ദുരന്തത്തിന്​ ആറാണ്ട്​; ഓര്‍മയില്‍ ഉലഞ്ഞ് ആനപ്പാന്തം ആദിവാസി കോളനി

കൊ​ട​ക​ര: ആ​ന​പ്പാ​ന്തം ആ​ദി​വാ​സി കോ​ള​നി​യി​ലെ കാ​ട​ര്‍ കു​ടും​ബ​ങ്ങ​ള്‍ക്ക് ജൂ​ലൈ 14 എ​ന്നും ക​ണ്ണീ​രോ​ര്‍മ​യാ​ണ്. 2005 ജൂ​ലൈ 14ന് ​അ​ര്‍ധ​രാ​ത്രി​യി​ലാ​ണ് കൊ​ടും​കാ​ടി​ന്​ ന​ടു​വി​ലെ കോ​ള​നി​യെ ഉ​രു​ള്‍പൊ​ട്ട​ല്‍ ദു​ര​ന്തം വേ​ട്ട​യാ​ടി​യ​ത്. വ​ന​ത്തി​നു​ള്ളി​ല്‍നി​ന്ന് കു​ത്തി​യൊ​ലി​ച്ചെ​ത്തി​യ മ​ണ്ണും വെ​ള്ള​വും ര​ണ്ട് ജീ​വ​നു​ക​ളാ​ണ് അ​ന്ന് ക​വ​ര്‍ന്നെ​ടു​ത്ത​ത്. ഈ ​ദു​ര​ന്ത​ത്തി​നു ശേ​ഷ​മാ​ണ് കാ​ടി​നു​ള്ളി​ലെ ഇ​വ​രു​ടെ ദു​രി​ത​ജീ​വി​ത​ത്തി​ലേ​ക്ക് അ​ധി​കാ​രി​ക​ളു​ടെ ക​ണ്ണു തി​രി​ഞ്ഞ​ത്.

കാ​ട​ര്‍ വി​ഭാ​ഗ​ക്കാ​രാ​യ 56 കു​ടും​ബ​ങ്ങ​ളാ​ണ് വെ​ള്ളി​ക്കു​ള​ങ്ങ​ര​ക്ക് കി​ഴ​ക്ക് 17 കി​ലോ​മീ​റ്റ​ര്‍ അ​ക​ലെ ഉ​ള്‍വ​ന​ത്തി​ലു​ള്ള ആ​ന​പ്പാ​ന്തം കോ​ള​നി​യി​ല്‍ അ​ന്ന് താ​മ​സി​ച്ചി​രു​ന്ന​ത്. കോ​ള​നി​യി​ലെ കു​ടി​ലി​നു​ള്ളി​ല്‍ ഉ​റ​ങ്ങി​ക്കി​ട​ന്ന അ​മ്മ​യും കു​ഞ്ഞു​മാ​ണ് അ​ര്‍ധ​രാ​ത്രി​യി​ലു​ണ്ടാ​യ ദു​ര​ന്ത​ത്തി​ല്‍ മ​ണ്ണി​ന​ടി​യി​ല്‍പെ​ട്ട​ത്.

ക​ണ്ണ​മ​ണി​യു​ടെ ഭാ​ര്യ 36 വ​യ​സ്സു​ള്ള ശാ​ര​ദ​യും ഇ​വ​രു​ടെ ഒ​ന്ന​ര വ​യ​സ്സു​ള്ള മ​ക​ള്‍ക്കു​മാ​ണ് ആ ​ദു​ര​ന്ത​ത്തി​ല്‍ ജീ​വ​ന്‍ ന​ഷ്​​ട​പ്പെ​ട്ട​ത്. ഏ​താ​നും വീ​ടു​ക​ളും ത​ക​ര്‍ന്നു. ഉ​രു​ള്‍പൊ​ട്ട​ലി​നെ തു​ട​ര്‍ന്ന് സു​ര​ക്ഷി​ത​മാ​യ താ​മ​സ​ത്തി​ന് പ​റ്റി​യ ഇ​ട​മ​ല്ല കോ​ള​നി സ്ഥി​തി ചെ​യ്യു​ന്ന ആ​ന​പ്പാ​ന്തം പ്ര​ദേ​ശ​മെ​ന്ന് വി​ദ​ഗ്ധ​ര്‍ ചൂ​ണ്ടി​ക്കാ​ട്ടി​യി​രു​ന്നു. ഇ​തേ തു​ട​ര്‍ന്ന് കോ​ള​നി​യി​ലെ ആ​ദി​വാ​സി കു​ടും​ബ​ങ്ങ​ളെ മ​റ്റൊ​രി​ട​ത്ത് പു​ന​ര​ധി​വ​സി​പ്പി​ക്കാ​ന്‍ സ​ര്‍ക്കാ​ര്‍ തീ​രു​മാ​നി​ച്ചെ​ങ്കി​ലും ഇ​തി​ന​നു​യോ​ജ്യ​മാ​യ സ്ഥ​ലം ക​ണ്ടെ​ത്താ​നു​ള്ള ന​ട​പ​ടി​ക​ള്‍ അ​നി​ശ്ചി​ത​മാ​യി വൈ​കി.

കോ​ട​ശേ​രി പ​ഞ്ചാ​യ​ത്തി​ല്‍പെ​ട്ട മാ​രാ​ങ്കോ​ട് ക​ശു​മാ​വ് തോ​ട്ട​ത്തി​നോ​ടു​ചേ​ര്‍ന്നു​ള്ള വ​ന​ഭൂ​മി​യി​ല്‍ പു​ന​ര​ധി​വ​സി​പ്പി​ക്കാ​നാ​യി അ​ന്ന​ത്തെ സ​ര്‍ക്ക​ര്‍ പ​ദ്ധ​തി ത​യാ​റാ​ക്കി​യെ​ങ്കി​ലും എ​തി​ര്‍പ്പി​നെ തു​ട​ര്‍ന്ന് ന​ട​പ്പാ​യി​ല്ല.

ദു​രി​താ​ശ്വാ​സ ക്യാ​മ്പി​ല്‍ നി​ന്ന് കാ​ട്ടി​ലേ​ക്ക് മ​ട​ങ്ങി​യ ആ​ദി​വാ​സി കു​ടും​ബ​ങ്ങ​ള്‍ ആ​ന​പ്പാ​ന്ത​ത്തി​നു സ​മീ​പ​ത്തെ ചേ​റ​ങ്ക​യം വ​ന​ത്തി​ല്‍ കു​ടി​ലു​ക​ള്‍ കെ​ട്ടി താ​മ​സം തു​ട​ങ്ങി. സു​ര​ക്ഷി​ത​മാ​യ സ്ഥ​ലം ക​ണ്ടെ​ത്തി ഇ​വ​രെ പു​ന​ര​ധി​വ​സി​പ്പി​ക്കാ​നു​ള്ള ന​ട​പ​ടി​ക​ള്‍ നീ​ണ്ടു​പോ​യ​പ്പോ​ള്‍ ആ​ദി​വാ​സി സം​ര​ക്ഷ​ണ സ​മി​തി അ​ഡ്വ. എ.​എ​ക്‌​സ്. വ​ര്‍ഗീ​സ് മു​ഖേ​ന ഹൈ​കോ​ട​തി​യെ സ​മീ​പി​ച്ചു. ആ​ദി​വാ​സി​ക​ളു​ടെ ജീ​വി​ത സാ​ഹ​ച​ര്യ​ത്തെ കു​റി​ച്ചു​ള്ള സ​മ​ഗ്ര​മാ​യ റി​പ്പോ​ര്‍ട്ട് സ​മ​ര്‍പ്പി​ക്കാ​ന്‍ ഹൈ​കോ​ട​തി അ​ന്ന​ത്തെ ജി​ല്ല ജ​ഡ്ജി ക​മാ​ൽ പാ​ഷ​യോ​ട് നി​ർ​ദേ​ശി​ച്ചു. ക​മാ​ൽ പാ​ഷ മൂ​ന്നു ത​വ​ണ​യാ​യി ചേ​റ​ങ്ക​യം വ​ന​ത്തി​ലെ​ത്തി വി​ശ​ദ​മാ​യ റി​പ്പോ​ര്‍ട്ട് കോ​ട​തി​ക്ക് ന​ല്‍കി. എം.​എ​ല്‍.​എ ആ​യി​രു​ന്ന പ്രൊ​ഫ. സി. ​ര​വീ​ന്ദ്ര​നാ​ഥ​െൻറ ഇ​ട​പെ​ട​ലും ആ​ദി​വാ​സി കു​ടും​ബ​ങ്ങ​ളു​ടെ പു​ന​ര​ധി​വാ​സ​ത്തി​ന് വ​ഴി​യൊ​രു​ക്കി.

ചേ​റ​ങ്ക​യം വ​ന​ത്തി​ലെ താ​ല്‍ക്കാ​ലി​ക കു​ടി​ലു​ക​ളി​ല്‍ അ​ഞ്ചു വ​ര്‍ഷ​ത്തോ​ളം ക​ഴി​ഞ്ഞ ആ​ദി​വാ​സി കു​ടും​ബ​ങ്ങ​ളെ ഒ​ടു​വി​ല്‍ ശാ​സ്താം​പൂ​വ്വം വ​ന​പ്ര​ദേ​ശ​ത്ത് വീ​ടും ഭൂ​മി​യും ന​ല്‍കി പു​ന​ര​ധി​വ​സി​പ്പി​ക്കാ​ന്‍ സ​ര്‍ക്കാ​ര്‍ ന​ട​പ​ടി​യെ​ടു​ത്തു. കേ​ര​ള​ത്തി​ലെ മി​ക​ച്ച ജീ​വി​ത​സാ​ഹ​ച​ര്യ​മു​ള്ള അ​പൂ​ർ​വം ആ​ദി​വാ​സി കേ​ന്ദ്ര​ങ്ങ​ളി​ലൊ​ന്നാ​ണ് ഇ​ന്ന് ആ​ന​പ്പാ​ന്തം കോ​ള​നി.