വ​സ്ത്ര​വ്യാ​പാ​ര സ്ഥാ​പ​ന​ത്തി​ലെ ക​വ​ർ​ച്ച: യു.​പി സ്വ​ദേ​ശി പി​ടി​യി​ൽ

കു​ന്നം​കു​ളം: ന​ഗ​ര​ത്തി​ലെ വ​സ്ത്ര​വ്യാ​പാ​ര സ്ഥാ​പ​നം കു​ത്തി​ത്തു​റ​ന്ന് അ​ഞ്ചു ല​ക്ഷം രൂ​പ ക​വ​ർ​ന്ന സം​ഭ​വ​ത്തി​ൽ ഇ​ത​ര സം​സ്ഥാ​ന മോ​ഷ​ണ സം​ഘ​ത്തി​ലെ ഒ​രാ​ൾ പി​ടി​യി​ൽ. ഉ​ത്ത​ര്‍പ്ര​ദേ​ശ് സ്വ​ദേ​ശി അ​മി​ത്ത് വി​ഹാ​റി​ൽ രാ​ഹു​ൽ സി​ങ്ങി​നെ (29) ആ​ണ് കു​ന്നം​കു​ളം സി.​ഐ യു.​കെ. ഷാ​ജ​ഹാ​ൻ അ​റ​സ്റ്റ് ചെ​യ്ത​ത്.

കേ​ര​ള​ത്തി​ലെ വ​സ്ത്ര​വ്യാ​പാ​ര സ്ഥാ​പ​ന​ങ്ങ​ൾ കേ​ന്ദ്രീ​ക​രി​ച്ച് മോ​ഷ​ണം ന​ട​ത്തു​ന്ന മൂ​ന്നം​ഗ സം​ഘ​ത്തെ മ​റ്റൊ​രു മോ​ഷ​ണ കേ​സി​ൽ അ​ടൂ​ർ പൊ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ഴാ​ണ് കു​ന്നം​കു​ളം ക​വ​ർ​ച്ച വെ​ളി​പ്പെ​ടു​ത്തി​യ​ത്. ഇ​ന്റ​ര്‍നെ​റ്റി​ല്‍ പ​രി​ശോ​ധ​ന ന​ട​ത്തി​യാ​ണ് വ​സ്ത്ര​വ്യാ​പാ​ര സ്ഥാ​പ​നം മോ​ഷ​ണ​സം​ഘം തെ​ര​ഞ്ഞെ​ടു​ത്തി​രു​ന്ന​തെ​ന്ന് പൊ​ലീ​സ് വ്യ​ക്ത​മാ​ക്കി.

സെ​പ്റ്റം​ബ​ര്‍ 17നാ​ണ് പ​ട്ടാ​മ്പി റോ​ഡി​ലു​ള്ള കേ​ര​ള വ​സ്ത്രാ​ല​യ​ത്തി​ൽ മോ​ഷ​ണം ന​ട​ന്ന​ത്. സ്ഥാ​പ​ന​ത്തി​ന്റെ മൂ​ന്നാം നി​ല​യി​ലെ എ.​സി ഡോ​ർ ത​ക​ര്‍ത്താ​ണ് അ​ക​ത്തു​ക​ട​ന്ന​ത്. ഓ​ഫി​സ് മു​റി​യി​ല്‍ ക​ട​ന്ന് ലോ​ക്ക​ര്‍ തു​റ​ക്കാ​ന്‍ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. സം​ഭ​വ ദി​വ​സം ഞാ​യ​റാ​ഴ്ച ക​ട​തു​റ​ന്ന് പ്ര​വ​ർ​ത്തി​ച്ചി​രു​ന്നു.

ബാ​ങ്കി​ൽ നി​ക്ഷേ​പി​ക്കാ​ൻ ക​ഴി​യാ​ത്ത​തി​നാ​ൽ മേ​ശ​യി​ൽ സൂ​ക്ഷി​ച്ച പ​ണ​മാ​യി​രു​ന്നു മോ​ഷ​ണം​പോ​യ​ത്. തൊ​ട്ട​ടു​ത്ത കെ​ട്ടി​ട​ത്തി​ലെ സ്ഥാ​പ​ന​ത്തി​ലും സ്റ്റേ​ഷ​ന​റി ക​ട​യി​ലും മോ​ഷ​ണ​ശ്ര​മം ന​ട​ന്നി​രു​ന്നു. കു​ന്നം​കു​ളം ഉ​ള്‍പ്പെ​ടെ കേ​ര​ള​ത്തി​ല്‍ നാ​ല് സ്ഥ​ല​ങ്ങ​ളി​ല്‍ സം​ഘം മോ​ഷ​ണം ന​ട​ത്തി​യ​താ​യി പൊ​ലീ​സ് പ​റ​ഞ്ഞു.