Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightKaipamangalamchevron_rightനി​ലം​പൊ​ത്താ​റാ​യ...

നി​ലം​പൊ​ത്താ​റാ​യ നി​ല​യി​ൽ മൂ​ന്നു​പീ​ടി​ക​യി​ൽ വ്യാ​പാ​ര സ​മു​ച്ച​യം

text_fields
bookmark_border
നി​ലം​പൊ​ത്താ​റാ​യ നി​ല​യി​ൽ മൂ​ന്നു​പീ​ടി​ക​യി​ൽ വ്യാ​പാ​ര സ​മു​ച്ച​യം
cancel
camera_alt

മൂ​ന്നു​പീ​ടി​ക​യി​ലെ നി​ലം​പൊ​ത്താ​റാ​യ ഇ​രു​നി​ല വ്യ​പാ​ര സ​മു​ച്ച​യ​ത്തി​ലേ​ക്ക് പ്ര​വേ​ശ​നം നി​രോ​ധി​ച്ച​് സ്ഥാപിച്ച ബോർഡ്​

ക​യ്പ​മം​ഗ​ലം: പെ​രി​ഞ്ഞ​നം പ​ഞ്ചാ​യ​ത്തിെൻറ ഉ​ട​മ​സ്ഥ​ത​യി​ലു​ള്ള ഷോ​പ്പി​ങ് കോം​പ്ല​ക്സ് കെ​ട്ടി​ട്ടം അ​പ​ക​ടാ​വ​സ്ഥ​യി​ൽ. ദേ​ശീ​യ​പാ​ത 66ൽ ​മൂ​ന്നു​പീ​ടി​ക സെൻറ​റി​ലു​ള്ള ബ​ഹു​നി​ല കെ​ട്ടി​ട​ത്തിെൻറ മു​ക​ൾ നി​ല​യാ​ണ് കോ​ൺ​ക്രീ​റ്റ് അ​ട​ർ​ന്ന് വീ​ണ് അ​പ​ക​ട ഭീ​ഷ​ണി ഉ​യ​ർ​ത്തു​ന്ന​ത്. കെ​ട്ടി​ടം അ​പ​ക​ടാ​വ​സ്ഥ​യി​ലാ​യ​തി​നെ തു​ട​ർ​ന്ന് മു​ക​ൾ നി​ല​യി​ലെ വ്യാ​പാ​രി​ക​ളെ നേ​ര​ത്തേ ഒ​ഴി​പ്പി​ച്ചി​രു​ന്നു.

താ​ഴ​ത്തെ നി​ല​യി​ലെ വ്യാ​പാ​രി​ക​ളോ​ട് ഒ​ഴി​ഞ്ഞു​പോ​കാ​ൻ പ​ല​ത​വ​ണ പ​ഞ്ചാ​യ​ത്ത്​ അ​ധി​കൃ​ത​ർ ആ​വ​ശ്യ​പ്പെ​ട്ടെ​ങ്കി​ലും ഇ​പ്പോ​ഴും ഒ​മ്പ​ത് വ്യാ​പാ​ര സ്ഥാ​പ​ന​ങ്ങ​ൾ ഈ ​കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്നു​ണ്ട്. അ​തി​നി​ട​യി​ലാ​ണ് ക​ഴി​ഞ്ഞ​യാ​ഴ്ച കെ​ട്ടി​ട​ത്തിെൻറ മേ​ൽ​ക്കൂ​ര​യു​ടെ ഒ​രു​ഭാ​ഗം കൂ​ടി അ​ട​ർ​ന്നു​വീ​ണ​ത്. ആ​ള​പാ​യം ഉ​ണ്ടാ​യി​ല്ലെ​ങ്കി​ലും കെ​ട്ടി​ട​ത്തി​ന് താ​ഴെ പാ​ർ​ക്ക്‌ ചെ​യ്തി​രു​ന്ന വാ​ഹ​ന​ത്തി​ന് കേ​ടു​പാ​ടു​ക​ൾ സം​ഭ​വി​ച്ചി​രു​ന്നു. തു​ട​ർ​ന്ന് പ​ഞ്ചാ​യ​ത്ത്​ അ​ധി​കൃ​ത​ർ സ്ഥ​ല​ത്തെ​ത്തി അ​പ​ക​ടാ​വ​സ്ഥ​യി​ലു​ള്ള കെ​ട്ടി​ട​ത്തി​ലേ​ക്കു​ള്ള പ്ര​വേ​ശ​ന ക​വാ​ടം അ​ട​ക്കു​ക​യും ഈ ​ഭാ​ഗ​ത്തെ തെ​രു​വു​ക​ച്ച​വ​ട​ക്കാ​രെ ഒ​ഴി​പ്പി​ക്കു​ക​യും ചെ​യ്തു.

കൂ​ടു​ത​ൽ അ​പ​ക​ട​ങ്ങ​ൾ ഉ​ണ്ടാ​കു​ന്ന​ത് ഒ​ഴി​വാ​ക്കാ​ൻ കെ​ട്ടി​ട​ത്തി​ലെ മു​ഴു​വ​ൻ വ്യാ​പാ​രി​ക​ളോ​ടും ബു​ധ​നാ​ഴ്ച​ക്ക് മു​മ്പ് മു​റി​ക​ൾ ഒ​ഴി​യാ​ൻ ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് പ​ഞ്ചാ​യ​ത്ത്​ അ​ധി​കൃ​ത​ർ പ​റ​ഞ്ഞു. എ​ന്നാ​ൽ, അ​നു​യോ​ജ്യ​മാ​യ മ​റ്റൊ​രി​ടം ക​ണ്ടെ​ത്താ​നാ​കാ​ത്ത​താ​ണ് കെ​ട്ടി​ടം ഒ​ഴി​ഞ്ഞു​പോ​കാ​ൻ വൈ​കാ​ൻ കാ​ര​ണ​മെ​ന്ന് വ്യാ​പാ​രി​ക​ൾ പ​റ​ഞ്ഞു. ദേ​ശീ​യ​പാ​ത​ക്ക് സ​മീ​പ​മു​ള്ള മ​റ്റു കെ​ട്ടി​ട​ങ്ങ​ളി​ൽ മു​റി​ക​ൾ​ക്ക് ഉ​യ​ർ​ന്ന വാ​ട​ക ഈ​ടാ​ക്കു​ന്ന​താ​ണ് വ്യാ​പാ​രി​ക​ളെ പ്ര​തി​സ​ന്ധി​യി​ലാ​ക്കു​ന്ന​ത്. മാ​ത്ര​മ​ല്ല, മ​റ്റൊ​രു സ്ഥ​ലം ല​ഭി​ക്കു​ന്ന​ത് വ​രെ സാ​ധ​ന​ങ്ങ​ൾ മു​ഴു​വ​ൻ ഇ​നി എ​വി​ടേ​ക്ക് മാ​റ്റു​മെ​ന്ന ആ​ശ​ങ്ക​യും വ്യാ​പാ​രി​ക​ൾ​ക്കു​ണ്ട്.

അ​തേ​സ​മ​യം, സം​സ്ഥാ​ന ബ​ജ​റ്റി​ൽ മൂ​ന്നു​പീ​ടി​ക​യി​ലെ ആ​ധു​നി​ക ഷോ​പ്പി​ങ് കോം​പ്ല​ക്സ് നി​ർ​മാ​ണ​ത്തി​ന് പ​ഞ്ചാ​യ​ത്തി​ന് ഏ​ഴു​കോ​ടി രൂ​പ വ​ക​യി​രു​ത്തി​യി​ട്ടു​ണ്ട്. തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​നി​ൽ​ക്കു​ന്ന​തി​നാ​ൽ, അ​ത്​ ക​ഴി​ഞ്ഞ ശേ​ഷം നി​ല​വി​ലു​ള്ള കെ​ട്ടി​ടം പൂ​ർ​ണ​മാ​യി പൊ​ളി​ച്ച് ആ​ധു​നി​ക രീ​തി​യി​ലു​ള്ള പു​തി​യ ഷോ​പ്പി​ങ് കോം​പ്ല​ക്സ് കെ​ട്ടി​ടം പ​ണി​യു​മെ​ന്നും നി​ല​വി​ലു​ള്ള വ്യാ​പാ​രി​ക​ളെ നി​യ​മാ​നു​സൃ​ത​മാ​യ എ​ല്ലാ ഇ​ള​വു​ക​ളോ​ടെ​യും പു​ന​ര​ധി​വ​സി​പ്പി​ക്കു​മെ​ന്നും പ​ഞ്ചാ​യ​ത്ത്​ അ​ധി​കൃ​ത​ർ പ​റ​ഞ്ഞു.

Show Full Article
TAGS:moonnupeedika 
News Summary - kaypamangalam building
Next Story