മ​ത്സ്യ​മാ​ർ​ക്ക​റ്റ് യൂ​നി​യ​ൻ ഓ​ഫി​സി​ലെ ക​വ​ർ​ച്ച: പ്ര​തി പി​ടി​യി​ൽ

കു​ന്നം​കു​ളം: ന​ഗ​ര​സ​ഭ തു​റ​ക്കു​ളം മ​ത്സ്യ മാ​ർ​ക്ക​റ്റി​ലെ സം​യു​ക്ത ട്രേ​ഡ് യൂ​നി​യ​ൻ ഓ​ഫി​സ് കു​ത്തി​ത്തു​റ​ന്ന് 14.5 ല​ക്ഷം ക​വ​ർ​ച്ച ന​ട​ത്തി​യ കേ​സി​ലെ പ്ര​തി​യാ​യ ഐ.​എ​ൻ.​ടി.​യു.​സി തൊ​ഴി​ലാ​ളി പി​ടി​യി​ൽ. വെ​ള്ള​റ​ക്കാ​ട് വെ​ള്ള​ത്തേ​രി കൈ​കു​ള​ങ്ങ​ര വീ​ട്ടി​ൽ നൂ​ർ​ദ്ദീ​നെ (42) ആ​ണ് കു​ന്നം​കു​ളം സി​ഐ യു.​കെ ഷാ​ജ​ഹാ​നും സം​ഘ​വും അ​റ​സ്റ്റ് ചെ​യ്ത​ത്. പ്ര​തി​യി​ൽ​നി​ന്ന് എ​ട്ട് ല​ക്ഷം രൂ​പ പൊ​ലീ​സ് ക​ണ്ടെ​ടു​ത്തു.

ഇ​തി​ൽ ര​ണ്ട് ല​ക്ഷം രൂ​പ ബാ​ങ്കി​ൽ നി​ക്ഷേ​പി​ച്ചി​രു​ന്നു. കൈ​വ​ശ​മു​ണ്ടാ​യി​രു​ന്ന ആ​റു ല​ക്ഷ​വും ബാ​ങ്കി​ൽ നി​ക്ഷേ​പി​ച്ച​തി​ന്റെ തെ​ളി​വു​ക​ളു​മാ​ണ് ക​ണ്ടെ​ത്തി​യ​ത്. ക​ഴി​ഞ്ഞ മാ​സം 30ന് ​രാ​ത്രി​യാ​ണ് ക​വ​ർ​ച്ച ന​ട​ന്ന​ത്. പി​റ്റേ​ദി​വ​സം രാ​ത്രി ഏ​ഴോ​ടെ യൂ​നി​യ​ൻ തൊ​ഴി​ലാ​ളി​ക​ൾ എ​ത്തി​യ​പ്പോ​ഴാ​ണ് മോ​ഷ​ണ​വി​വ​രം അ​റി​യു​ന്ന​ത്. ഞാ​യ​റാ​ഴ്ച മാ​ർ​ക്ക​റ്റ് അ​വ​ധി​യാ​യ​തി​നാ​ൽ മാ​ർ​ക്ക​റ്റി​ൽ ആ​രും ഉ​ണ്ടാ​യി​രു​ന്നി​ല്ല. ശ​നി​യാ​ഴ്ച രാ​ത്രി ഒ​മ്പ​ത​ര​യോ​ടെ എ​ത്തി​യ പ്ര​തി മു​ഖം മൂ​ടി ധ​രി​ച്ച് സ​മീ​പ പ​റ​മ്പി​ലൂ​ടെ എ​ത്തി ഓ​ഫി​സി​ന്റെ മ​തി​ലി​ൽ ക​യ​റി. സ്ഥാ​പ​ന​ത്തി​ന് മു​ന്നി​ലെ സി.​സി.​ടി​വി കാ​മ​റ ത​ല്ലി ത​ക​ർ​ത്ത് മു​ക​ളി​ലേ​ക്ക് തി​രി​ച്ചു വെ​ച്ചു.

പി​ന്നീ​ട് ക​മ്പിപ്പാ​ര കൊ​ണ്ട് പൂ​ട്ട് ത​ക​ർ​ത്ത് അ​ക​ത്തു ക​യ​റി ഓ​ഫി​സി​നു​ള്ളി​ലെ മൂ​ന്ന് അ​ല​മാ​ര​ക​ളി​ലാ​യി സൂ​ക്ഷി​ച്ച പ​ണം ക​ട്ട​ർ ഉ​പ​യോ​ഗി​ച്ച് പൊ​ളി​ച്ച് മോ​ഷ്ടി​ക്കു​ക​യാ​യി​രു​ന്നു​വെ​ന്ന് പ്ര​തി പൊ​ലീ​സി​ന് മൊ​ഴി ന​ൽ​കി. മേ​ഖ​ല​യി​ലെ സി.​സി ടി​വി കാ​മ​റ​ക​ളും ശാ​സ്ത്രീ​യ തെ​ളി​വു​ക​ളും പ​രി​ശോ​ധി​ച്ചാ​ണ് പ്ര​തി​യെ ക​ണ്ടെ​ത്തി​യ​ത്. പ​ണം സൂ​ക്ഷി​ക്കു​ന്ന വി​വ​രം വ്യ​ക്ത​മാ​യി അ​റി​യാ​വു​ന്ന​യാ​ൾ ത​ന്നെ​യാ​ണ് മോ​ഷ്ടാ​വെ​ന്ന് പൊ​ലീ​സി​ന് വ്യ​ക്ത​മാ​യി​രു​ന്നു. പി​റ്റേ​ന്ന് അ​വ​ധി​യെ​ടു​ത്ത പ്ര​തി ചൊ​വ്വാ​ഴ്ച മു​ത​ൽ മാ​ർ​ക്ക​റ്റി​ൽ ജോ​ലി​ക്ക് എ​ത്തി​യി​രു​ന്നു.

ബാ​ങ്ക് വായ്പ എ​ടു​ത്ത് ക​ടം കൂ​ടി​യ ബാ​ധ്യ​ത വ​ന്ന​തി​നാ​ലാ​ണ് ക​വ​ർ​ച്ച ന​ട​ത്തി​യ​തെ​ന്ന് പ്ര​തി സ​മ്മ​തി​ച്ചു. പ്ര​തി​യെ ശ​നി​യാ​ഴ്ച കോ​ട​തി​യി​ൽ ഹാ​ജ​രാ​ക്കും.