17.7 കോടി രൂപ കുടിശ്ശിക; കൊടുങ്ങല്ലൂർ നഗരസഭക്ക് വാട്ടർ അതോറിറ്റി നോട്ടീസ്

കൊ​ടു​ങ്ങ​ല്ലൂ​ർ: 17.7 കോ​ടി രൂ​പ വെ​ള്ള​ക്ക​രം കു​ടി​ശ്ശി​ക അ​ട​ക്കാ​ൻ കൊ​ടു​ങ്ങ​ല്ലൂ​ർ ന​ഗ​ര​സ​ഭ​ക്ക് വാ​ട്ട​ർ അ​തോ​റി​റ്റി​യു​ടെ നോ​ട്ടീ​സ്. വാ​ട്ട​ർ അ​തോ​റി​റ്റി ഇ​രി​ങ്ങാ​ല​ക്കു​ട ഡി​വി​ഷ​നാ​ണ് നോ​ട്ടീ​സ് ന​ൽ​കി​യ​ത്. പ​ലി​ശ ഉ​ൾ​പ്പെ​ടെ ആ​കെ കു​ടി​ശ്ശി​ക 40 കോ​ടി​യി​ലേ​റെ വ​രും. ഇ​ത് വ​ൺ ടൈം ​സെ​റ്റി​ൽ​മെൻറി​ലൂ​ടെ 17.7 കോ​ടി അ​ട​ച്ചാ​ൽ മ​തി. കു​ടി​ശ്ശി​ക അ​ട​ച്ചി​ല്ലെ​ങ്കി​ൽ ജ​പ്തി ന​ട​പ​ടി സ്വീ​ക​രി​ക്കു​മെ​ന്ന് കാ​ണി​ച്ച് വാ​ട്ട​ർ അ​തോ​റി​റ്റി ന​ഗ​ര​സ​ഭ​ക്ക് ക​ത്ത് ന​ൽ​കി​യ​താ​യും അ​റി​യു​ന്നു.

നി​ല​വി​ൽ 729 പൊ​തു ടാ​പ്പു​ക​ളു​ടെ വെ​ള്ള​ക്ക​ര​മാ​ണ് ന​ഗ​ര​സ​ഭ അ​ട​ക്കു​ന്ന​ത്. ഒ​രു ടാ​പ്പി​ന് 21,839 രൂ​പ നി​ര​ക്കി​ൽ 13,26,719 രൂ​പ​യാ​ണ് പ്ര​തി​മാ​സം ന​ൽ​കേ​ണ്ട​ത്. ഈ ​വ​ർ​ഷം ഏ​പ്രി​ൽ, മേ​യ്, ജൂ​ൺ മാ​സ​ങ്ങ​ളി​ലെ വെ​ള്ള​ക്ക​രം ഇ​ന​ത്തി​ൽ 39,80,157 രൂ​പ ന​ഗ​ര​സ​ഭ അ​ട​ച്ചി​ട്ടു​ണ്ട്. ജൂ​ലൈ മു​ത​ൽ സെ​പ്റ്റം​ബ​ർ വ​രെ മാ​സ​ങ്ങ​ളി​ലെ ബി​ല്ലും മു​ൻ​കാ​ല കു​ടി​ശ്ശി​ക​യും ചേ​ർ​ത്താ​ണ് കോ​ടി​ക​ളു​ടെ ക​ണ​ക്ക്.

പൊ​തു ടാ​പ്പു​ക​ളു​ടെ എ​ണ്ണം സം​ബ​ന്ധി​ച്ച് ന​ഗ​ര​സ​ഭ​യും വാ​ട്ട​ർ അ​തോ​റി​റ്റി​യും ത​മ്മി​ൽ ത​ർ​ക്ക​മു​ണ്ട്. എ​ന്നാ​ൽ, ഇ​ത് സം​ബ​ന്ധി​ച്ച് സം​യു​ക്ത പ​രി​ശോ​ധ​ന ന​ട​ത്തി തീ​ർ​പ്പാ​ക്ക​ണ​മെ​ന്ന് വാ​ട്ട​ർ അ​തോ​റി​റ്റി അ​ധി​കൃ​ത​രു​ടെ ആ​വ​ശ്യം ഇ​നി​യും ന​ട​പ്പാ​യി​ട്ടി​ല്ല. വാ​ട്ട​ർ അ​തോ​റി​റ്റി​യു​ടെ കൊ​ടു​ങ്ങ​ല്ലു​ർ സെ​ക്ഷ​നി​ൽ​നി​ന്നാ​ണ് ന​ഗ​ര​സ​ഭ മേ​ഖ​ല​യി​ൽ കു​ടി​വെ​ള്ള വി​ത​ര​ണം ന​ട​ത്തു​ന്ന​ത്.