KPAC കേരള കോൺഗ്രസ്​ ജില്ല കമ്മിറ്റി

തൃശൂർ: കെ.പി.എ.സി ലളിതയുടെ നിര്യാണത്തിൽ കേരള കോൺഗ്രസ്​ ജില്ല കമ്മിറ്റി അനുശോചനം രേഖപ്പെടുത്തി. കേരള കോൺഗ്രസ്​ ചെയർമാൻ മുൻ മന്ത്രി പി.ജെ. ജോസഫ് എം.എൽ.എക്ക്​ വേണ്ടി കേരള കോൺഗ്രസ്​ ജില്ല പ്രസിഡന്‍റ്​ സി.വി. കുര്യാക്കോസ്​ റീത്ത് സമർപ്പിച്ചു. ജില്ല കമ്മറ്റി നടത്തിയ അനുശോചനയോഗത്തിൽ കേരള കോൺഗ്രസ്​ ഡെപ്യൂട്ടി ചെയർമാൻ അഡ്വ. തോമസ്​ ഉണ്ണിയാടൻ, സംസ്​ഥാന വൈസ്​ ചെയർമാൻ എം.പി. പോളി, സംസ്​ഥാന ജന. സെക്രട്ടറിമാരായ മിനി മോഹൻദാസ്​, ജോയി ഗോപുരാൻ, ജോൺസൺ കാഞ്ഞിരത്തിങ്കൽ തുടങ്ങിയവർ സംസാരിച്ചു. ജില്ല പ്രസിഡന്‍റ്​ സി.വി. കുര്യാക്കോസ്​ അധ്യക്ഷത വഹിച്ചു.