അയൽവാസിയുടെ കൈ തല്ലിയൊടിച്ചയാൾ അറസ്റ്റിൽ; വസ്തു വിൽക്കുന്നതിന് തടസം നിൽക്കുന്നെന്ന്

കൊടുങ്ങല്ലൂർ: അയൽക്കാരനെ മരവടി കൊണ്ട് അക്രമിച്ച് കൈ തല്ലിയൊടിച്ച കേസിലെ പ്രതി അറസ്റ്റിൽ. മേത്തലപ്പാടം ചിത്തിര വളവ് ചെന്നറ വീട്ടിൽ സുനി (49) ആണ് അറസ്റ്റിലായത്. അയൽവാസിയായ കായ പറമ്പിൽ ഹരിഹരൻെറ മകൻ അജിതൻ ആണ് അക്രമത്തിനിരയായത്.

കഴിഞ്ഞ പത്തിനായിരുന്നു സംഭവം. താൻ വാങ്ങിയ വസ്തുവിൽക്കുന്നതിന് തടസം നിൽക്കുന്നു എന്നാരോപിച്ചാണ് അയൽക്കാരനെ പ്രതി അക്രമിച്ചതെന്ന് പൊലീസ് പറഞ്ഞു.

എസ്.ഐ. കെ.എസ്. സൂരജ് എ.എസ്.ഐമാരായ സിയാദ്, ഉല്ലാസ് സി.പി.ഒമാരായ സുനിൽ കുമാർ, ഉണ്ണികൃഷ്ണൻ, ശരത് ബാബു എന്നിവരടങ്ങുന്ന പൊലീസ് സംഘമാണ് പ്രതിയെ അറസ്റ്റ് ചെയ്തത്.