മുക്കുപണ്ടം പണയപ്പെടുത്തി പണം തട്ടൽ: യുവാവ് അറസ്റ്റിൽ

കൊ​ടു​ങ്ങ​ല്ലൂ​ർ: ച​ന്ത​പ്പു​ര​യി​ലെ മൈ​നാ​കം ജ​ന​റ​ൽ ഫി​നാ​ൻ​സി​ൽ 22.1 ഗ്രാം ​മു​ക്കു​പ​ണ്ടം പ​ണ​യ​പ്പെ​ടു​ത്തി 90,000 രൂ​പ ത​ട്ടി​യെ​ടു​ത്ത കേ​സി​ലെ പ്ര​തി​ക​ളി​ൽ ഒ​രാ​ളെ പൊ​ലീ​സ് അ​റ​സ്റ്റ് ചെ​യ്തു. എ​റ​ണാ​കു​ളം അ​ത്താ​ണി തി​രു​വി​ലാം​കു​ന്നി​ൽ വാ​ട​ക​ക്ക് താ​മ​സി​ക്കു​ന്ന വാ​ടാ​ന​പ്പ​ള്ളി തൃ​ത്ത​ല്ലൂ​ർ രാ​യ​മ​ര​ക്കാ​ർ വീ​ട്ടി​ൽ സ​ജീ​ർ (40) ആ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ അ​ഞ്ചി​നാ​ണ് സം​ഭ​വം. മൈ​നാ​കം ജ​ന​റ​ൽ ഫി​നാ​ൻ​സി​ന്റെ ബ്രാ​ഞ്ച് മാ​നേ​ജ​ർ സ​ന​ലി​ന്റെ പ​രാ​തി​യി​ൽ അ​ന്വേ​ഷ​ണം ന​ട​ത്തി​വ​ര​വെ​യാ​ണ് പ്ര​തി അ​റ​സ്റ്റി​ലാ​യ​ത്. കേ​സി​ലെ മ​റ്റൊ​രു പ്ര​തി ഈ​രാ​റ്റു​പേ​ട്ട കൊ​ട്ടി​യി​ൽ ഫി​റോ​സ് (40) ഒ​ളി​വി​ലാ​ണ്. ഇ​യാ​ൾ കോ​ട്ട​യം ജി​ല്ല​യി​ൽ കാ​പ്പ പ്ര​കാ​രം ന​ട​പ​ടി നേ​രി​ട്ട​യാ​ളാ​ണ്.

അ​റ​സ്റ്റി​ലാ​യ സ​ജീ​ർ ഞാ​റ​ക്ക​ൽ, ക​ട​വ​ന്ത്ര എ​ന്നീ പൊ​ലീ​സ് സ്റ്റേ​ഷ​ൻ പ​രി​ധി​ക​ളി​ൽ സ​മാ​ന രീ​തി​യി​ൽ പ​ണം ത​ട്ടി​യ​താ​യി പൊ​ലീ​സ് പ​റ​ഞ്ഞു. ഇ​ൻ​സ്പെ​ക്ട​ർ ഇ.​ആ​ർ. ബൈ​ജു​വി​ന്റെ നേ​തൃ​ത്വ​ത്തി​ൽ എ​സ്.​ഐ ഹ​രോ​ൾ​ഡ് ജോ​ർ​ജ്, എ​സ്.​ഐ ര​വി​കു​മാ​ർ, സി.​പി.​ഒ​മാ​രാ​യ രാ​ജ​ൻ, പി.​ജി. ഗോ​പ​കു​മാ​ർ, ബി​നു ആ​ന്റ​ണി, ഫൈ​സ​ൽ എ​ന്നി​വ​ർ അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.