ഇഞ്ചക്കുണ്ടില്‍ വീണ്ടും കാട്ടാനയിറങ്ങി; തെങ്ങും വാഴകളും നശിപ്പിച്ചു

കൊ​ട​ക​ര: ഇ​ഞ്ച​ക്കു​ണ്ട് പ്ര​ദേ​ശ​ത്ത് വീ​ണ്ടും കാ​ട്ടാ​ന​ക്കൂ​ട്ട​മി​റ​ങ്ങി, കാ​ർ​ഷി​ക വി​ള​ക​ള്‍ ന​ശി​പ്പി​ച്ചു. വ​ര​ന്ത​ര​പ്പി​ള്ളി, മ​റ്റ​ത്തൂ​ര്‍ പ​ഞ്ചാ​യ​ത്ത്​ അ​തി​ര്‍ത്തി​യി​ലു​ള്ള ഇ​ഞ്ച​ക്കു​ണ്ട് മൈ​താ​നം പ​രി​സ​ര​ത്ത്​ ക​ഴി​ഞ്ഞ രാ​ത്രി​യാ​ണ്​ സം​ഭ​വം. പാ​ട്ടു​ക​ര മു​ഹ​മ്മ​ദ് ഷെ​റീ​ഫി​ന്‍റെ വീ​ട്ടു​മു​റ്റ​ത്തു​ള്ള നാ​ലു തെ​ങ്ങി​ന്‍ തൈ​ക്ക​ളും വാ​ഴ​ക​ളും ആ​ന​ക​ൾ ന​ശി​പ്പി​ച്ചു.

പു​ല​ർ​ച്ച മൂ​ന്നോ​ടെ​യാ​ണ് ആ​ന​ക​ള്‍ എ​ത്തി​യ​തെ​ന്ന് വീ​ട്ടു​കാ​ര്‍ പ​റ​ഞ്ഞു. സ​മീ​പ​ത്തെ തേ​ക്കു​തോ​ട്ട​ത്തി​ല്‍ നി​ന്നി​റ​ങ്ങി റോ​ഡ്​ മു​റി​ച്ചു ക​ട​ന്നാ​ണ് ഇ​വ ജ​ന​വാ​സ​പ്ര​ദേ​ശ​ത്തേ​ക്ക് എ​ത്തു​ന്ന​തെ​ന്ന് പ്ര​ദേ​ശ​വാ​സി​യാ​യ ക​ര്‍ഷ​ക​ന്‍ ജോ​ണി പ​റ​ഞ്ഞു. പ​തി​വാ​യി കാ​ട്ടാ​ന ശ​ല്യം അ​നു​ഭ​വ​പ്പെ​ടു​ന്ന പ്ര​ദേ​ശ​മാ​ണി​ത്.

ഇ​ഞ്ച​ക്കു​ണ്ട്, പ​രു​ന്തു​പാ​റ പ്ര​ദേ​ശ​ങ്ങ​ളി​ലെ തേ​ക്കു​തോ​ട്ട​ത്തി​ലും ഹാ​രി​സ​ണ്‍ മ​ല​യാ​ളം പ്ലാ​ന്‍റേ​ഷ​നി​ലു​മാ​യി മു​പ്പ​തോ​ളം ആ​ന​ക​ള്‍ ത​മ്പ​ടി​ച്ചി​ട്ടു​ള്ള​താ​യും നാ​ട്ടു​കാ​ര്‍ പ​റ​യു​ന്നു. ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​യി മാ​റി​യ കാ​ട്ടാ​ന​ക​ളെ നി​യ​ന്ത്രി​ക്കാ​ന്‍ അ​ധി​കൃ​ത​ർ ഫ​ല​പ്ര​ദ​മാ​യ ന​ട​പ​ടി കൈ​ക്കൊ​ള്ളു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.