സ്വാ​ത​ന്ത്ര്യ സ​മ​ര സേ​നാ​നി​ക്കു​ള്ള പെ​ന്‍ഷ​ന്‍ മോ​ഹം ബാ​ക്കി​വെ​ച്ച് പാ​പ്പു യാ​ത്ര​യാ​യി

കൊ​ട​ക​ര: സ്വാ​ത​ന്ത്യ സ​മ​ര സേ​നാ​നി​ക്കു​ള്ള പെ​ന്‍ഷ​ന്‍ അ​നു​വ​ദി​ച്ചു കി​ട്ടാ​ൻ വ​ര്‍ഷ​ങ്ങ​ളോ​ളം സ​ര്‍ക്കാ​ര്‍ ഓ​ഫി​സു​ക​ള്‍ ക​യ​റി​യി​റ​ങ്ങി നി​രാ​ശ​നാ​യ കൊ​ട​ക​ര കാ​വും​ത​റ മു​ള​യം​കു​ട​ത്ത് പാ​പ്പു (95) ഒ​ടു​വി​ല്‍ പെ​ന്‍ഷ​ന്‍ കി​ട്ടാ​തെ യാ​ത്ര​യാ​യി. ശ​നി​യാ​ഴ്ച വൈ​കീ​ട്ട് വീ​ട്ടി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തു​ക​യാ​യി​രു​ന്നു. മൃ​ത​ദേ​ഹ​ത്തി​ന് മൂ​ന്നു​ദി​വ​സ​ത്തെ പ​ഴ​ക്കം ക​ണ​ക്കാ​ക്കു​ന്നു. കാ​വും​ത​റ​യി​ലെ വീ​ട്ടി​ല്‍ ഇ​ദ്ദേ​ഹം ഒ​റ്റ​ക്കാ​ണ് ക​ഴി​ഞ്ഞി​രു​ന്ന​ത്. 1942ല്‍ ​ക്വി​റ്റ് ഇ​ന്ത്യ സ​മ​ര​ത്തി​ല്‍ പ​ങ്കെ​ടു​ത്ത് 33 ദി​വ​സം ഇ​രി​ങ്ങാ​ല​ക്കു​ട സ​ബ്ജ​യി​ലി​ല്‍ ക​ഴി​ഞ്ഞ​താ​യി പാ​പ്പു പ​റ​ഞ്ഞി​രു​ന്നെ​ങ്കി​ലും ഇ​ത് തെ​ളി​യി​ക്കു​ന്ന​തി​നു​ള്ള രേ​ഖ​ക​ള്‍ ഇ​ല്ലാ​തി​രു​ന്ന​തി​നാ​ലാ​ണ്​ പെ​ന്‍ഷ​ന്‍ അ​നു​വ​ദി​ക്ക​പ്പെ​ടാ​തി​രു​ന്ന​ത്.

കോ​ണ്‍ഗ്ര​സി​ല്‍ സ​ജീ​വ​മാ​യി​രു​ന്ന പാ​പ്പു കെ.​പി.​സി.​സി അം​ഗം, ഹ​രി​ജ​ന്‍ ലീ​ഗ് സം​സ്ഥാ​ന പ്ര​സി​ഡ​ൻ​റ്​ എ​ന്നീ നി​ല​ക​ളി​ല്‍ പ്ര​വ​ര്‍ത്തി​ച്ചി​ട്ടു​ണ്ട്. പൊ​തു​മ​രാ​മ​ത്ത്​ വ​കു​പ്പി​ല്‍ പാ​ര്‍ട്ട്‌​ടൈം സ്വീ​പ്പ​റാ​യി​രു​ന്നു. വാ​സ​യോ​ഗ്യ​മ​ല്ലാ​ത്ത വീ​ട്ടി​ല്‍ ഒ​റ്റ​ക്ക് ക​ഴി​ഞ്ഞി​രു​ന്ന പാ​പ്പു​വി​െൻറ ദു​ര​വ​സ്ഥ​യ​റി​ഞ്ഞ് ക​ഴി​ഞ്ഞ​വ​ര്‍ഷം ജി​ല്ല ക​ല​ക്ട​ര്‍ എ​സ്. ഷാ​ന​വാ​സ് എ​ത്തു​ക​യും വാ​സ​യോ​ഗ്യ​മാ​ക്കാ​നു​ള്ള ന​ട​പ​ടി സ്വീ​ക​രി​ക്കു​ക​യും ചെ​യ്​​തി​രു​ന്നു. മു​ന്‍ ക​ല​ക്ട​ര്‍മാ​രാ​യ ടി.​വി. അ​നു​പ​മ, കൗ​ശി​ക​ന്‍ എ​ന്നി​വ​രും ഇ​ദ്ദേ​ഹ​ത്തി​െൻറ വീ​ട് സ​ന്ദ​ര്‍ശി​ച്ചി​ട്ടു​ണ്ട്. ക​ഴി​ഞ്ഞ ഉ​ത്രാ​ട നാ​ളി​ല്‍ ക​ല​ക്ട​റെ​ത്തി പാ​പ്പു​വി​ന് ഓ​ണ​പ്പു​ട​വ​യും സ​മ്മാ​നി​ച്ചി​രു​ന്നു.