കരുവന്നൂർ; കേരളപ്പിറവി ദിനത്തിൽ പ്രതിഷേധ നടത്തം പ്രഖ്യാപിച്ച് നിക്ഷേപകൻ

തൃ​ശൂ​ര്‍: ക​രു​വ​ന്നൂ​ർ ബാ​ങ്ക് ത​ട്ടി​പ്പി​നെ​തി​രെ പ്ര​തി​ഷേ​ധ ന​ട​ത്തം പ്ര​ഖ്യാ​പി​ച്ച് നി​ക്ഷേ​പ​ക​ൻ. നേ​ര​ത്തേ തി​രു​വോ​ണ​നാ​ളി​ൽ പ​ട്ടി​ണി​സ​മ​രം ന​ട​ത്തി​യ ഇ​രി​ങ്ങാ​ല​ക്കു​ട മാ​പ്രാ​ണം കു​റു​പ്പം റോ​ഡ് വ​ട​ക്കേ​ത്ത​ല വീ​ട്ടി​ൽ ജോ​ഷി​ത​ന്നെ​യാ​ണ് ഒ​റ്റ​യാ​ൻ പ്ര​തി​ഷേ​ധ സ​മ​രം പ്ര​ഖ്യാ​പി​ച്ച​ത്. ന​വം​ബ​ർ ഒ​ന്നി​ന് ക​രു​വ​ന്നൂ​ർ ബാ​ങ്കി​ന് മു​ന്നി​ല്‍നി​ന്ന് തൃ​ശൂ​ർ ക​ല​ക്ട​റേ​റ്റി​ലേ​ക്കാ​ണ് ഒ​റ്റ​ക്കു​ള്ള ന​ട​ത്തം. ക​രു​വ​ന്നൂ​ർ ബാ​ങ്ക് കൊ​ള്ള വി​ഷ​യം കാ​ല​ങ്ങ​ളാ​യി മൂ​ടി​വെ​ക്കു​ക​യും സ​ഹ​കാ​രി​ക​ളെ ക​ഷ്ട​ത്തി​ലാ​ക്കു​ക​യും ചെ​യ്ത ന​ട​പ​ടി​യി​ൽ പ്ര​തി​ഷേ​ധി​ച്ചാ​ണ് ന​ട​ത്ത​മെ​ന്ന് ജോ​ഷി പ​റ​ഞ്ഞു.

തി​രു​വോ​ണ ദി​വ​സം രാ​വി​ലെ ഏ​ഴു​മു​ത​ൽ വൈ​കീ​ട്ട് ഏ​ഴു​വ​രെ വീ​ടി​ന് മു​ന്നി​ൽ നി​രാ​ഹാ​ര സ​മ​രം ന​ട​ത്തി​യി​രു​ന്നു ജോ​ഷി. വ​ർ​ഷ​ങ്ങ​ൾ​ക്ക് മു​മ്പു​ണ്ടാ​യ വാ​ഹ​നാ​പ​ക​ടം, ഉ​മി​നീ​ർ ഗ്ര​ന്ഥി​യി​ലും വോ​ക്ക​ൽ കോ​ഡി​ലും ട്യൂ​മ​ർ എ​ന്നി​വ​യെ തു​ട​ർ​ന്ന് 21 ത​വ​ണ ശ​സ്ത്ര​ക്രി​യ​ക്ക് വി​ധേ​യ​നാ​യ ജോ​ഷി നി​ക്ഷേ​പ​വും കൂ​ട്ടു​പ​ലി​ശ​യും കോ​ട​തി​ച്ചെ​ല​വും ആ​വ​ശ്യ​പ്പെ​ട്ടാ​ണ് സ​മ​ര​ത്തി​നൊ​രു​ങ്ങു​ന്ന​ത്. ഇ​ന്റേ​ണ​ൽ ഓ​ഡി​റ്റ​റും ടാ​ക്‌​സ് പ്രാ​ക്ടീ​ഷ​ന​റു​മാ​യ ജോ​ഷി​ക്ക് രോ​ഗം​മൂ​ലം ജോ​ലി ചെ​യ്യാ​നു​മാ​കു​ന്നി​ല്ല.

ഒ​ന്ന​ര കൊ​ല്ലം ക​ഴി​ഞ്ഞി​ട്ടും നി​ക്ഷേ​പം കി​ട്ടാ​ത്ത​തി​നാ​ൽ ഹൈ​കോ​ട​തി​യി​ൽ കൊ​ടു​ത്ത കേ​സ് ബാ​ങ്ക് ഉ​റ​പ്പു ന​ൽ​കി​യ​തി​നെ തു​ട​ർ​ന്ന് പി​ൻ​വ​ലി​ച്ചി​രു​ന്നു. ജോ​ഷി​യു​ടെ ഹ​ര​ജി​യെ തു​ട​ർ​ന്നാ​ണ് നി​ക്ഷേ​പ​ത്തി​ന്റെ 10 ശ​ത​മാ​ന​വും പ​ലി​ശ​യു​ടെ പ​കു​തി​യും ആ​വ​ശ്യ​പ്പെ​ടു​ന്ന എ​ല്ലാ നി​ക്ഷേ​പ​ക​ർ​ക്കും കൊ​ടു​ക്കാ​മെ​ന്ന് സ​ർ​ക്കാ​ർ സ​മ്മ​തി​ച്ച​ത്. ക​രു​വ​ന്നൂ​ർ ബാ​ങ്കി​ൽ നി​ക്ഷേ​പ​ക​രെ​ത്തു​ന്നു എ​ന്ന് ഭ​ര​ണ​സ​മി​തി പ​റ​യു​മ്പോ​ഴും ചി​കി​ത്സ​ക്കും ജീ​വി​ത​ച്ചെ​ല​വി​നും പ​ണം കി​ട്ടു​ന്നി​ല്ലെ​ന്ന പ​രാ​തി​ക്കും കു​റ​വി​ല്ല. ഏ​ഴു​ല​ക്ഷം രൂ​പ നി​ക്ഷേ​പ​മു​ണ്ടാ​യി​ട്ടും ചി​കി​ത്സ​ക്കും ജീ​വി​ത​ച്ചെ​ല​വി​നും പ​ണം ന​ൽ​കു​ന്നി​ല്ലെ​ന്ന പ​രാ​തി​യു​മാ​യി നി​ക്ഷേ​പ​ക റ​ജീ​ന സെ​ബാ​സ്റ്റ്യ​നും രം​ഗ​ത്തെ​ത്തി.

അ​തി​നി​ടെ പ്ര​തി​സ​ന്ധി​യി​ലാ​യ ബാ​ങ്കി​ലേ​ക്ക് നി​ക്ഷേ​പ​ങ്ങ​ളെ​ത്തു​ന്ന​ത് നി​ക്ഷേ​പ​ക​ർ​ക്കും അ​ഡ്മി​നി​സ്ട്രേ​റ്റി​വ് ക​മ്മി​റ്റി​ക്കും ആ​ശ്വാ​സ​ക​ര​മാ​ണ്. ക​രു​വ​ന്നൂ​ർ ബാ​ങ്ക് ക​ൺ​സോ​ർ​ട്യ​ത്തി​ലേ​ക്ക് തൃ​ശൂ​ർ സ​ർ​വി​സ് സ​ഹ​ക​ര​ണ ബാ​ങ്ക് 20 ല​ക്ഷം ന​ൽ​കി. കൊ​ടു​ങ്ങ​ല്ലൂ​ര്‍ കേ​ന്ദ്ര​മാ​യി പ്ര​വ​ര്‍ത്തി​ക്കു​ന്ന തൃ​ശൂ​ര്‍ ജി​ല്ല ടൂ​റി​സം വി​ക​സ​ന സ​ഹ​ക​ര​ണ സം​ഘ​വും 20 ല​ക്ഷം ഒ​രു കൊ​ല്ല​ത്തേ​ക്ക് ക​ഴി​ഞ്ഞ ദി​വ​സം നി​ക്ഷേ​പി​ച്ചി​രു​ന്നു.

നേ​ര​ത്തേ ഇ​രി​ങ്ങാ​ല​ക്കു​ട ന​ഗ​ര​സ​ഭ സി.​ഡി.​എ​സ് ചെ​യ​ര്‍പേ​ഴ്സ​ൻ ഷൈ​ല​ജ ബാ​ല​നും ബാ​ങ്കി​ല്‍ സ്ഥി​ര നി​ക്ഷേ​പം ന​ട​ത്തി​യി​രു​ന്നു. എ​ന്നാ​ൽ, കേ​ര​ള ബാ​ങ്കി​ന്റെ സ​ഹാ​യം പൂ​ർ​ണ​മാ​യി ല​ഭി​ച്ചാ​ലേ നി​ക്ഷേ​പ​ക​രു​ടെ തു​ക മു​ഴു​വ​നാ​യും ന​ൽ​കാ​നാ​വൂ എ​ന്നാ​ണ് പ​റ​യു​ന്ന​ത്. അ​തേ​സ​മ​യം, ന​വം​ബ​ർ ഒ​ന്നു​മു​ത​ൽ നി​ക്ഷേ​പ​ക​ർ​ക്ക് കൂ​ടു​ത​ൽ തു​ക ന​ൽ​കു​മെ​ന്നും അ​തി​നു​ള്ള പ​ദ്ധ​തി ത​യാ​റാ​ക്കി​യെ​ന്നും അ​ഡ്മി​നി​സ്ട്രേ​റ്റി​വ് ക​മ്മി​റ്റി ചെ​യ​ർ​മാ​ൻ പി.​കെ. ച​ന്ദ്ര​ശേ​ഖ​ര​ൻ പ​റ​ഞ്ഞു.

തൃശൂർ സഹകരണ ബാങ്കിന് 6.29 കോടിയുടെ അറ്റലാഭം

ഇ​ട​ക്കി​ടെ വ​ര​ണ​മെ​ന്ന് ഇ.​ഡി​ക്ക് എം.​കെ. ക​ണ്ണ​ന്‍റെ പ​രി​ഹാ​സം

തൃ​ശൂ​ർ: ക​രു​വ​ന്നൂ​ർ ബാ​ങ്ക് ത​ട്ടി​പ്പ് കേ​സി​ൽ ആ​രോ​പ​ണ വി​ധേ​യ​രാ​യ തൃ​ശൂ​ർ സ​ർ​വി​സ് സ​ഹ​ക​ര​ണ ബാ​ങ്കി​ന് 2022 -23 സാ​മ്പ​ത്തി​ക വ​ർ​ഷ​ത്തി​ൽ 6.29 കോ​ടി അ​റ്റ​ലാ​ഭ​മെ​ന്ന് ബാ​ങ്ക് പ്ര​സി​ഡ​ന്റ് എം.​കെ. ക​ണ്ണ​ൻ. അം​ഗ​ങ്ങ​ൾ​ക്ക് 25 ശ​ത​മാ​നം ലാ​ഭ​വി​ഹി​തം ന​ൽ​കാ​ൻ പൊ​തു​യോ​ഗ​ത്തി​ൽ ശി​പാ​ർ​ശ ചെ​യ്തെ​ന്നും അ​ദ്ദേ​ഹം പ​റ​ഞ്ഞു. അ​ടു​ത്ത ഞാ​യ​റാ​ഴ്ച ചേ​രു​ന്ന ബാ​ങ്ക് പൊ​തു​യോ​ഗം ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മെ​ടു​ക്കും.

ഇ.​ഡി അ​ന്വേ​ഷ​ണ​ത്തെ എം.​കെ. ക​ണ്ണ​ൻ നി​ശി​ത​മാ​യി വി​മ​ർ​ശി​ച്ചു. ഇ.​ഡി പ​രി​ശോ​ധ​ന​കൊ​ണ്ട് ചി​ല ഒ​റ്റ​പ്പെ​ട്ട നി​ക്ഷേ​പ​ങ്ങ​ൾ പി​ൻ​വ​ലി​ക്ക​പ്പെ​ട്ടു. അ​ങ്ങ​നെ പി​ൻ​വ​ലി​ക്ക​പ്പെ​ട്ട നി​ക്ഷേ​പം വൈ​കാ​തെ തി​രി​ച്ചു​വ​ന്നു. ക​രു​വ​ന്നൂ​ർ ബാ​ങ്കി​ൽ ഇ​പ്പോ​ൾ നി​ക്ഷേ​പ​ക​ർ വ​രി നി​ൽ​ക്കു​ക​യാ​ണ്. ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​മാ​യി ബ​ന്ധ​പ്പെ​ട്ട് തൃ​ശൂ​ർ സ​ഹ​ക​ര​ണ ബാ​ങ്കി​നെ​യും സം​ശ​യ​നി​ഴ​ലി​ൽ നി​ർ​ത്തു​ക​യാ​യി​രു​ന്നു ഇ.​ഡി. കേ​സി​ൽ മു​ഖ്യ പ്ര​തി​സ്ഥാ​ന​ത്തു​ള്ള സ​തീ​ഷ് കു​മാ​റി​ന്റെ പേ​രി​ൽ ഒ​രു ന​യാ​പൈ​സ​യു​ടെ ഇ​ട​പാ​ടും തൃ​ശൂ​ർ സ​ർ​വി​സ് സ​ഹ​ക​ര​ണ ബാ​ങ്കി​ൽ ഇ.​ഡി​ക്ക് ക​ണ്ടെ​ത്താ​നാ​യി​ട്ടി​ല്ല. കോ​ടി​ക​ളു​ടെ ഇ​ട​പാ​ട് ന​ട​ന്നെ​ന്നാ​യി​രു​ന്നു ചി​ല​രു​ടെ ആ​രോ​പ​ണം. അ​ത് തെ​ളി​യി​ക്കാ​ൻ വെ​ല്ലു​വി​ളി​ക്കു​ന്നു​വെ​ന്ന് പ​റ​ഞ്ഞ ക​ണ്ണ​ൻ കു​റ്റ​മ​റ്റ രീ​തി​യി​ൽ ബാ​ങ്ക് മു​ന്നോ​ട്ടു​പോ​കാ​ൻ ഇ​ട​ക്കി​ടെ ഇ.​ഡി വ​ര​ട്ടെ​യെ​ന്നും പ​രി​ഹ​സി​ച്ചു.