന്ന​ത്. ഇ​തി​നാ​യി ര​ണ്ട​ര കോ​ടി രൂ​പ​യു​ടെ യ​ന്ത്ര​വും എ​ത്തി. 10 ല​ക്ഷം മു​ട​ക്കി​യാ​ൽ 50 ല​ക്ഷം ഉ​ണ്ടാ​ക്കാ​വു​ന്ന മാ​ർ​ക്ക​റ്റാ​യി​രു​ന്നു പ​ദ്ധ​തി വ​ഴി തു​റ​ന്ന​ത്. ഉ​ൽ​പാ​ദി​പ്പി​ക്കു​ന്ന നൂ​ലി​ന്​ ന​ല്ല വി​ല​യും കി​ട്ടി​യി​രു​ന്നു. 2018ൽ ​ലാ​ഭ​ക​ര​മ​ല്ലെ​ന്ന്​ എം.​ഡി ആ​യി​രു​ന്ന ശ​ശീ​ന്ദ്ര​ൻ ക​ണ്ടെ​ത്തി പ​ദ്ധ​തി​യെ ഫ്രീ​സ​റി​ലാ​ക്കി.

പി​ടി​പ്പു​കേ​ടി​ന്‍റെ നൂ​ൽമാ​റ്റം

സ​ർ​ക്കാ​റി​ൽ​നി​ന്ന്​ കാ​ലാ​കാ​ല​ങ്ങ​ളി​ൽ ല​ഭി​ച്ചി​രു​ന്ന ധ​ന​സ​ഹാ​യം കൊ​ണ്ടാ​ണ്​ മി​ൽ പ്ര​വ​ർ​ത്തി​ച്ചി​രു​ന്ന​ത്. ന​ല്ല പ​ഞ്ഞി ല​ഭി​ക്കാ​നി​ല്ലെ​ന്നും ഉ​ൽ​പാ​ദ​നം കു​റ​വാ​ണെ​ന്നും പ​റ​ഞ്ഞ്​ കോ​ട്ട​ൺ, പോ​ളി​യ​സ്റ്റ​ർ ​ബ്ലെ​ൻ​ഡ്​ യാ​ൺ ഉ​ണ്ടാ​ക്കാ​ൻ തു​ട​ങ്ങി​യ​പ്പോ​ൾ മു​ത​ൽ നാ​ശ​വും തു​ട​ങ്ങി.​ പോ​ളി​യ​സ്റ്റ​ർ ഓ​ടി​ക്കാ​ൻ പ​റ്റി​ല്ലെ​ന്ന്​ പ​റ​ഞ്ഞ്​ കു​റേ മെ​ഷീ​നു​ക​ൾ ദീ​ർ​ഘ​കാ​ലം നി​റു​ത്തി​യി​ട്ട്​ കേ​ടു​വ​രു​ത്തി. അ​വ​സാ​നം അ​വ ആ​ക്രി വി​ല​യ്ക്ക്​ വി​റ്റ്​ തു​ല​ച്ചു.

2022 മാ​ർ​ച്ച്​ - ഏ​പ്രി​ൽ മാ​സ​ങ്ങ​ളി​ലാ​ണ്​ പു​തു​താ​യി കോ​ട്ട​ൺ നൂ​ലു​ൽ​പാ​ദ​ന​ത്തി​ന്​ മെ​ഷീ​ൻ ഓ​ടി​ക്കാ​നാ​യി പോ​ളി​യ​സ്റ്റ​ർ കോ​ട്ട​ൺ ബ്ല​ൻ​ഡ​ഡ്​ നൂ​ലു​ൽ​പാ​ദ​നം നി​റു​ത്തി കോ​ട്ട​ണി​​ലേ​ക്ക്​ മാ​റി​യ​ത്. കോ​ട്ട​ണി​ലേ​ക്ക്​ മാ​റ​ണ​മെ​ങ്കി​ൽ യ​ന്ത്ര​സാ​മ​ഗ്രി​ക​ളി​ൽ അ​തി​ന്‍റെ​താ​യ മാ​റ്റം വ​രു​ത്ത​ണ​മാ​യി​രു​ന്നു. അ​തി​ന്‍റെ ഭാ​ഗ​മാ​യി ഉ​ണ്ടാ​ക്കി​യ നൂ​ൽ വി​ൽ​ക്കാ​ൻ പ​റ്റാ​തെ​യും ന​ട​പ​ടി​യി​​ലെ അ​പാ​ക​ത കൊ​ണ്ട്​ അ​ര കോ​ടി​യി​ലേ​റെ രൂ​പ​യു​ടെ ന​ഷ്ട​മാ​ണ്​ ക​മ്പ​നി​ക്ക്​ ഉ​ണ്ടാ​യ​ത്.

പ​ണ​മൊ​ഴു​കി, യ​ന്ത്ര​ങ്ങ​ളെ​ത്തി; പ​ക്ഷേ

37 കോ​ടി രൂ​പ​യു​ടെ കേ​ന്ദ്ര​ഫ​ണ്ട്, ആ​ധു​നി​ക​വ​ത്ക​ര​ണ​ത്തി​ന്​ വ​ർ​ഷ​ങ്ങ​ൾ​ക്ക്​ മു​മ്പേ അ​നു​വ​ദി​ച്ച​താ​ണെ​ങ്കി​ലും കി​ട്ടി പൂ​ർ​ത്തി​യാ​യ​ത്​ ക​ഴി​ഞ്ഞ​വ​ർ​ഷ​മാ​ണ്. സം​സ്ഥാ​ന സ​ർ​ക്കാ​ർ വ​ഴി ഗ​ഡു​ക്ക​ളാ​യാ​ണ്​ അ​നു​വ​ദി​ച്ച​ത്. ഇ​തി​ന്‍റെ ഭാ​ഗ​മാ​യി കോ​ടി​ക​ൾ വി​ല​യി​ട്ട എ​ട്ട്​ കൂ​റ്റ​ൻ യ​ന്ത്ര​ങ്ങ​ൾ മി​ല്ലി​ലെ​ത്തി.

ഇ​വ യ​ഥാ​ക്ര​മം ഉ​പ​യോ​ഗി​ച്ചി​രു​ന്നെ​ങ്കി​ൽ രാ​ജ്യ​ത്തെ മി​ക​ച്ച നേ​ട്ടം കൊ​യ്യു​ന്ന മി​ല്ലു​ക​ളി​ലൊ​ന്നാ​കു​മാ​യി​രു​ന്നു. എ​ന്നാ​ൽ വി​ധി മ​റ്റൊ​ന്നാ​യി​രു​ന്നു. ശാ​സ്ത്രീ​യ​മാ​യി വി​ന്യ​സി​ക്കാ​ൻ ഇ​ടം ക​ണ്ടെ​ത്തും മു​മ്പേ യ​ന്ത്ര​ങ്ങ​ളു​​ടെ വാ​ങ്ങ​ൽ ഇ​ട​പാ​ടി​ലാ​യി​രു​ന്നു മാ​നേ​ജ്​​മെ​ന്‍റി​ന്‍റെ ക​ണ്ണ്. അ​വ പ്ലാ​ന്‍റി​ലെ​ത്തി​ക്ക​ഴി​ഞ്ഞ​പ്പോ​ഴാ​ണ്​ എ​വി​ടെ സ്ഥാ​പി​ക്ക​ണം എ​ന്ന​ത്​ ചി​ന്തി​ക്കു​ന്ന​ത്. 2021ൽ ​അ​ടി​ത്ത​റ​യും മു​റി​യും പ​ണി​യും മു​മ്പേ​യെ​ത്തി​യ അ​തി​ന്യു​ത​ന സാ​​ങ്കേ​തി​ക വി​ദ്യ​യോ​ടു​കൂ​ടി​യ സ്പി​ന്നി​ങ്​ യ​ന്ത്ര​ങ്ങ​ൾ സി​മ​ന്‍റ്​ പൊ​ടി​ക്കി​ട​യി​ൽ കൊ​ണ്ടി​ട്ടു.

വൈ​കാ​തെ ഈ ​പു​ത്ത​ൻ യ​ന്ത്ര​ങ്ങ​ൾ സി​മ​ന്‍റ്​ പൊ​ടി​ക്കി​ട​യി​ൽ കി​ട​ക്കു​ന്ന​ത്​ വേ​ദ​ന​യോ​ടു​കൂ​ടി​യാ​ണ്​ ജീ​വ​ന​ക്കാ​ർ ക​ണ്ടു​കൊ​ണ്ടി​രു​ന്ന​ത്. അ​ഞ്ച്​ കോ​ടി​യോ​ളം വി​ല​വ​രു​ന്ന ര​ണ്ട്​ സ്പി​ന്നി​ങ്​ യ​ന്ത്ര​ങ്ങ​ൾ​ക്കാ​യി​രു​ന്നു ദു​​ര്യോ​ഗം. മാ​നേ​ജ്​​മെ​ന്‍റ്​ ത​ല​പ്പ​ത്തു​ള്ള​വ​ർ മെ​ഷീ​ൻ വാ​ങ്ങി​ക്കൂ​ട്ടി​യ ഇ​ട​പാ​ടി​ൽ കോ​ടി​ക​ൾ കൈ​പ​റ്റി​യെ​ന്നും ആ​രോ​പ​ണ​മു​യ​രു​ന്നു​ണ്ട്.

നാ​ളെ: ആ​ക്രിവി​ല​ക്ക്​ കോ​ടി​ക​ളു​ടെ യ​ന്ത്ര​ങ്ങ​ൾ