സ്മാ​ര​ക മ​ന്ദി​രം നി​ർ​മിച്ചില്ല; കൊല്ലപ്പെട്ട സി.പി.എം പ്രവർത്തക​െൻറ കുടുംബം പാർട്ടി വിട്ടു

കു​ന്നം​കു​ളം: കഴിഞ്ഞ വർഷം കൊ​ല്ല​പ്പെ​ട്ട സി.​പി.​എം പു​തു​ശ്ശേ​രി ബ്രാ​ഞ്ച് സെ​ക്ര​ട്ട​റി സ​നൂ​പി​െൻറ കു​ടും​ബാം​ഗ​ങ്ങ​ൾ പാ​ർ​ട്ടി വി​ട്ടു. പാ​ർ​ട്ടി കു​ന്നം​കു​ളം ഏ​രി​യ, ലോ​ക്ക​ൽ ക​മ്മി​റ്റി ഭാ​ര​വാ​ഹി​ക​ളു​ടെ നി​ല​പാ​ടി​ൽ അ​സം​തൃ​പ്ത​രാ​യ പ​ത്തി​ല​ധി​കം വ​രു​ന്ന കു​ടും​ബാം​ഗ​ങ്ങ​ളാ​ണ് പാ​ർ​ട്ടി വി​ട്ട​ത്. കു​ടും​ബ​ത്തി​നാ​യി സ​മാ​ഹ​രി​ച്ച തു​ക ഉ​പ​യോ​ഗി​ച്ച് സ്മാ​ര​ക മ​ന്ദി​രം നി​ർ​മി​ക്കാ​നു​ള്ള തീ​രു​മാ​നം ന​ട​പ്പാ​കാ​ത്ത​താ​ണ്​ ഇ​വ​രെ പാ​ർ​ട്ടി​യി​ൽ​നി​ന്ന് അ​ക​റ്റി​യ​തെ​ന്ന​റി​യു​ന്നു. ഇ​വ​ർ നേ​തൃ​ത്വ​ത്തെ കു​റ്റ​പ്പെ​ടു​ത്തി ഒ​പ്പി​ട്ട് പ്ര​സ്താ​വ​ന​യി​റ​ക്കി​യി​ട്ടു​ണ്ട്.

ഏ​രി​യ ക​മ്മി​റ്റി നേ​തൃ​ത്വ​ത്തി​ൽ സ​നൂ​പ് കു​ടും​ബ സ​ഹാ​യ ഫ​ണ്ടെ​ന്ന പേ​രി​ൽ 21 ല​ക്ഷം രൂ​പ​യാ​ണ് പി​രി​ച്ചെ​ടു​ത്ത​ത്. ഒ​ന്നാം ര​ക്ത​സാ​ക്ഷി​ദി​നം ക​ഴി​ഞ്ഞി​ട്ടും പി​രി​ച്ചെ​ടു​ത്ത പ​ണം എ​ന്ത് ചെ​യ്യ​ണ​മെ​ന്ന തീ​രു​മാ​നം ആ​യി​ട്ടി​ല്ല. ബ്രാ​ഞ്ച് സെ​ക്ര​ട്ട​റി​ക്ക്​ പു​റ​മെ ഡി.​വൈ.​എ​ഫ്.​ഐ ചൊ​വ്വ​ന്നൂ​ർ പ​ഞ്ചാ​യ​ത്ത് ജോ​യ​ൻ​റ്​ സെ​ക്ര​ട്ട​റി​യു​മാ​യി​രു​ന്ന സ​നൂ​പ് 2020 ഒ​ക്ടോ​ബ​ർ നാ​ലി​നാ​ണ്​ ചി​റ്റി​ല​ങ്ങാ​ടു​െ​വ​ച്ച് അ​ടി​പി​ടി​ക്കി​ടെ കു​ത്തേ​റ്റ് മ​രി​ച്ച​ത്. മാ​താ​പി​താ​ക്ക​ൾ നേ​ര​ത്തേ ന​ഷ്​​ട​പ്പെ​ട്ട സ​നൂ​പ് വ​ലി​യ​മ്മ​യോ​ടൊ​പ്പ​മാ​ണ് പു​തു​ശ്ശേ​രി കോ​ള​നി​യി​ലെ വീ​ട്ടി​ൽ താ​മ​സി​ച്ചി​രു​ന്ന​ത്.

ഇ​വ​ർ താ​മ​സി​ച്ചി​രു​ന്ന വീ​ടും 5.75 സെൻറ്​ സ്ഥ​ല​വും സ്മാ​ര​കം പ​ണി​യാ​നാ​യി ഏ​റ്റെ​ടു​ക്കാ​നാ​യി​രു​ന്നു പാ​ർ​ട്ടി തീ​രു​മാ​നം. പ​ണി ക​ഴി​പ്പി​ച്ച സ്മാ​ര​ക​ത്തി​ൽ മ​ര​ണം വ​രെ​യും വ​ലി​യ​മ്മ​ക്ക് താ​മ​സി​ക്കാ​മെ​ന്നും പി​ന്നീ​ട് അ​തി​െൻറ പൂ​ർ​ണ അ​ധി​കാ​രം പാ​ർ​ട്ടി​ക്കു​മെ​ന്നാ​ണ് ഉ​ണ്ടാ​ക്കി​യ ക​രാ​ർ. ആ​ധാ​രം കാ​ണും മു​േ​മ്പ പാ​ർ​ട്ടി ഇ​ക്കാ​ര്യ​ത്തി​ൽ എ​ടു​ത്ത തീ​രു​മാ​ന​മാ​ണ് വ​ല​ച്ച​ത്. വ​ലി​യ​മ്മ​ക്ക് പു​റ​മെ അ​വ​രു​ടെ ര​ണ്ടു സ​ഹോ​ദ​ര​ന്മാ​ർ​ക്കും കൂ​ടി ഈ ​സ്ഥ​ലം അ​വ​കാ​ശ​പ്പെ​ട്ട​താ​ണ്.സ്ഥ​ലം കു​ടും​ബാം​ഗ​ങ്ങ​ൾ പാ​ർ​ട്ടി​ക്കു ന​ൽ​കാ​ൻ ആ​ദ്യം സ​മ്മ​തി​ച്ചെ​ങ്കി​ലും പി​ന്നീ​ട് ചി​ല​ർ പി​ന്മാ​റി.

പി​രി​ച്ചെ​ടു​ത്ത പ​ണം കു​നം​മൂ​ച്ചി സ​ർ​വി​സ് സ​ഹ​ക​ര​ണ ബാ​ങ്ക്, കു​ന്നം​കു​ളം അ​ർ​ബ​ൻ ബാ​ങ്ക് എ​ന്നി​വി​ട​ങ്ങ​ളി​ൽ പാ​ർ​ട്ടി​യു​ടെ പേ​രി​ൽ നി​ക്ഷേ​പി​ച്ചി​രി​ക്കു​ക​യാ​ണ്. സ​നൂ​പ് വ​ധ​ക്കേ​സു​മാ​യി ബ​ന്ധ​പ്പെ​ട്ട കു​റ്റ​പ​ത്രം കോ​ട​തി​യി​ൽ സ​മ​ർ​പ്പി​ക്കാ​ൻ വൈ​കി​യ​തും പാ​ർ​ട്ടി​ക്കും സം​സ്ഥാ​ന സ​ർ​ക്കാ​റി​നും തി​രി​ച്ച​ടി​യാ​യി.

സ​നൂ​പി​നെ കു​ത്തി​വീ​ഴ്ത്തി​യ കേ​സി​ലെ ഒ​ന്നാം പ്ര​തി ന​ന്ദ​ന​ൻ ജാ​മ്യ​ത്തി​ലി​റ​ങ്ങി​യ ശേ​ഷം ഗ​ൾ​ഫി​ലേ​ക്ക് ക​ട​ന്നി​രു​ന്നു. ഇ​തി​ന് ത​ട​യി​ടാ​ൻ പാ​ർ​ട്ടി​യും സ​ർ​ക്കാ​റും വ​രാ​തി​രു​ന്ന​ത് വീ​ട്ടു​കാ​രി​ലും പാ​ർ​ട്ടി പ്ര​വ​ർ​ത്ത​ക​ർ​ക്കി​ട​യി​ലും പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്.​പാ​ർ​ട്ടി വി​ടു​ക​യാ​ണെ​ന്ന് ബ​ന്ധു​ക്ക​ൾ നേ​ര​ത്തേ ബ്രാ​ഞ്ച് സെ​ക്ര​ട്ട​റി​യോ​ട് പ​റ​ഞ്ഞി​രു​ന്നു​വ​േ​ത്ര. ജി​ല്ല നേ​തൃ​ത്വം ഇ​ക്കാ​ര്യ​ത്തി​ൽ ഇ​ട​പെ​ട​ട്ടെ​യെ​ന്ന നി​ല​പ്പാ​ടാ​ണ് കു​ന്നം​കു​ള​ത്തെ പാ​ർ​ട്ടി നേ​തൃ​ത്വം. സ​നൂ​പി​െൻറ കു​ടും​ബം പാ​ർ​ട്ടി വിട്ടത്​ അ​ടു​ത്ത ഏ​രി​യ സ​മ്മേ​ള​ന​ത്തി​ൽ ഏ​റെ ച​ർ​ച്ച​ക്കി​ട​യാ​കും.