മാലിന്യം വഴിയിൽ തള്ളേണ്ട; പിറകെ വരും കാമറ

കൊ​ടു​ങ്ങ​ല്ലൂ​ർ: പൊ​തു​സ്ഥ​ല​ങ്ങ​ളി​ൽ മാ​ലി​ന്യം ത​ള്ളു​ന്ന​വ​ർ​ക്ക് ‘പ​ണി’​പി​റ​കെ വ​രും. പ​ക​ൽ പ​രി​ശോ​ധ​ന​യും നൈ​റ്റ് സ്ക്വാ​ഡും കൂ​ടാ​തെ മാ​ലി​ന്യം ത​ള്ളു​ന്ന​വ​രെ പി​ടി​കൂ​ടാ​ൻ ഇ​നി പോ​ർ​ട്ട​ബി​ൾ കാ​മ​റ​ക​ളും വ​രി​ക​യാ​ണ്. പ​ത്ത് കാ​മ​റ​ക​ൾ കൊ​ണ്ടു​വ​രാ​നാ​ണ് ന​ഗ​ര​സ​ഭ​യു​ടെ തീ​രു​മാ​നം. കാ​മ​റ​ക​ൾ ന​ഗ​ര​സ​ഭ​യു​ടെ വി​വി​ധ തെ​രു​വു​ക​ളി​ൽ മാ​റി മാ​റി​യെ​ത്തും. മാ​ലി​ന്യം വ​ലി​ച്ചെ​റി​യു​ന്ന​വ​ർ​ക്ക് ഇ​നി നി​രീ​ക്ഷ​ണ കാ​മ​റ പ​രി​ധി​യി​ൽ നി​ന്ന് ര​ക്ഷ​പ്പെ​ടു​ക പ്ര​യാ​സ​മാ​കും. പി​ടി​കൂ​ടു​ന്ന​വ​ർ​ക്ക് ക​ന​ത്ത പി​ഴ​യാ​ണ് ചു​മ​ത്തി വ​രു​ന്ന​ത്.

ക​ക്കൂ​സ് മാ​ലി​ന്യം ത​ള്ളി​യ വാ​ഹ​ന ഉ​ട​മ​ക്ക് ഈ​യി​ടെ 50,000 രൂ​പ​യാ​ണ് പി​ഴ​യി​ട്ട​ത്. ചെ​റു​കി​ട ക​ച്ച​വ​ട​ക്കാ​ർ​ക്കും വ​ലി​യ പി​ഴ​യാ​ണ് കി​ട്ടു​ന്ന​ത്. നൈ​റ്റ് സ്ക്വാ​ഡ് രം​ഗ​ത്തി​ങ്ങി​യ​തോ​ടെ പൊ​തു​സ്ഥ​ല​ത്ത് മാ​ലി​ന്യം ത​ള്ളു​ന്ന​ത് ന​ന്നാ​യി കു​റ​ഞ്ഞി​ട്ടു​ണ്ട്.

ന​ഗ​ര​സ​ഭ ആ​രോ​ഗ്യ വി​ഭാ​ഗം ഉ​ദ്യോ​ഗ​സ്ഥ​രും ശു​ചീ​ക​ര​ണ തൊ​ഴി​ലാ​ളി​ക​ളു​മാ​ണ് സ്ക്വാ​ഡി​ലു​ള്ള​ത്. രാ​തി എ​ട്ടു​മു​ത​ൽ പു​ല​ർ​ച്ചെ വ​രെ​യാ​ണ് നി​രീ​ക്ഷ​ണം. ബൈ​പ്പാ​സ് റോ​ഡ​രി​കി​ലാ​ണ് കൂ​ടു​ത​ലാ​യും മാ​ലി​ന്യ ത​ള്ളു​ന്ന​ത്. പ്ലാ​സ്റ്റി​ക്ക് മാ​ലി​ന്യം നി​ർ​മാ​ർ​ജ​നം കൊ​ടു​ങ്ങ​ല്ലൂ​രി​ൽ പൊ​തു​വെ ന​ന്നാ​യി ന​ട​ക്കു​ന്നു​ണ്ട്. ഹ​രി​ത ക​ർ​മ​സേ​ന ശേ​ഖ​രി​ക്കു​ന്ന അ​ജൈ​വ മാ​ലി​ന്യം 35 ഓ​ളം മി​നി എം.​സി.​എ​ഫു​ക​ളി​ൽ സം​ഭ​രി​ക്കും.

പി​ന്നീ​ട് എം.​സി.​എ​ഫു​ക​ളി​ലും ആ​ർ.​ആ​ർ.​എ​ഫു​ക​ളി​ലു​മാ​യി വേ​ർ​തി​രി​ച്ച് പ്ലാ​സ്റ്റി​ക്ക് മാ​ലി​ന്യ​ങ്ങ​ളും മ​റ്റു അ​ജൈ​വ മാ​ലി​ന്യ​ങ്ങ​ളും ക്ലീ​ൻ കേ​ര​ള ക​മ്പ​നി ലി​മി​റ്റ​ഡി​ന് കൈ​മാ​റു​ക​യാ​ണ് ചെ​യ്യു​ന്ന​ത്. ജൈ​വ മാ​ലി​ന്യം ഉ​റ​വി​ട​ങ്ങ​ളി​ൾ സം​സ്ക​രി​ക്ക​ണ​മെ​ന്നാ​ണ് ന​ഗ​ര​സ​ഭ​യു​ടെ നി​ല​പാ​ട്.

ടി.​കെ.​എ​സ് പു​ര​ത്ത് കോ​ട്ട​പ്പു​റം ച​ന്ത​യി​ൽ​നി​ന്ന് ഉ​ൾ​പ്പെ​ടെ​യു​ള്ള ജൈ​വ മാ​ലി​ന്യം ശേ​ഖ​രി​ച്ച് വ​ള​മാ​ക്കി മാ​റ്റു​ന്ന പ്ലാ​ൻ​റും ന​ഗ​ര​സ​ഭ​യു​ടെ അ​ധീ​ന​ത​യി​ൽ പ്ര​വ​ർ​ത്തി​ക്കു​ന്നു​ണ്ട്.

പ​രി​സ്ഥി​തി ദി​ന​ത്തി​ൽ ടൗ​ൺ ഹാ​ളി​ൽ ന​ട​ക്കു​ന്ന ‘ഹ​രി​ത​സ​ഭ’​മാ​ലി​ന്യ മു​ക്ത കൊ​ടു​ങ്ങ​ല്ലൂ​ർ എ​ന്ന ല​ക്ഷ്യം മു​ൻ നി​ർ​ത്തി​യു​ള്ള പ്ര​വ​ർ​ത്ത​ന​ങ്ങ​ൾ ആ​വി​ഷ്ക​രി​ക്കു​മെ​ന്നാ​ണ് അ​റി​യു​ന്ന​ത്. മു​ൻ​പ് ‘ക്ലീ​ൻ കൊ​ടു​ങ്ങ​ല്ലൂ​ർ’​ആ​ശ​യ​ത്തി​ന് തു​ട​ക്കം കു​റി​ച്ചെ​ങ്കി​ലും ഫ​ല​പ്ര​ദ​മാ​യി​രു​ന്നി​ല്ല.