മാതാവിനും സഹോദരിക്കും പിന്നാലെ പിതാവും യാത്രയായി; അരുൺ തനിച്ചായി

കൊ​ടു​ങ്ങ​ല്ലൂ​ർ: മ​ക​നെ ത​നി​ച്ചാ​ക്കി ഒ​ടു​വി​ൽ പി​താ​വും അ​ന്ത്യ​യാ​ത്ര​യാ​യി. മ​തി​ല​കം വെ​സ്​​റ്റി​ലെ തോ​ട്ടു​പു​റ​ത്ത് വീ​ട്ടി​ൽ നി​ന്നാ​ണ് മൂ​ന്ന​ര മാ​സ​ത്തി​നു​ള്ളി​ൽ മൂ​ന്നാ​മ​തൊ​രാ​ളെ കൂ​ടി മ​ര​ണം കൂ​ട്ടി​ക്കൊ​ണ്ടു​പോ​യ​ത്. ഗൃ​ഹ​നാ​ഥ​ൻ തോ​ട്ടു​പു​റ​ത്ത് ഉ​ണ്ണി​കൃ​ഷ്ണ​ൻ (61) ആ​ണ് ശ​നി​യാ​ഴ്ച മ​രി​ച്ച​ത്.

റി​ട്ട. കെ.​എ​സ്.​ഇ.​ബി ജീ​വ​ന​ക്കാ​ര​നാ​യ ഉ​ണ്ണി​കൃ​ഷ്​​ണ​െൻറ ഭാ​ര്യ​യു​ടെ​യും മ​ക​ളു​ടെ​യും വേ​ർ​പാ​ടി​െൻറ വേ​ദ​ന വി​ട്ട​ക​ലും മു​മ്പാ​ണ് അ​ദ്ദേ​ഹ​ത്തെ​യും വി​ധി ത​ട്ടി​യെ​ടു​ത്ത​ത്. ക​ഴി​ഞ്ഞ മേ​യ് 14ന് ​രാ​ത്രി ന​ട​ന്ന ഭാ​ര്യ പ്രീ​തി​യു​ടെ​യും മ​ക​ൾ ഉ​ണ്ണി​മാ​യ​യു​ടെ​യും മ​ര​ണം നാ​ടി​നെ സ​ങ്ക​ട​പ്പെ​ടു​ത്തി​യ ദാ​രു​ണ സം​ഭ​വ​മാ​യി​രു​ന്നു. ശ്വ​സ​ന സം​ബ​ന്ധ​മാ​യ രോ​ഗാ​വ​സ്ഥ​യി​ലാ​യി​രു​ന്ന ഉ​ണ്ണി​മാ​യ പ്ര​യാ​സം അ​നു​ഭ​വ​പ്പെ​ടു​മ്പോ​ൾ ഓ​ക്സി​ജ​ൻ കോ​ൺ​സ​ൻ​​ട്രേ​റ്റ​ർ വെ​ച്ചാ​ണ് ശ്വ​സി​ച്ചി​രു​ന്ന​ത്. കാ​റ്റി​ലും മ​ഴ​യി​ലും വൈ​ദ്യു​തി നി​ല​ച്ച​തോ​ടെ കോ​ൺ​സ​ൻ​ട്രേ​റ്റ​ർ പ്ര​വ​ർ​ത്ത​നം നി​ല​ച്ചു. ഇ​തോ​ടെ അ​വ​ശ​നി​ല​യി​ലാ​യ ഉ​ണ്ണി​മാ​യ മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

മ​ക​ളു​ടെ മ​ര​ണ വി​വ​രം അ​റി​ഞ്ഞ​യു​ട​നെ​യാ​ണ്​ അ​മ്മ​യു​ടെ വി​യോ​ഗം. ഇ​രു​വ​രു​ടെ​യും മ​ര​ണ​ത്തോ​ടെ പ​ല​വി​ധ രോ​ഗ​ങ്ങ​ളാ​ൽ ശാ​രീ​രി​ക അ​വ​ശ​ത​യി​ൽ ക​ഴി​ഞ്ഞ ഉ​ണ്ണി​കൃ​ഷ്ണ​നും, കൂ​ടെ മ​ക​ൻ അ​രു​ണും പെ​രി​ഞ്ഞ​നം കൊ​റ്റം​കു​ള​ത്ത് സ​ഹോ​ദ​ര​െൻറ വീ​ട്ടി​ലാ​യി​രു​ന്നു താ​മ​സം. രോ​ഗാ​വ​സ്ഥ മൂ​ർ​ച്ഛി​ച്ച​തി​നെ തു​ട​ർ​ന്ന് തൃ​ശൂ​ർ മെ​ഡി​ക്ക​ൽ കോ​ള​ജ്​ ആ​ശു​പ​​ത്രി​യി​ൽ പ്ര​വേ​ശി​പ്പി​ച്ച ഉ​ണ്ണി​കൃ​ഷ്ണ​െൻറ മ​ര​ണം ശ​നി​യാ​ഴ്ച വൈ​കീ​ട്ടാ​യി​രു​ന്നു. ദുഃ​ഖ​സാ​ന്ദ്ര​മാ​യ അ​ന്ത​രീ​ക്ഷ​ത്തി​ൽ രാ​ത്രി​യോ​ടെ സം​സ്ക​രി​ച്ചു. ഭാ​ര്യ​യു​ടെ​യും മ​ക​ളു​ടെ​യും ചി​ത​യൊ​രു​ക്കി​യ സ്വ​ന്തം വീ​ട്ടു​വ​ള​പ്പി​ൽ​ത​ന്നെ​യാ​യി​രു​ന്നു ചി​ത​യൊ​രു​ക്കി​യ​ത്. മ​ക​ൻ മു​ത്തു എ​ന്ന അ​രു​ൺ ചി​ത​ക്ക് തീ ​കൊ​ളു​ത്തി.