ബാങ്ക്​ ഉദ്യോഗസ്ഥയെ സ്​കൂട്ടറിൽനിന്ന്​ വീഴ്​ത്തി മാല പൊട്ടിച്ചു

കയ്പമംഗലം: ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന ബാങ്ക് ഉ​േദ്യാഗസ്ഥയായ യുവതിയെ സ്​കൂട്ടറിൽനിന്ന് തള്ളിവീഴ്ത്തി മാല തട്ടിയെടുത്തു. പെരിഞ്ഞനം സ്വദേശി കാരാപ്പുള്ളി രതീഷി​െൻറ ഭാര്യ രമയുടെ മൂന്ന് പവ​െൻറ മാലയാണ് കവർന്നത്​. ചൊവ്വാഴ്ച രാത്രി എ​ട്ടോടെ വാടാനപ്പള്ളിയിൽനിന്ന് ജോലി കഴിഞ്ഞ് വീട്ടിലേക്ക് വരുന്നതിനിടെ മൂന്നുപീടിക ബീച്ച് റോഡിൽ പാലക്കുഴി ഷാപ്പിനടുത്താണ്​ സംഭവം.

സ്​കൂട്ടറിലെത്തിയ രണ്ടുപേർ പിറകിലൂടെ വന്ന് രമ സഞ്ചരിച്ച സ്​കൂട്ടർ ചവിട്ടി വീഴ്ത്തുകയായിരുന്നു. നിലത്തുവീണ രമയെ സഹായിക്കാനെന്നപ്പോലെ അടുത്തെത്തി മാല പൊട്ടിച്ചെടുത്ത് സ്​കൂട്ടറിൽ രക്ഷപ്പെട്ടു.

രമ അടുത്തുള്ള വീട്ടുകാരെ അറിയിച്ചപ്പോഴേക്കും മോഷ്​ടാക്കൾ രക്ഷപ്പെട്ടു. കയ്​പമംഗലം പൊലീസ് അന്വേഷണമാരംഭിച്ചു. മോഷ്​ടാക്കളുടേതെന്ന് കരുതുന്ന സി.സി.ടി.വി ദൃശ്യം പൊലീസിന് ലഭിച്ചിട്ടുണ്ട്. അന്വേഷണം ഊർജിതമാക്കിയതായി എസ്.ഐ കെ.എസ്. സുബിന്ദ് പറഞ്ഞു.