വീ​ട്ടു​ട​മ ഇ​റ​ക്കി​വി​ട്ട വ​യോ​ദ​മ്പ​തി​ക​ൾ​ക്ക് കൊ​ര​ട്ടി പ​ഞ്ചാ​യ​ത്ത് താ​ങ്ങാ​യി

കൊ​ര​ട്ടി: വാ​ട​ക കൊ​ടു​ക്കാ​ൻ പ​ണ​മി​ല്ലാ​ത്ത​തി​നാ​ൽ കെ​ട്ടി​ട ഉ​ട​മ ഇ​റ​ക്കി​വി​ട്ട വ​യോ​ദ​മ്പ​തി​ക​ൾ​ക്ക് കൊ​ര​ട്ടി പ​ഞ്ചാ​യ​ത്ത് ത​ല​ചാ​യ്ക്കാ​ൻ ഇ​ടം ന​ൽ​കി. കൊ​ര​ട്ടി സ്വ​ദേ​ശി​ക​ളാ​യ ജോ​ർ​ജ്, മേ​രി ദ​മ്പ​തി​ക​ളെ​യാ​ണ് ക​ഴി​ഞ്ഞ​ദി​വ​സം വീ​ട്ടു​ട​മ ഇ​റ​ക്കി​വി​ട്ട​ത്.

ദേ​വ​മാ​ത മു​റി​പ്പ​റ​മ്പ് ഭാ​ഗ​ത്ത് വാ​ട​ക​വീ​ട്ടി​ൽ താ​മ​സി​ച്ചി​രു​ന്ന ഇ​വ​രോ​ട് ഇ​റ​ങ്ങി​പ്പോ​കാ​ൻ വീ​ട്ടു​ട​മ ആ​വ​ശ്യ​പ്പെ​ടു​ക​യാ​യി​രു​ന്നു. മ​റ്റൊ​രു വാ​ട​ക​വീ​ട് കി​ട്ടി​യാ​ൽ ഉ​ട​ൻ ഒ​ഴി​യാ​മെ​ന്ന് പ​റ​ഞ്ഞെ​ങ്കി​ലും വീ​ട്ടു​ട​മ വി​ട്ടു​വീ​ഴ്ച​ക്ക് ത​യാ​റാ​യി​ല്ല. ഉ​ട​മ അ​ക്ഷ​മ​നാ​യി ഇ​വ​രു​ടെ വീ​ട്ടു​സാ​ധ​ന​ങ്ങ​ൾ പു​റ​ത്ത് കൂ​ട്ടി​യി​ട്ടു. ഇ​തോ​ടെ ഇ​വ​ർ പെ​രു​വ​ഴി​യി​ലാ​വു​ക​യാ​യി​രു​ന്നു.

ഈ ​സാ​ഹ​ച​ര്യ​ത്തി​ലാ​ണ് ദ​മ്പ​തി​ക​ളു​ടെ പ്ര​ശ്ന​ത്തി​ൽ പ​ഞ്ചാ​യ​ത്ത് ഇ​ട​പെ​ട്ട​ത്. ഇ​വ​ർ​ക്ക് പ​ഞ്ചാ​യ​ത്ത് അം​ഗ​ങ്ങ​ൾ മു​ൻ​കൈ​യെ​ടു​ത്ത് ചാ​ല​ക്കു​ടി​യി​ൽ വാ​ട​ക വീ​ടൊ​രു​ക്കി. ഇ​തി​ന് പ്ര​തി​മാ​സം 1500 രൂ​പ വീ​തം ന​ൽ​കാ​മെ​ന്ന് അം​ഗ​ങ്ങ​ൾ അ​റി​യി​ച്ചു. സ്ഥി​രം​സ​മി​തി അ​ധ്യ​ക്ഷ​ൻ കെ.​ആ​ർ. സു​മേ​ഷ് 1000 രൂ​പ​യും പ​ഞ്ചാ​യ​ത്ത് അം​ഗം സ​ത്യ​ൻ 500 രൂ​പ​യും പ്ര​തി​മാ​സം ന​ൽ​കാ​മെ​ന്ന് ഏ​റ്റി​ട്ടു​ണ്ട്.