കുന്നംകുളം നഗരം ഇനി കാമറക്കണ്ണിൽ

കു​ന്നം​കു​ളം: തെ​രു​വു​ക​ളി​ലും ബ​സ് സ്റ്റാ​ൻ​ഡി​ലും മാ​ലി​ന്യം ത​ള്ളു​ന്ന​ത് ത​ട​യാ​ൻ ന​ഗ​ര​സ​ഭ സ്ഥാ​പി​ക്കു​ന്ന സി.​സി.​ടി.​വി കാ​മ​റ​ക​ളു​ടെ ഉ​ദ്ഘാ​ട​നം വ്യാ​ഴാ​ഴ്ച ന​ട​ക്കും.

രാ​വി​ലെ 11ന് ​ന​ഗ​ര​സ​ഭ കോ​ണ്‍ഫ​റ​ന്‍സ് ഹാ​ളി​ല്‍ എ.​സി. മൊ​യ്തീ​ന്‍ എം.​എ​ല്‍.​എ ഉ​ദ്ഘാ​ട​നം ചെ​യ്യും. ന​ഗ​ര​സ​ഭ ചെ​യ​ര്‍പേ​ഴ്സ​ൻ സീ​ത ര​വീ​ന്ദ്ര​ന്‍ അ​ധ്യ​ക്ഷ​ത വ​ഹി​ക്കും.

മാ​ലി​ന്യ സം​സ്ക​ര​ണം കാ​ര്യ​ക്ഷ​മ​മാ​ക്കു​ന്ന​തോ​ടൊ​പ്പം ന​ഗ​ര​ത്തെ സു​ര​ക്ഷാ​വ​ല​യ​ത്തി​ലാ​ക്കു​ക കൂ​ടി​യാ​ണ് ല​ക്ഷ്യ​മി​ടു​ന്ന​ത്. വി​വി​ധ​യി​ട​ങ്ങ​ളി​ല്‍ 18 കാ​മ​റ​ക​ളാ​ണ് സ്ഥാ​പി​ച്ച​ത്. 15 ല​ക്ഷം രൂ​പ ചെ​ല​വി​ലാ​ണ് പ​ദ്ധ​തി ന​ട​പ്പാ​ക്കു​ന്ന​ത്. ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തി​ല്‍ നി​രീ​ക്ഷ​ണ​ത്തി​നാ​യി റും ​സ​ജ്ജ​മാ​ക്കി​യി​ട്ടു​ണ്ട്. കു​ന്നം​കു​ളം പൊ​ലീ​സ് സ്റ്റേ​ഷ​നി​ലും നി​രീ​ക്ഷ​ണ സൗ​ക​ര്യ​മു​ണ്ട്. ഇ​വ ര​ണ്ടും കേ​ന്ദ്രീ​കൃ​ത നി​രീ​ക്ഷ​ണ ഇ​ട​ങ്ങ​ളാ​ണ്.

ന​ഗ​ര​ത്തി​ലും പ​രി​സ​ര​ങ്ങ​ളി​ലും ശു​ചി​മു​റി മാ​ലി​ന്യം ഉ​ൾ​പ്പെ​ടെ വാ​ഹ​ന​ങ്ങ​ളി​ൽ കൊ​ണ്ടു​വ​ന്ന് ത​ള്ളു​ന്ന​ത് പ​തി​വ് കാ​ഴ്ച​യാ​ണ്.ഇ​ത് നി​യ​ന്ത്രി​ക്കാ​ൻ ന​ഗ​ര​സ​ഭ​ക്കും പൊ​ലീ​സി​നും കാ​മ​റ​ക​ൾ സ​ഹാ​യ​ക​മാ​കും. വ്യ​ത്യ​സ്ത കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ടു​ന്ന​വ​രെ ക​ണ്ടെ​ത്താ​നും ഇ​ത് സ​ഹാ​യ​ക​മാ​കും. പാ​ല​ക്കാ​ട് ഭ​ഗ​വ​തി അ​സോ​സി​യേ​റ്റ്സാ​ണ് കാ​മ​റ​ക​ൾ സ​ജ്ജീ​ക​രി​ച്ച​ത്.

കാ​മ​റ​ക​ൾ ഇ​വി​ടെ

മു​നി​സി​പ്പ​ല്‍ ജ​ങ്ഷ​ന്‍, ഹെ​ര്‍ബ​ര്‍ട്ട് റോ​ഡ് ജ​ങ്ഷ​ന്‍, ടി.​ടി ദേ​വ​സ്സി ജ​ങ്ഷ​ന്‍, തു​റ​ക്കു​ളം മാ​ര്‍ക്ക​റ്റ്, വി​ക്ട​റി, പ​ഴ​യ ബ​സ് സ്റ്റാ​ൻ​ഡ്, ടി.​കെ. കൃ​ഷ്ണ​ന്‍ റോ​ഡ്, മ​ധു​ര​ക്കു​ളം, ജ​വ​ഹ​ര്‍ തി​യ​റ്റ​ര്‍, കാ​ണി​പ്പ​യ്യൂ​ര്‍, വൈ​ശ്ശേ​രി, ആ​നാ​യ്ക്ക​ല്‍ ജ​ങ്ഷ​ന്‍, പ​ന​ങ്ങാ​ടി ക​യ​റ്റം, ചാ​ട്ടു​കു​ളം എ​ന്നി​വി​ട​ങ്ങ​ളി​ലാ​ണ് കാ​മ​റ​ക​ള്‍ സ്ഥാ​പി​ച്ച​ത്. ചി​ല​യി​ട​ങ്ങ​ളി​ല്‍ ര​ണ്ടും മൂ​ന്നും കാ​മ​റ​ക​ളു​ണ്ട്.