സി.​പി. ജോ​ണി​നെ നി​യ​മ​സ​ഭ​യി​ലെ​ത്തി​ക്കാ​ൻ കോ​ണ്‍ഗ്ര​സ് - ​ലീ​ഗ് ധാ​ര​ണ; കുന്നംകുളം മണ്ഡലം സി.എം.പിയുമായി വെച്ചുമാറും

കു​ന്നം​കു​ളം (തൃശൂർ): ര​ണ്ട് ത​വ​ണ തു​ട​ർ​ച്ച​യാ​യി യു.​ഡി.​എ​ഫി​ലെ സി.​എം.​പി മ​ത്സ​രി​ച്ച കു​ന്നം​കു​ളം സീ​റ്റ് വെ​ച്ചു​മാ​റ്റ​ത്തി​നൊ​രു​ങ്ങി കോ​ൺ​ഗ്ര​സ്. കു​ന്നം​കു​ളം ഏ​റ്റെ​ടു​ക്കു​ന്ന​തോ​ടെ സി.​എം.​പി​ക്ക് യു.​ഡി.​എ​ഫി​െൻറ മ​റ്റൊ​രു സി​റ്റി​ങ്​ സീ​റ്റ് ന​ൽ​കി സി.​പി. ജോ​ണി​നെ നി​യ​മ​സ​ഭ​യി​ൽ എ​ത്തി​ക്കാ​നു​ള്ള ശ്ര​മ​ത്തി​ലാ​ണ് യു.​ഡി.​എ​ഫ്. ദീ​ർ​ഘ​കാ​ലം കോ​ൺ​ഗ്ര​സ് മ​ത്സ​രി​ച്ച കു​ന്നം​കു​ള​ത്ത് വീ​ണ്ടും കോ​ൺ​ഗ്ര​സു​കാ​ര​നെ ത​ന്നെ മ​ത്സ​രി​പ്പി​ക്കാ​നാ​ണ് തീ​രു​മാ​ന​മെ​ന്ന​റി​യു​ന്നു.

ഇ​തോ​ടെ സി.​പി. ജോ​ൺ വ​ട​ക്ക​ൻ ജി​ല്ല​യി​ലെ ഉ​റ​ച്ച സീ​റ്റി​ൽ​നി​ന്ന് ജ​ന​വി​ധി തേ​ടും. 2011ല്‍ ​ബാ​ബു എം. ​പാ​ലി​ശ്ശേ​രി, 2016ല്‍ ​എ.​സി. മൊ​യ്തീ​ൻ എ​ന്നി​വ​രോ​ട് മ​ത്സ​രി​ച്ച് കു​ന്നം​കു​ള​ത്ത് ജോ​ൺ തോ​റ്റി​രു​ന്നു. 2011ല്‍ 481 ​വോ​ട്ടി​നു മാ​ത്ര​മാ​യി​രു​ന്നു തോ​ല്‍വി. അ​തേ​സ​മ​യം അ​പ​ര​നാ​യി എ​ത്തി​യ മ​റ്റൊ​രു ജോ​ണ്‍ 860 വോ​ട്ടു​ക​ളും ആ​ര്‍.​എം.​പി​യി​ലെ കെ.​പി. പ്രേ​മ​ന്‍ 2059 വോ​ട്ടു​ക​ളും നേ​ടി​യി​രു​ന്നു.

ഇ​ത്ത​വ​ണ​യും സി.​പി. ജോ​ണി​നെ ത​ന്നെ കു​ന്നം​കു​ള​ത്ത് മ​ത്സ​രി​പ്പി​ക്ക​ണ​മെ​ന്നാ​യി​രു​ന്നു സി.​എം.​പി​യു​ടെ ആ​വ​ശ്യം. എ​ന്നാ​ൽ, ജോ​ൺ നി​രാ​ക​രി​ക്കു​ക​യാ​യി​രു​ന്നു. സി.​പി. ജോ​ണി​നെ മ​ത്സ​രി​പ്പി​ച്ച് നി​യ​മ​സ​ഭ​യി​ൽ കൊ​ണ്ടു​വ​ര​ണ​മെ​ന്ന ല​ക്ഷ്യ​ത്തി​ലാ​ണ് യു.​ഡി.​എ​ഫ്. അ​തി​നാ​ലാ​ണ് ജ​യം ഉ​റ​പ്പു​ള്ള സീ​റ്റ് ന​ൽ​കാ​ൻ നീ​ക്കം ന​ട​ത്തു​ന്ന​ത്. മു​സ്​​ലിം ലീ​ഗാ​ണ് സി.​പി. ജോ​ണി​നെ രം​ഗ​ത്ത് കൊ​ണ്ടു​വ​രാ​ൻ ശ്ര​മം ന​ട​ത്തു​ന്ന​ത്.

സി.​എം.​പി കു​ന്നം​കു​ളം വി​ട്ടു​കൊ​ടു​ക്കു​ന്ന​തോ​ടെ കോ​ൺ​ഗ്ര​സ് ഏ​റ്റെ​ടു​ക്കും. ഈ ​സീ​റ്റ് കോ​ൺ​ഗ്ര​സി​നും ഏ​റെ ത​ല​വേ​ദ​ന​യാ​കും. നി​ര​വ​ധി പേ​രാ​ണ് കു​ന്നം​കു​ളം ആ​വ​ശ്യ​പ്പെ​ട്ട് രം​ഗ​ത്ത് വ​ന്നി​ട്ടു​ള്ള​ത്‌. മു​ൻ ജി​ല്ല പ​ഞ്ചാ​യ​ത്ത് അം​ഗ​മാ​യ ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ൻ​റ് കെ. ​ജ​യ​ശ​ങ്ക​ർ, ബ്ലോ​ക്ക് കോ​ൺ​ഗ്ര​സ് മു​ൻ പ്ര​സി​ഡ​ൻ​റ്​ വി. ​വേ​ണു​ഗോ​പാ​ൽ തു​ട​ങ്ങി​യ​വ​രാ​ണ്​ രം​ഗ​ത്തു​ള്ള​ത്.

ഈ ​മ​ണ്ഡ​ല​ത്തി​ൽ ര​ണ്ട് പ​തി​റ്റാ​ണ്ടു​ക​ൾ​ക്കി​ടെ 1991, 2001 വ​ർ​ഷ​ങ്ങ​ളി​ലാ​ണ് കോ​ൺ​ഗ്ര​സി​ലെ ടി.​വി. ച​ന്ദ്ര​മോ​ഹ​ൻ വി​ജ​യി​ച്ച​ത്. 2011ലെ ​തെ​ര​ഞ്ഞെ​ടു​പ്പി​ലാ​ണ്​ മ​ണ്ഡ​ല​ത്തി​െൻറ ഘ​ട​ന മാ​റി​യ​ത്. കു​ന്നം​കു​ളം മ​ണ്ഡ​ല​ത്തി​ലെ പ​ല പ​ഞ്ചാ​യ​ത്തു​ക​ളും ക​ഴി​ഞ്ഞ പ​ത്ത് വ​ർ​ഷ​മാ​യി വ​ട​ക്കാ​ഞ്ചേ​രി മ​ണ്ഡ​ല​ത്തി​ലാ​ണ്.