കുന്നംകുളത്ത് ചേരിതിരിഞ്ഞ് കോൺഗ്രസുകാരുടെ പോര്

കു​ന്നം​കു​ളം: ഇ​ട​വേ​ള​ക്കു​ശേ​ഷം വീ​ണ്ടും കു​ന്നം​കു​ള​ത്ത് കോ​ൺ​ഗ്ര​സി​ൽ ഗ്രൂ​പ് തി​രി​ഞ്ഞ് പോ​ര​ടി​ക്കു​ന്നു. പു​തി​യ ബ്ലോ​ക്ക് പ്ര​സി​ഡ​ന്റി​നെ പ്ര​ഖ്യാ​പി​ച്ച​തോ​ടെ​യാ​ണ് പ്ര​ധാ​ന നേ​താ​ക്ക​ൾ ഉ​ൾ​പ്പെ​ടെ​യു​ള്ള ഒ​രു​പ​റ്റം പ്ര​വ​ർ​ത്ത​ക​ർ പ്ര​തി​ഷേ​ധ​വു​മാ​യി രം​ഗ​ത്തു​വ​ന്ന​ത്. ഐ ​ഗ്രൂ​പ് എ​ന്ന പേ​രി​ലാ​ണ് ഈ ​വി​ഭാ​ഗം പ്ര​തി​ഷേ​ധ​വു​മാ​യി വ​ന്നി​ട്ടു​ള്ള​ത്. ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ന്റാ​യി നി​യ​മി​ത​നാ​യ അ​ഡ്വ. സി.​ബി. രാ​ജീ​വി​ന്റെ സ്ഥാ​നാ​രോ​ഹ​ണ ച​ട​ങ്ങ് ഇ​വ​ർ ബ​ഹി​ഷ്ക​രി​ച്ചു.

മു​ൻ മ​ന്ത്രി​യും കു​ന്നം​കു​ളം സ്വ​ദേ​ശി​യു​മാ​യ കെ.​പി. വി​ശ്വ​നാ​ഥ​ന്റെ പ്ര​ത്യേ​ക താ​ൽ​പ​ര്യ​പ്ര​കാ​രം ബ്ലോ​ക്ക് പ്ര​സി​ഡ​ന്റ് സ്ഥാ​ന​ത്തേ​ക്കെ​ത്തി​യ രാ​ജീ​വി​നെ അം​ഗീ​ക​രി​ക്കാ​നാ​കി​ല്ലെ​ന്ന് ചൂ​ണ്ടി​ക്കാ​ട്ടി കോ​ൺ​ഗ്ര​സ് ജി​ല്ല-​സം​സ്ഥാ​ന ഭാ​ര​വാ​ഹി​ക​ൾ​ക്ക് പ​രാ​തി​യും ന​ൽ​കി​യി​ട്ടു​ണ്ട്. കെ.​പി.​സി.​സി അ​ധ്യ​ക്ഷ​നെ അ​റ​സ്റ്റ് ചെ​യ്ത​തി​നെ​തി​രെ പ്ര​തി​ഷേ​ധി​ച്ചു​ള്ള ക​രി​ദി​നാ​ച​ര​ണ​ത്തി​ൽ കു​ന്നം​കു​ള​ത്ത് ബ്ലോ​ക്ക് കോ​ൺ​ഗ്ര​സ് ന​ട​ത്തി​യ പ്ര​ക​ട​ന​ത്തി​ൽ പ​ങ്കെ​ടു​ക്കാ​തെ ഒ​രു വി​ഭാ​ഗം ന​ഗ​ര​ത്തി​ൽ അ​തേ സ​മ​യം ഗ്രൂ​പ് യോ​ഗം ന​ട​ത്തി​യി​രു​ന്നു.

ഈ ​യോ​ഗ​ത്തി​ൽ രാ​ജീ​വി​നെ​തി​രെ ക​ടു​ത്ത വി​മ​ർ​ശ​ന​മാ​ണ് ഉ​യ​ർ​ന്ന​ത്. ദീ​ർ​ഘ​കാ​ലം ഐ ​ഗ്രൂ​പ്പി​ന്റെ കൈ​വ​ശ​മു​ണ്ടാ​യി​രു​ന്ന കു​ന്നം​കു​ളം ബ്ലോ​ക്ക് പ്ര​സി​ഡ​ൻ​റ് സ്ഥാ​നം സ​ഹോ​ദ​രി​യു​ടെ മ​രു​മ​ക​ന് ന​ൽ​ക​ണ​മെ​ന്ന മു​ൻ മ​ന്ത്രി കെ.​പി. വി​ശ്വ​നാ​ഥ​ന്റെ ആ​ഗ്ര​ഹ​മാ​ണ് കു​ന്നം​കു​ള​ത്തെ ത​ർ​ക്ക​ങ്ങ​ൾ​ക്ക് തു​ട​ക്ക​മി​ട്ട​ത്. കെ.​പി.​സി.​സി അം​ഗം ജോ​സ​ഫ് ചാ​ല​ശ്ശേ​രി, ഡി.​സി.​സി സെ​ക്ര​ട്ട​റി​മാ​ർ, മ​ണ്ഡ​ലം പ്ര​സി​ഡ​ന്റു​മാ​ർ ഉ​ൾ​പ്പെ​ടെ​യു​ള്ള​വ​രു​ടെ നേ​തൃ​ത്വ​ത്തി​ലു​ള്ള ഒ​രു വി​ഭാ​ഗം കോ​ൺ​ഗ്ര​സ് പ്ര​വ​ർ​ത്ത​ക​രാ​ണ് ഇ​പ്പോ​ൾ പ്ര​തി​ഷേ​ധം ഉ​യ​ർ​ത്തി​യി​ട്ടു​ള്ള​ത്.

കു​ന്നം​കു​ളം ന​ൽ​കു​ന്ന​തി​ന് പ​ക​ര​മാ​യി ത​ന്റെ അ​ധീ​ന​ത​യി​ലു​ള്ള പു​തു​ക്കാ​ടും ആ​മ്പ​ല്ലൂ​രും വി​ട്ടു​കൊ​ടു​ക്കാ​മെ​ന്ന് കെ.​പി. വി​ശ്വ​നാ​ഥ​ൻ ഐ ​വി​ഭാ​ഗ​ത്തി​ന് ഉ​റ​പ്പ് ന​ൽ​കി​യി​രു​ന്നു. കു​ന്നം​കു​ള​ത്ത് സ​ഹോ​ദ​രി​യു​ടെ മ​രു​മ​ക​നെ ബ്ലോ​ക്ക് പ്ര​സി​ഡ​ന്റാ​ക്കി നി​യ​മി​ച്ച​തി​ന്റെ ഉ​ത്ത​ര​വ് പു​റ​ത്തു​വ​ന്ന​തോ​ടെ വി​ട്ടു​കൊ​ടു​ത്ത പു​തു​ക്കാ​ടും ആ​മ്പ​ല്ലൂ​രും നി​ർ​ബ​ന്ധ​മാ​യും ത​ന്റെ ഗ്രൂ​പ്പി​ന് ത​ന്നെ കി​ട്ട​ണ​മെ​ന്ന് കാ​ണി​ച്ച്‌ കെ.​പി. വി​ശ്വ​നാ​ഥ​ന്റെ നേ​തൃ​ത്വ​ത്തി​ൽ ഗ്രൂ​പ് യോ​ഗം വി​ളി​ച്ചി​രു​ന്നു.

ഗ​വ​ർ​ണ​ർ-​മു​ഖ്യ​മ​ന്ത്രി പോ​ര് സം​സ്ഥാ​ന​ത്ത് രൂ​ക്ഷ​മാ​യ സാ​ഹ​ച​ര്യ​ത്തി​ൽ ശ​ക്ത​മാ​യി പ്ര​തി​ക​രി​ക്കാ​ത്ത സം​സ്ഥാ​ന​ത്തെ നി​ല​വി​ലു​ള്ള കോ​ൺ​ഗ്ര​സ് നേ​തൃ​ത്വ​ത്തി​ന് ചു​ട്ട അ​ടി വേ​ണ​മോ എ​ന്ന് ഫേ​സ് ബു​ക്ക് പോ​സ്റ്റി​ൽ ഇ​പ്പോ​ഴ​ത്തെ ബ്ലോ​ക്ക് പ്ര​സി​ഡ​ന്റ് പ്ര​തി​ക​രി​ച്ച​തും പ്ര​വ​ർ​ത്ത​ക​രി​ൽ പ്ര​തി​ഷേ​ധ​ത്തി​ന് ഇ​പ്പോ​ൾ ഇ​ട​യാ​ക്കി​യി​ട്ടു​ണ്ട്. കെ. ​സു​ധാ​ക​ര​ൻ, വി.​ഡി. സ​തീ​ശ​ൻ എ​ന്നി​വ​രെ പേ​രെ​ടു​ത്ത് പ​റ​യാ​തെ വി​മ​ർ​ശി​ച്ച വ്യ​ക്തി​യെ ത​ന്നെ ബ്ലോ​ക്ക് പ്ര​സി​ഡ​ന്റാ​യി നി​യ​മി​ച്ച​ത് അം​ഗീ​ക​രി​ക്കാ​ൻ ക​ഴി​യി​ല്ലെ​ന്ന നി​ല​പാ​ടി​ലാ​ണ് ഐ ​ഗ്രൂ​പ്.

ബ്ലോ​ക്ക് പ്ര​സി​ഡ​ന്റ് ചു​മ​ത​ല​യേ​റ്റെ​ടു​ക്കു​ന്ന പ​രി​പാ​ടി​യു​ടെ നോ​ട്ടീ​സി​ലെ പ്ര​ധാ​ന​പ്പെ​ട്ട വ്യ​ക്തി​ക​ൾ പോ​ലും പ​ങ്കെ​ടു​ക്കാ​ത്ത​തി​ന് പി​ന്നി​ൽ ഈ ​പ്ര​തി​ഷേ​ധ​മാ​ണെ​ന്ന് വ്യ​ക്ത​മാ​ണ്. ബ്ലോ​ക്കി​ലെ അ​ഞ്ച് മ​ണ്ഡ​ലം പ്ര​സി​ഡ​ന്റു​മാ​രി​ൽ ര​ണ്ടു​പേ​ർ മാ​ത്ര​മാ​ണ് എ​ത്തി​യ​ത്. കു​ന്നം​കു​ള​ത്ത് എ ​ഗ്രൂ​പ്പി​ന്റെ പേ​രി​ലാ​ണ് ഒ​രു വി​ഭാ​ഗം സി.​ബി. രാ​ജീ​വി​നൊ​പ്പം നി​ൽ​ക്കു​ന്ന​ത്. എ ​ഗ്രൂ​പ് എ​ന്ന പേ​രി​ൽ മ​റ്റൊ​രു വി​ഭാ​ഗം മു​ൻ എം.​എ​ൽ.​എ അ​നി​ൽ അ​ക്ക​ര​യു​ടെ പേ​രി​ലും നി​ൽ​ക്കു​ന്നു​ണ്ട്. ഈ ​വി​ഭാ​ഗ​വും നി​ല​വി​ലെ ബ്ലോ​ക്ക് പ്ര​സി​ഡ​ന്റി​നെ അം​ഗീ​ക​രി​ക്കു​ന്നി​ല്ല. കോ​ൺ​ഗ്ര​സി​ൽ ത​മ്മി​ൽ​ത​ല്ല് ശ​ക്ത​മാ​കു​ന്ന​തി​നി​ട​യി​ലാ​ണ് യൂ​ത്ത് കോ​ൺ​ഗ്ര​സ് നി​യോ​ജ​ക മ​ണ്ഡ​ലം പ്ര​സി​ഡ​ന്റ് തെ​ര​ഞ്ഞെ​ടു​പ്പി​ന് കു​ന്നം​കു​ളം ഒ​രു​ങ്ങു​ന്ന​ത്. ഇ​തി​ലും ചേ​രി​തി​രി​വ് രൂ​ക്ഷ​മാ​ണ്.