കു​ന്നം​കു​ളം ജി.ജി.​എ​ച്ച്.​എ​സ്.​എ​സി​ലെ കു​ടി​വെ​ള്ളം മു​ട്ടി​ച്ച് ന​ഗ​ര​സ​ഭ

കു​ന്നം​കു​ളം: ഗ​വ. മോ​ഡ​ൽ ഗേ​ൾ​സ് ഹൈ​സ്കൂ​ളി​ലേ​ക്ക് ന​ഗ​ര​സ​ഭ ന​ൽ​കി​യി​രു​ന്ന കു​ടി​വെ​ള്ളം ഇ​നി വി​ത​ര​ണം ചെ​യ്യി​ല്ലെ​ന്ന് കാ​ണി​ച്ച് അ​ധി​കാ​രി​ക​ൾ​ക്ക് നോ​ട്ടീ​സ്. 10,000 ലി​റ്റ​ർ വെ​ള്ള​മാ​ണ് നി​ല​വി​ൽ സ്കൂ​ളി​ന് ന​ഗ​ര​സ​ഭ ന​ൽ​കി​യി​രു​ന്ന​ത്. വേ​ന​ൽ ആ​രം​ഭി​ച്ചാ​ൽ കു​ടി​വെ​ള്ള​ത്തി​ന് ക്ഷാ​മ​മു​ള്ള സ്കൂ​ളി​ൽ ന​ഗ​ര​സ​ഭ​യു​ടെ വെ​ള്ള​ത്തെ ആ​ശ്ര​യി​ച്ചാ​ണ് ക​ഴി​ഞ്ഞി​രു​ന്ന​ത്. പ്ല​സ്ടു വ​രെ​യു​ള്ള സ്കൂ​ളി​ൽ ആ​യി​ര​ത്തോ​ളം പെ​ൺ​കു​ട്ടി​ക​ളാ​ണ് പ​ഠി​ക്കാ​ൻ എ​ത്തു​ന്ന​ത്.

അ​തി​നി​ട​യി​ൽ വെ​ള്ളം വി​ത​ര​ണം ചെ​യ്യാ​ൻ ക​ഴി​യി​ല്ലെ​ന്ന ന​ഗ​ര​സ​ഭ സെ​ക്ര​ട്ട​റി​യു​ടെ നോ​ട്ടീ​സാ​ണ് തി​ങ്ക​ളാ​ഴ്ച പ്ര​ധാ​ന​ധ്യാ​പി​ക ബീ​ന ജോ​സി​ന് ല​ഭി​ച്ച​ത്. അ​തേ​സ​മ​യം, ന​ഗ​ര​സ​ഭ​യു​ടെ കീ​ഴി​ലു​ള്ള സ്കൂ​ളി​ലേ​ക്ക് വെ​ള്ളം വി​ത​ര​ണം നി​ർ​ത്തി​വെ​ക്കു​ന്ന​ത് ന​ഗ​ര​സ​ഭ ഭ​ര​ണ​സ​മി​തി പോ​ലും അ​റി​ഞ്ഞി​രു​ന്നി​ല്ല. ഇ​ത് ഭ​ര​ണ​ക​ക്ഷി അം​ഗ​ങ്ങ​ളി​ലും അ​മ​ർ​ഷ​ത്തി​ന് ഇ​ട​യാ​ക്കി​യി​ട്ടു​ണ്ട്.

ന​ഗ​ര​സ​ഭ മു​ൻ ചെ​യ​ർ​മാ​നും സി.​പി.​എം ഏ​രി​യ ക​മ്മി​റ്റി അം​ഗ​വു​മാ​യ പി.​ജി. ജ​യ​പ്ര​കാ​ശാ​ണ് സ്കൂ​ൾ പി.​ടി.​എ പ്ര​സി​ഡ​ന്റ്. വെ​ള്ളം വി​ത​ര​ണം ചെ​യ്തി​രു​ന്ന ട്രാ​ക്ട​ർ ടെ​സ്റ്റ് വ​ർ​ക്കി​നാ​യി ക​യ​റ്റി​യ​തി​നാ​ൽ വെ​ള്ളം എ​ത്തി​ക്കാ​ൻ ക​ഴി​യി​ല്ലെ​ന്നാ​ണ് നോ​ട്ടീ​സി​ൽ പ​രാ​മ​ർ​ശി​ച്ചി​ട്ടു​ള്ള​ത്. കൂ​ടാ​തെ വെ​ള്ള​ത്തി​നാ​വ​ശ്യ​മാ​യ തു​ക ന​ഗ​ര​സ​ഭ​യു​ടെ കു​ടി​വെ​ള്ള പ​ദ്ധ​തി​യി​ലൂ​ടെ അ​നു​വ​ദി​ക്കാ​ൻ നി​ർ​വാ​ഹ​മി​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്.

പി.​ടി.​എ​യു​മാ​യി സ​ഹ​ക​രി​ച്ച് തു​ക ക​ണ്ടെ​ത്താ​ൻ ന​ട​പ​ടി​സ്വീ​ക​രി​ക്കാനും നോ​ട്ടീ​സി​ൽ നി​ർ​ദേ​ശി​ച്ചി​ട്ടു​ണ്ട്. ഗേ​ൾ​സ് സ്കൂ​ൾ ആ​ണെ​ന്ന പ​രി​ഗ​ണ​ന പോ​ലും ന​ൽ​കാ​തെ ന​ഗ​ര​സ​ഭ എ​ടു​ക്കു​ന്ന തീ​രു​മാ​ന​ം പു​നഃ​പ​രി​ശോ​ധി​ക്ക​ണ​മെ​ന്നും എ​ന്ത് ത​ട​സ്സ​ങ്ങ​ൾ ഉ​ണ്ടെ​ങ്കി​ലും വെ​ള്ളം എ​ത്തി​ക്കണ​മെ​ന്നും ന​ഗ​ര​സ​ഭ കൗ​ൺ​സി​ല​ർ ലെ​ബീ​ബ് ഹ​സ്സ​ൻ ആ​വ​ശ്യ​പ്പെ​ട്ടു.