കൂടല്‍മാണിക്യം വലിയവിളക്കിന് ലക്ഷദീപങ്ങള്‍ തെളിഞ്ഞു

ഇ​രി​ങ്ങാ​ല​ക്കു​ട: കൂ​ട​ല്‍മാ​ണി​ക്യം ക്ഷേ​ത്ര​ത്തി​ല്‍ വ്യാഴാഴ്ച വൈ​കീ​ട്ട് പ​ള്ളി​വേ​ട്ട. ക്ഷേ​ത്രോ​ത്സ​വം സ​മാ​പ​ന​ത്തി​ലേ​ക്കു നീ​ങ്ങു​മ്പോ​ള്‍ ക്ഷേ​ത്ര​മ​തി​ല്‍ക്കെ​ട്ടി​ന​ക​ത്തെ നാ​ദ​താ​ള​ല​യ​ങ്ങ​ളാ​ല്‍ മു​ഖ​രി​ത​മാ​യ അ​ന്ത​രീ​ക്ഷം പ​ട്ട​ണ​ത്തി​നും കൈ​വ​രു​ന്നു. ഇ​ന്നാ​ണ് ദേ​വ​ന്‍ ആ​ദ്യ​മാ​യി ക്ഷേ​ത്ര​ത്തി​നു പു​റ​ത്തേ​ക്കെ​ഴു​ന്ന​ള്ളു​ന്ന​ത്.

ഉ​ത്സ​വ​ത്തി​ലെ അ​വ​സാ​ന ശീ​വേ​ലി എ​ഴു​ന്ന​ള്ളി​പ്പ് ഇ​ന്ന് രാ​വി​ലെ 8.30ന് ​കി​ഴ​ക്കേ ന​ട​യി​ല്‍ ആ​രം​ഭി​ക്കും. 17 ഗ​ജ​വീ​ര​ന്‍മാ​രു​ടെ അ​ക​മ്പ​ടി​യോ​ടെ ഭ​ഗ​വാ​ന്റെ എ​ഴു​ന്ന​ള്ളി​പ്പ് പ​ത്മ​ശ്രീ പെ​രു​വ​നം കു​ട്ട​ന്‍മാ​രാ​രു​ടെ മേ​ള​പ്ര​മാ​ണ​ത്തി​ല്‍ ആ​രം​ഭി​ക്കും. സാ​ധാ​ര​ണ ദി​വ​സ​ങ്ങ​ളി​ല്‍ ന​ട​ക്കാ​റു​ള്ള മു​ള​പൂ​ജ പ​ള്ളി​വേ​ട്ട ദി​വ​സ​മാ​യ ഇ​ന്നു​ണ്ടാ​വി​ല്ല. പ​തി​വു​പോ​ലെ ശീ​വേ​ലി ക​ഴി​ഞ്ഞ് ഉ​ച്ച​ക്ക് 12.30ന് ​അ​ക​ത്തു ക​യ​റു​ന്ന ദേ​വ​ന്‍ രാ​ത്രി എ​ട്ട​ര​യോ​ടെ പ​ള്ളി​വേ​ട്ട​ക്കെ​ഴു​ന്ന​ള്ളു​ക​യാ​ണ്. അ​ത്താ​ഴ​പൂ​ജ​ക്ക് ആ​വാ​ഹി​ച്ചെ​ഴു​ന്ന​ള്ളി​ച്ച് ശ്രീ​ഭൂ​ത​ബ​ലി തൂ​വി​ക്ക​ഴി​ഞ്ഞാ​ല്‍ കൊ​ടി​മ​ര​ച്ചു​വ​ട്ടി​ല്‍വെ​ച്ച് ദേ​വ​ന്റെ അ​നു​വാ​ദം വാ​ങ്ങി പ​ള്ളി​വേ​ട്ട​ക്ക് പാ​ണി​കൊ​ട്ടു​ന്നു. ദേ​വ​ന്‍ ത​ന്റെ അ​നു​ച​ര​ന്മാ​രെ​യും​കൊ​ണ്ട് ഹിം​സ്ര​ജ​ന്തു​ക്ക​ളെ നാ​മാ​വ​ശേ​ഷ​മാ​ക്കാ​ന്‍ പു​റ​പ്പെ​ടു​ന്ന​തി​ന്റെ പ്ര​തീ​ക​മാ​ണി​ത്. പാ​ണി ക​ഴി​ഞ്ഞാ​ല്‍ ഗോ​പു​ര​ദ്വാ​ര​ത്തി​ലും ആ​ല്‍ത്ത​റ​യി​ലും ബ​ലി​തൂ​കി പ​ള്ളി​വേ​ട്ട ആ​ല്‍ത്ത​റ​യി​ലേ​ക്ക് ദേ​വ​ന്‍ എ​ഴു​ന്ന​ള്ളും. നെ​റ്റി​പ്പ​ട്ടം അ​ണി​യാ​ത്ത ഒ​രാ​ന മു​മ്പി​ലും ത​ന്ത്രി​യും പ​രി​ക​ര്‍മി​യും പ​രി​വാ​ര​ങ്ങ​ളും തു​ട​ര്‍ന്ന് തി​ട​മ്പേ​റ്റി​യ ഗ​ജ​വീ​ര​നും അ​ക​മ്പ​ടി സേ​വി​ക്കു​ന്ന ഉ​ള്ളാ​ന​ക​ള​ട​ക്ക​മു​ള്ള നാ​ലു ഗ​ജ​വീ​ര​ന്‍മാ​രും എ​ന്ന ക്ര​മ​ത്തി​ലാ​യി​രി​ക്കും പ​ള്ളി​വേ​ട്ട ആ​ല്‍ത്ത​റ​യി​ലേ​ക്കു​ള്ള യാ​ത്ര. ഉ​ത്സ​വ​കാ​ല​ത്ത് ക്ഷേ​ത്ര മ​തി​ല്‍കെ​ട്ടി​ന് പു​റ​ത്തേ​ക്ക് എ​ഴു​ന്ന​ള്ളു​ന്ന ഭ​ഗ​വാ​ന് കേ​ര​ള പോ​ലീ​സ് കി​ഴ​ക്കേ​ന​ട​യി​ല്‍ ഗാ​ര്‍ഡ് ഓ​ഫ് ഓ​ണ​ര്‍ ന​ല്‍കും.

പ​ള്ളി​വേ​ട്ട​ക്ക് എ​ഴു​ന്ന​ള്ളു​ന്ന​ത് പൂ​ര്‍ണ നി​ശ​ബ്ദ​ത​യി​ലാ​ണ്. ശ​ബ്ദ​മു​ണ്ടാ​കാ​തി​രി​ക്കാ​നാ​യി ആ​ന​യു​ടെ ക​ഴു​ത്തി​ൽ മ​ണി​ക​ളോ ച​ങ്ങ​ല​യോ അ​ണി​യി​ക്കാ​റി​ല്ല. എ​ഴു​ന്ന​ള്ളി​പ്പ് ആ​ല്‍ത്ത​റ​ക്ക​ല്‍ എ​ത്തി​ച്ചേ​രു​മ്പോ​ള്‍ ഒ​രു പ​ന്നി​യു​ടെ കോ​ലം കെ​ട്ടി​യു​ണ്ടാ​ക്കി ദേ​വ​ന്‍ അ​മ്പെ​യ്ത് കൊ​ല്ലു​ക​യാ​ണ്. ഇ​താ​ണ് പ​ള്ളി​വേ​ട്ട. ഇ​തോ​ട​നു​ബ​ന്ധി​ച്ച് എ​ട്ടു ദി​ക്കി​ലേ​ക്കും ബ​ലി​തൂ​ക​ലു​മു​ണ്ട്. തി​ന്മ​യെ ഉ​ന്മൂ​ല​നം ചെ​യ്ത് ന​ന്മ​യെ സ്ഥാ​പി​ക്കു​ക​യെ​ന്ന​താ​ണു പ​ള്ളി​വേ​ട്ട​യു​ടെ ല​ക്ഷ്യം. പ​ള്ളി​വേ​ട്ട ക​ഴി​ഞ്ഞ് ഗം​ഭീ​ര പ​ഞ്ച​വാ​ദ്യ​ത്തി​ന്റെ അ​ക​മ്പ​ടി​യോ​ടെ​യാ​ണ് ദേ​വ​ന്‍ തി​രി​ച്ചെ​ഴു​ന്ന​ള്ളു​ന്ന​ത്.

പ​ര​ക്കാ​ട് ത​ങ്ക​പ്പ​മാ​രാ​രു​ടെ നേ​തൃ​ത്വ​ത്തി​ലാ​ണു പ​ഞ്ച​വാ​ദ്യം ന​ട​ക്കു​ക. എ​ഴു​ന്ന​ള്ളി​പ്പ് കു​ട്ടം​കു​ളം പ​രി​സ​ര​ത്തെ​ത്തി​യാ​ല്‍ പ​ഞ്ച​വാ​ദ്യം അ​വ​സാ​നി​ച്ച് പാ​ണ്ടി​മേ​ളം ആ​രം​ഭി​ച്ച് ക്ഷേ​ത്ര​ത്തി​ന്റെ കി​ഴ​ക്കേ ന​ട​യി​ലെ​ത്തി ക്ഷേ​ത്ര​ത്തി​നു​ള്ളി​ല്‍ ഒ​രു പ്ര​ദ​ക്ഷി​ണം പൂ​ര്‍ത്തി​യാ​ക്കും. തു​ട​ര്‍ന്നാ​ണ് പ​ള്ളി​ക്കു​റു​പ്പ്. ഇ​ന്ന​ലെ ന​ട​ന്ന വ​ലി​യ​വി​ള​ക്കാ​ഘോ​ഷ​ത്തി​ന് ക്ഷേ​ത്ര​ത്തി​ലെ എ​ല്ലാ വി​ള​ക്കു​ക​ളി​ലും ജ്വാ​ല തെ​ളി​ഞ്ഞു.