കുന്നംകുളത്ത്​ മൊബൈൽ ഫോൺ കടയുടെ ഭിത്തി തുരന്ന് കവർച്ച

കുന്നംകുളം: നഗരത്തിൽ മൊബൈൽ ഫോൺ കടയുടെ ഭിത്തി തുരന്ന് ഫോണുകൾ കവർന്നു.

പുലിക്കോട്ടിൽ ജി​േൻറായുടെ ഉടമസ്ഥതയിലുള്ള മൊബൈൽ ഹട്ട് എന്ന സ്ഥാപനത്തിലാണ്​ സംഭവം. പത്ത് മൊബൈൽ ഫോണുകളാണ് മോഷണം പോയത്. രണ്ടേകാൽ ലക്ഷം രൂപയുടെ നഷ്​ടം കണക്കാക്കുന്നു.

എ.സിയുടെ ഫാൻ ഊരിമാറ്റിയ ശേഷം ഭിത്തി തുരന്നാണ് മോഷ്​ടാക്കൾ അകത്ത് കടന്നത്. വെള്ളിയാഴ്ച രാവിലെ കട തുറക്കാൻ എത്തിയപ്പോഴാണ് കവർച്ച അറിയുന്നത്. വ്യാഴാഴ്ച രാത്രി ഒമ്പതോടെയാണ് സ്ഥാപനം അടച്ചത്. കാഷ് കൗണ്ടർ തുറന്ന് സാധനങ്ങൾ വാരിവലിച്ചിട്ട നിലയിലായിരുന്നു.

കടക്കുള്ളിലെ നിരീക്ഷണ കാമറ പരിശോധിച്ചു വരുകയാണെന്ന്​ പൊലീസ് പറഞ്ഞു. എ.സി.പി ടി.എസ്. സിനോജ്, സി.ഐ കെ.ജി. സുരേഷ്, എസ്.ഐ ഇ. ബാബു എന്നിവരുടെ നേതൃത്വത്തിൽ പൊലീസ് സ്ഥലത്തെത്തി. വിരലടയാള വിദഗ്ധർ, ഡോഗ് സ്ക്വാഡ്, ഫോറൻസിക് വിഭാഗം ഉദ്യോഗസ്ഥർ തുടങ്ങിയവരും പരിശോധന നടത്തി.