അ​ഞ്ചാം ക്ലാ​സു​കാ​ര​ന് വീ​ടൊ​രു​ക്കാ​ന്‍ സു​മ​ന​സ്സു​ക​ള്‍ കൈ​കോ​ര്‍ക്കു​ന്നു

കൊ​ട​ക​ര: വാ​സ​യോ​ഗ്യ​മാ​യ വീ​ടി​ല്ലാ​തെ വി​ഷ​മി​ക്കു​ന്ന വി​ദ്യാ​ര്‍ഥി​ക്ക് അ​ട​ച്ചു​റ​പ്പു​ള്ള വീ​ട് നി​ര്‍മി​ച്ചു​ന​ല്‍കാ​ൻ പ്ര​ധാ​നാ​ധ്യാ​പി​ക​യു​ടെ നേ​തൃ​ത്വ​ത്തി​ല്‍ സു​മ​ന​സ്സു​ക​ള്‍ കൈ​കോ​ര്‍ക്കു​ന്നു.

കൊ​ട​ക​ര മ​ന​ക്കു​ള​ങ്ങ​ര കൃ​ഷ്ണ​വി​ലാ​സ് യു.​പി സ്കൂ​ളി​ലെ അ​ഞ്ചാം ക്ലാ​സു​കാ​ര​നാ​യ വി​ദ്യാ​ര്‍ഥി​ക്കാ​ണ് വീ​ടൊ​രു​ങ്ങു​ന്ന​ത്. അ​ങ്ങേ​യ​റ്റം ശോ​ച്യാ​വ​സ്ഥ​യി​ലു​ള്ള കൊ​ച്ചു​കു​ടി​ലി​ലാ​ണ് ഇ​പ്പോ​ള്‍ വി​ദ്യാ​ർ​ഥി​യു​ടെ കു​ടും​ബം ക​ഴി​യു​ന്ന​ത്. ഷീ​റ്റു മേ​ഞ്ഞ മേ​ല്‍ക്കൂ​ര​യു​ള്ള വീ​ട്ടി​ല്‍ ശു​ചി​മു​റി ഇ​ല്ലാ​ത്ത​ത് കു​ടും​ബ​ത്തെ അ​ല​ട്ടു​ന്നു.

ഹൃ​ദ്രോ​ഗി​യാ​യ പി​താ​വ് ലോ​ട്ട​റി വി​ൽ​പ​ന ന​ട​ത്തി കി​ട്ടു​ന്ന തുഛ ​വ​രു​മാ​ന​മാ​ണ് കു​ടും​ബ​ത്തി​ന്റെ ആ​ശ്ര​യം. ദു​ര​വ​സ്ഥ മ​ന​സി​ലാ​ക്കി​യ മ​ന​ക്കു​ള​ങ്ങ​ര കൃ​ഷ്ണ​വി​ലാ​സം സ്കൂ​ൾ പ്ര​ധാ​നാ​ധ്യാ​പി​ക പി.​എ​സ്. സീ​മ മു​ന്‍കൈ​യെ​ടു​ത്താ​ണ് മ​ഴ​ക്കാ​ല​ത്തി​നു മു​മ്പേ അ​ട​ച്ചു​റ​പ്പു​ള്ള വീ​ട് നി​ര്‍മി​ച്ചു​ന​ല്‍കാ​ൻ പ​രി​ശ്ര​മം തു​ട​ങ്ങി​വെ​ച്ച​ത്. ശു​ചി​മു​റി​യ​ട​ക്കം 400 ച​തു​ര​ശ്ര അ​ടി വി​സ്തൃ​തി​യു​ള്ള കൊ​ച്ചു​വീ​ടാ​ണ് പ​ണി​യാ​നൊ​രു​ങ്ങു​ന്ന​ത്.

ഇ​തി​നാ​വ​ശ്യ​മാ​യ തു​ക സു​മ​ന​സ്സു​ക​ളി​ല്‍നി​ന്ന് സ​മാ​ഹ​രി​ക്കാ​നു​ള്ള തീ​വ്ര​ശ്ര​മ​ത്തി​ലാ​ണ് സീ​മ ടീ​ച്ച​റു​ടെ നേ​തൃ​ത്വ​ത്തി​ലു​ള്ള ഒ​രു കൂ​ട്ടം ആ​ളു​ക​ൾ. സാ​മ്പ​ത്തി​ക​മാ​യോ സാ​ധ​ന​സാ​മ​ഗ്രി​ക​ള്‍ ന​ല്‍കി​യോ പ​ങ്കാ​ളി​ക​ളാ​ന്‍ ആ​ഗ്ര​ഹി​ക്കു​ന്ന​വ​ർ 9895787999 ന​മ്പ​റി​ല്‍ ബ​ന്ധ​പ്പെ​ട​ണ​മെ​ന്ന് പി.​എ​സ്. സീ​മ അ​ഭ്യ​ർ​ഥി​ച്ചു.