എല്ലാവര്‍ക്കും കുടിവെള്ളവും പാര്‍പ്പിടവും ഉറപ്പാക്കും -മന്ത്രി ആര്‍. ബിന്ദു
text_fields
ജല്‍ ജീവന്‍ മിഷന്റെ ഭാഗമായി നടപ്പാക്കുന്ന കൊടകര ശുദ്ധജല വിതരണ പദ്ധതിയുടെ നിര്‍മാണോദ്ഘാടനം ആളൂരില്‍ മന്ത്രി ആര്‍. ബിന്ദു നിര്‍വഹിക്കുന്നു
കൊടകര: എല്ലാവര്‍ക്കും കുടിവെള്ളവും പാര്‍പ്പിടവും ഉറപ്പുവരുത്തുന്ന നവകേരള സൃഷ്ടിയാണ് സര്‍ക്കാറിന്റെ ലക്ഷ്യമെന്ന് മന്ത്രി ഡോ. ആര്‍. ബിന്ദു. ജല്‍ ജീവന്‍ മിഷന്റെ ഭാഗമായി നടപ്പാക്കുന്ന കൊടകര ശുദ്ധജല വിതരണ പദ്ധതിയുടെ നിര്‍മാണോദ്ഘാടനം ആളൂരില്‍ നിര്‍വഹിക്കുകയായിരുന്നു മന്ത്രി.
ജില്ല പഞ്ചായത്ത് പ്രസിഡന്റ് പി.കെ. ഡേവിസ് അധ്യക്ഷത വഹിച്ചു. മാള ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസന്‍, ആളൂര്‍ ഗ്രാമപഞ്ചായത്ത് പ്രസിഡന്റ് കെ.ആര്‍. ജോജോ, വൈസ് പ്രസിഡന്റ് രതി സുരേഷ്, പഞ്ചായത്തംഗങ്ങളായ ബിന്ദു ഷാജു, ജോസ് മാഞ്ഞൂരാന്‍, അഡ്വ. എം.എസ്. വിനയന്‍.
ഷൈനി തിലകന്‍, ധിപിന്‍ പാപ്പച്ചന്‍, ബ്ലോക്ക് പഞ്ചായത്തംഗം ജുമൈല സഗീര്‍, കേരള വാട്ടര്‍ അതോറിറ്റി ബോര്‍ഡ് അംഗം ഷാജി പാമ്പൂരി, വാട്ടര്‍ അതോററ്റി അസിസ്റ്റന്റ് എക്‌സിക്യൂട്ടീവ് എൻജിനീയര്‍ കെ.കെ. വാസുദേവന്‍, നാട്ടിക ഡിവിഷന്‍ അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ നീലിമ എന്നിവര്‍ സംസാരിച്ചു.