കു​ടി​നീർ തേടി നാട്; അ​വ​ഗ​ണി​ച്ച് അ​ധി​കാ​രി​ക​ൾ

കൊ​ടു​ങ്ങ​ല്ലൂ​ർ: ജ​ല അ​തോ​റി​റ്റി മ​തി​ല​കം സെ​ക്ഷ​ൻ പ​രി​ധി​യി​ൽ വ​രു​ന്ന കോ​ത​പ​റ​മ്പി​ൽ മാ​സ​ങ്ങ​ളാ​യി തു​ട​രു​ന്ന കു​ടി​വെ​ള്ളക്ഷാമത്തിന് ഇ​നി​യും പ​രി​ഹാ​ര​മാ​യി​ല്ല.എം.​എ​ൽ.​എ​യോ​ടും ജി​ല്ല ക​ല​ക്ട​റോ​ടും പ​ഞ്ചാ​യ​ത്ത് അ​ധി​കാ​രി​ക​ളോ​ടും ജ​ല അ​തോ​റി​റ്റി​യി​ലു​മെ​ല്ലാം പ​ല​വ​ട്ടം ആ​വ​ലാ​തി​ക​ൾ ബോ​ധി​പ്പി​ച്ചി​ട്ടും പ​രി​ഹാ​രം ഉ​ണ്ടാ​കു​ന്നി​ല്ലെ​ന്ന് സ്ഥ​ല​വാ​സി​ക​ൾ പ​റ​യു​ന്നു. ശ്രീ​നാ​രാ​യ​ണ​പു​രം പ​ഞ്ചാ​യ​ത്ത് 11ാം വാ​ർ​ഡി​ന്റെ ഭാ​ഗ​മാ​യ കോ​ത​പ​റ​മ്പി​ന്റെ കി​ഴ​ക്ക​ൻ ഭാ​ഗ​ത്താ​ണ് മാ​സ​ങ്ങ​ളാ​യി കു​ടി​വെ​ള്ള​മെ​ത്താ​ത്ത​ത്.

നാ​ട്ടി​ക ഫ​ർ​ക്ക ശു​ദ്ധ​ജ​ല പ​ദ്ധ​തി​യു​ടെ പ​രി​ധി​യി​ൽ വ​രു​ന്ന പ്ര​ദേ​ശ​ത്ത് മ​തി​ല​കം സെ​ക്ഷ​നാ​ണ് ഇ​വി​ടേ​ക്ക് ശു​ദ്ധ​ജ​ലം എ​ത്തി​ക്കേ​ണ്ട​ത്. തെ​ക്കേ അ​റ്റ​മാ​യ​തി​നാ​ൽ നേ​ര​ത്തേ വെ​ള്ള​മെ​ത്തി​യി​രു​ന്ന​ത് ആ​ഴ്ച​യി​ൽ ഒ​ന്നോ ര​ണ്ടോ ദി​വ​സ​മാ​ണ്. എ​ന്നാ​ൽ ക​ഴി​ഞ്ഞ ആ​റ് മാ​സ​ത്തി​ല​ധി​ക​മാ​യി ഈ ​ഭാ​ഗ​ത്തേ​ക്ക് തീ​രെ വെ​ള്ള​മെ​ത്തു​ന്നി​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ഇതോ​ടെ ഇ​വി​ട​ത്തു​കാ​രു​ടെ ജീ​വി​ത രീ​തി ത​ന്നെ മാ​റി​യി​രി​ക്കു​ക​യാ​ണ്.

അ​ത്യാ​വ​ശ്യ​ങ്ങ​ൾ​ക്ക് പ​ണം കൊ​ടു​ത്ത് വെ​ള്ളം വാ​ങ്ങേ​ണ്ട അ​വ​സ്ഥ​യാ​ണ്. 2000 ലി​റ്റ​ർ വെ​ള്ള​ത്തി​ന് 700 രൂ​പ കൊ​ടു​ക്ക​ണം. സ്ഥ​ല​വാ​സി​ക​ളി​ൽ എ​ല്ലാ​വ​രും അ​തി​ന് ക​ഴി​വു​ള്ള​വര​ല്ല. ബ​ഹു​ഭൂ​രി​പ​ക്ഷ​വും സാ​ധാ​ര​ണ​ക്കാ​രും നി​ർ​ധ​നരു​മാ​ണ്. തെ​ര​ഞ്ഞെ​ടു​പ്പ് കാ​ല​ത്ത് കു​റ​ച്ചു ദി​വ​സം പ​ഞ്ചാ​യ​ത്ത് ടാ​ങ്ക​റി​ൽ വെ​ള്ള​മെ​ത്തി​ച്ചെ​ങ്കി​ലും പി​ന്നീ​ട് ഉ​ണ്ടാ​യി​ല്ലെ​ന്നും ദു​രി​ത​ബാ​ധി​ത​ർ പ​റ​യു​ന്നു. ഉ​ത്ത​ര​വാ​ദി​ത്ത​പ്പെ​ട്ട​വ​ർ ഇ​നി​യെ​ങ്കി​ലും ത​ങ്ങ​ളോ​ട് ക​നി​വ് കാ​ട്ട​ണ​മെ​ന്നാ​ണ് ഇ​വി​ട​ത്തു​കാ​ർ ആ​വ​ശ്യ​പ്പെ​ടു​ന്ന​ത്.