അനധികൃതമായി പണം പലിശക്ക് കൊടുത്തയാൾ അറസ്​റ്റിൽ

കയ്പമംഗലം: അനധികൃതമായി പണം പലിശക്ക് കൊടുത്തയാളെ കയ്പമംഗലം പൊലീസ് അറസ്​റ്റ്​ ചെയ്തു. എടത്തിരുത്തി ചൂലൂർ സ്വദേശി തണ്ടയാംപറമ്പിൽ ബിജുവിനെയാണ് എസ്.ഐ കെ.എസ്. സുബിന്ദും സംഘവും അറസ്​റ്റ്​ ചെയ്തത്.

ഇയാൾ വീട്ടിൽവെച്ച് ചെക്കും പ്രോമിസറി നോട്ടും മുദ്രപത്രങ്ങളും ഈടായി വാങ്ങി അമിത പലിശക്ക് പണം നൽകിവരുകയായിരുന്നു.

രഹസ്യവിവരത്തെ തുടർന്ന് നടത്തിയ പരിശോധനയിൽ ചെക്കുകളും മുദ്രപത്രങ്ങളും മറ്റു രേഖകളും പൊലീസ് കണ്ടെടുത്തു. പ്രതിയെ കോടതിയിൽ ഹാജരാക്കി. എസ്.ഐമാരായ ജിഷിൽ, പാട്രിക്, സീനിയർ സി.പി.ഒ നജീബ് ബാവ, അനൂപ്, രാഹുൽ രാജ് എന്നിവരും അന്വേഷണസംഘത്തിൽ ഉണ്ടായിരുന്നു.