ഗവ. മെഡിക്കൽ കോളജിൽ യൂറോളജി ഒ.പിക്ക് ‘അവധി’; വലഞ്ഞ്​ രോഗികൾ

മു​ള​ങ്കു​ന്ന​ത്തു​കാ​വ്​: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ സു​പ്ര​ധാ​ന വി​ഭാ​ഗ​ങ്ങ​ളി​ലു​ൾ​പ്പെ​ടെ ഡോ​ക്ട​ർ​മാ​ർ ഇ​ല്ലാ​ത്ത​ത് രോ​ഗി​ക​ളെ വ​ല​ക്കു​ന്നു.

തൃ​ശൂ​രി​ന്​ പു​റ​മെ മ​ല​പ്പു​റം, പാ​ല​ക്കാ​ട്​ ജി​ല്ല​ക​ളി​ലെ രോ​ഗി​ക​ൾ​കൂ​ടി ആ​ശ്ര​യി​ക്കു​ന്ന മെ​ഡി​ക്ക​ൽ കോ​ള​ജി​ൽ ആ​രോ​ഗ്യ വ​കു​പ്പി​ന്‍റെ അ​നാ​സ്ഥ വി​ന​യാ​വു​ക​യാ​ണ്. യൂ​റോ​ള​ജി വി​ഭാ​ഗ​ത്തി​ലെ ഡോ​ക്ട​ർ അ​വ​ധി​യി​ൽ പോ​യ​തി​നാ​ൽ ഈ​മാ​സം 30 വ​രെ യൂ​റോ​ള​ജി ഒ.​പി പ്ര​വ​ർ​ത്തി​ക്കി​​ല്ലെ​ന്ന്​ വ്യാ​ഴാ​ഴ്ച ഔ​ദ്യോ​ഗി​ക​മാ​യി അ​റി​യി​ച്ചി​ട്ടു​ണ്ട്.

ആ​ഴ്ച​യി​ൽ ഒ​രു ദി​വ​സം മാ​ത്ര​മാ​ണ്​ ഈ ​വി​ഭാ​ഗം പ്ര​വ​ർ​ത്തി​ക്കു​ന്ന​തെ​ങ്കി​ലും അ​ന്ന്​ 400നും 500​നു​മി​ട​ക്ക്​ രോ​ഗി​ക​ൾ എ​ത്താ​റു​ണ്ട്. സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കാ​നു​ള്ള സാ​മ്പ​ത്തി​ക സാ​ഹ​ച​ര്യം ഇ​ല്ലാ​ത്ത​വ​രാ​ണ്​ ആ​ഴ്ച കാ​ത്തി​രു​ന്ന​ത്​ മെ​ഡി​ക്ക​ൽ കോ​ള​ജി​ൽ എ​ത്തു​ന്ന​ത്. പ​ല​ർ​ക്കും കാ​ത്തി​രി​പ്പ്​ വൃ​ഥാ​വി​ലാ​യി തി​രി​ച്ച്​ പോ​കേ​ണ്ടി വ​രാ​റു​മു​ണ്ട്. അ​ത്ര​ക്ക്​ തി​ര​ക്കാ​ണ്.

ആ​വ​ശ്യ​ത്തി​ന്​ ഡോ​ക്ട​റെ നി​യ​മി​ക്കാ​ൻ സ​ർ​ക്കാ​ർ ത​യാ​റു​മ​ല്ല. അ​മി​ത ജോ​ലി​ഭാ​ര​മാ​ണ്​ ഡോ​ക്ട​ർ അ​വ​ധി​യി​ൽ പ്ര​വേ​ശി​ക്കാ​ൻ കാ​ര​ണ​മെ​ന്ന്​ പ​റ​യ​പ്പെ​ടു​ന്നു.

ഡോ​ക്ട​ർ​മാ​രു​ടെ അ​ഭാ​വ​ത്തെ​ക്കു​റി​ച്ച്​ പ​ല​ത​വ​ണ ബ​ന്ധ​പ്പെ​ട്ട​വ​ർ അ​ധി​കൃ​ത​രെ രേ​ഖാ​മൂ​ലം അ​റി​യി​ച്ചി​ട്ടും ഒ​ച്ചി​ഴ​യു​ന്ന​ത്​ പോ​ലെ​യാ​ണ്​ കാ​ര്യ​ങ്ങ​ൾ. വി​ഷ​യ​ത്തി​ൽ ഇ​ട​പെ​ടാ​നും ആ​രു​മി​ല്ലെ​ന്ന അ​വ​സ്ഥ​യാ​ണ്.