ബൈക്കിന് കുറുകെ തെരുവുനായ് ചാടി; പിതാവിനും മകൾക്കും പരിക്ക്

കൊ​ടു​ങ്ങ​ല്ലൂ​ർ: കൊ​ടു​ങ്ങ​ല്ലൂ​രി​ൽ ബൈ​ക്കി​ന് കു​റു​കെ തെ​രു​വു​നാ​യ് ചാ​ടി ബൈ​ക്ക് യാ​ത്രി​ക​രാ​യ പി​താ​വി​നും മ​ക​ൾ​ക്കും പ​രി​ക്കേ​റ്റു. കോ​ടാ​ലി കൊ​രേ​ച്ചാ​ൽ ക​രു​വാ​ൻ പൂ​ന്നി​ലാ​ർ​ക്കാ​വ് വീ​ട്ടി​ൽ സ​ത്യ​ൻ (63), മ​ക​ൾ ജ്യോ​തി​ക (23) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. കൊ​ടു​ങ്ങ​ല്ലൂ​ർ-​തൃ​ശൂ​ർ റോ​ഡി​ൽ പു​ല്ലൂ​റ്റ് നാ​രാ​യ​ണ​മം​ഗ​ല​ത്ത് തി​ങ്ക​ളാ​ഴ്ച രാ​വി​ലെ​യാ​ണ് അ​പ​ക​ടം.

കൊ​ടു​ങ്ങ​ല്ലൂ​ർ ശ്രീ​കു​രും​ബ ഭ​ഗ​വ​തി ക്ഷേ​ത്ര​ത്തി​ലേ​ക്ക് പോ​കു​ക​യാ​യി​രു​ന്നു. ബൈ​ക്കി​ൽ​നി​ന്ന് തെ​റി​ച്ചു​വീ​ണ ഇ​രു​വ​രെ​യും നാ​ട്ടു​കാ​ർ കൊ​ടു​ങ്ങ​ല്ലൂ​ർ താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചു. സാ​ര​മാ​യി പ​രി​ക്കേ​റ്റ സ​ത്യ​നെ പി​ന്നീ​ട് മു​ള​ങ്കു​ന്ന​ത്തു​കാ​വ് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. അ​പ​ക​ട​ത്തി​ൽ തെ​രു​വു​നാ​യ് ച​ത്തു. പു​ല്ലൂ​റ്റ് മേ​ഖ​ല​യി​ൽ തെ​രു​വു​നാ​യ് ശ​ല്യം ഏ​റി​വ​രു​ന്ന​തി​നി​ട​യി​ലാ​ണ് അ​പ​ക​ടം.