ക​ളി​ക്കൂ​ട്ടു​കാ​രെ ര​ക്ഷി​ക്കാ​നാ​യി​ല്ല തേ​ങ്ങ​ല​ട​ക്കാ​നാ​വാ​തെ ശ്രീ​ശാ​ന്തും അ​ഭ​യ് കൃ​ഷ്ണ​യും

കൊ​ടു​ങ്ങ​ല്ലൂ​ർ: പു​ഴ​യി​ലി​റ​ങ്ങി പി​റ​കെ പോ​യി​ട്ടും ക​ളി​ക്കൂ​ട്ടു​ക്കാ​രെ ര​ക്ഷി​ക്കാ​ൻ ക​ഴി​യാ​ത്ത​തി​ലു​ള്ള മ​നോ​വ്യ​ഥ​യി​ലും ഞെ​ട്ട​ലി​ലു​മാ​ണ് ശ്രീ​ശാ​ന്തും അ​ഭ​യ് കൃ​ഷ്ണ​യും. ക​ൺ​മു​ന്നി​ൽ അ​പ്പു​വും കു​ട്ട​നും ഒ​ഴു​ക്കി​ൽ നീ​ങ്ങി​പ്പോ​കു​ന്ന രം​ഗം തേ​ങ്ങ​ലോ​ടെ​യാ​ണ് ഇ​രു​വ​രും വി​വ​രി​ച്ച​ത്.

എ​സ്.​എ​ൻ. പു​രം പു​വ്വ​ത്തും​ക​ട​വി​ൽ ക​നാ​ലി ക​നാ​ൽ തീ​ര​ത്തെ പാ​ല​ത്തി​ന് താ​ഴെ ക​ളി​ക്കാ​ൻ പ​ത്തോ​ളം പേ​രാ​ണ് ഒ​ത്തു​കൂ​ടി​യ​ത്. കു​റ​ച്ചു​പേ​ർ മൊ​ബൈ​ൽ ഫോ​ൺ നോ​ക്കി​യി​രു​ന്നു. ആ​റു​പേ​രാ​ണ് ഫു​ട്ബാ​ൾ ക​ളി​ച്ച​ത്. ഇ​തി​നി​ടെ​യാ​ണ് പ​ന്ത് പു​ഴ​യി​ൽ വീ​ണ​ത്.

പ​ന്തെ​ടു​ക്കാ​ൻ ഇ​റ​ങ്ങി​യ അ​പ്പു​വും പി​റ​കെ പോ​യ കു​ട്ട​നും വേ​ലി​യി​റ​ക്ക​മാ​യ​തി​നാ​ൽ പു​ഴ​യി​ലൂ​ടെ ന​ട​ന്നാ​ണ് നീ​ങ്ങി​യ​ത്. പൊ​ടു​ന്ന​നെ​യാ​ണ് ചു​ഴി​യോ​ട് ചേ​ർ​ന്ന ഒ​ഴു​ക്കി​ൽ​പെ​ട്ട​ത്. അ​പ​ക​ടം മ​ണ​ത്ത ശ്രീ​ശാ​ന്തും അ​ഭ​യ് കൃ​ഷ്ണ​യും പി​റ​കെ പോ​യെ​ങ്കി​ലും അ​ധി​കം മു​ന്നോ​ട്ട് പോ​കാ​നാ​യി​ല്ല. മ​റ്റു കു​ട്ടു​കാ​രും നി​സ്സ​ഹാ​യ​രാ​യി നി​ന്നു. മ​രി​ച്ച​വ​രു​ടെ ഉ​റ്റ​വ​രു​ടെ അ​ല​മു​റ​ക്കി​ടെ കൂ​ട്ടു​കാ​ർ എ​ല്ലാ​വ​രും ദുഃ​ഖം ക​നി​യു​ന്ന മ​ന​സ്സു​മാ​യി തി​ര​ച്ചി​ൽ ന​ട​ക്കു​ന്ന പു​ഴ​യോ​ര​ത്തു​ണ്ടാ​യി​രു​ന്നു.

തി​ര​ച്ചി​ലി​നി​ടെ ക​ണ്ടെ​ടു​ത്ത കൂ​ട്ടു​ക്കാ​രു​ടെ ശ​രീ​ര​വു​മാ​യി അ​തി​വേ​ഗ​ത്തി​ൽ ആം​ബു​ല​ൻ​സു​ക​ൾ ആ​ശു​പ​ത്രി​യി​ലേ​ക്ക് പാ​യു​മ്പോ​ഴും നാ​ട്ടു​കാ​രോ​ടൊ​പ്പം കൂ​ട്ടു​കാരും പ്രാ​ർ​ഥ​ന​യി​ലാ​യി​രു​ന്നു. എ​ന്നാ​ൽ, പ്ര​ദേ​ശ​ത്തെ ക​ണ്ണീ​ർ​പ്പു​ഴ​യാ​ക്കി അ​ധി​കം ക​ഴി​യും മു​മ്പേ കു​ട്ട​ന്‍റെ വി​യോ​ഗ വാ​ർ​ത്ത​യെ​ത്തി. പി​റ​കെ അ​പ്പു​വി​ന്‍റെ​യും. ഒ​ഴു​ക്കി​ൽ​പെ​ട്ട​തി​ന്‍റെ തൊ​ട്ട​ടു​ത്ത് നി​ന്നാ​ണ് ഇ​രു​വ​രെ​യും ത​പ്പി​യെ​ടു​ത്ത​ത്.

ചു​ഴി​യി​ൽ​പെ​ട്ട് കി​ട​ന്ന അ​പ്പു​വി​നെ അ​ഗ്നി​ര​ക്ഷ സേ​ന​യു​ടെ സ്കൂ​ബ ടീ​മും, കു​ട്ട​നെ നാ​ട്ടു​കാ​രു​മാ​ണ് ക​ണ്ടെ​ടു​ത്ത​ത്. കു​ട്ട​ൻ ക​ര​യോ​ട​ടു​ത്താ​ണ് കി​ട​ന്നി​രു​ന്ന​ത്. ര​ണ്ടു​പേ​രു​ടെ​യും വീ​ടു​ക​ൾ ദേ​ശീ​യ​പാ​ത​ക്ക് വേ​ണ്ടി അ​ക്വ​യ​ർ ചെ​യ്തി​ട്ടി​രി​ക്കു​ക​യാ​ണ്. ഇ​തേ തു​ട​ർ​ന്ന് താ​മ​സം മാ​റി​യ അ​പ്പു ഒ​ഴി​വു​വേ​ള​യി​ൽ കൂ​ട്ടു​കാ​രെ തേ​ടി ഇ​വി​ടെ എ​ത്തു​ക പ​തി​വാ​യി​രു​ന്നു.