വെ​ള്ള​ക്കെ​ട്ടി​ന് പ​രി​ഹാ​ര​മാ​യി​ല്ല; ക​യ്‌​പ​മം​ഗ​ലം പഞ്ചാ​യ​ത്ത് അം​ഗ​ങ്ങ​ൾ ദേ​ശീ​യ​പാ​ത നി​ർ​മാ​ണം ത​ട​ഞ്ഞു

ക​യ്പ​മം​ഗ​ലം: വെ​ള്ള​ക്കെ​ട്ട് ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ച്ചി​ല്ലെ​ന്ന് ആ​രോ​പി​ച്ച് ക​യ്‌​പ​മം​ഗ​ലം ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ൾ ദേ​ശീ​യ​പാ​ത​യി​ലെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത​ട​ഞ്ഞു. ദേ​ശീ​യ​പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട പ്രവൃത്തി പ്ര​ദേ​ശ​ത്ത് വെ​ള്ള​ക്കെ​ട്ട് ഉ​ണ്ടാ​ക്കു​ന്നു​വെ​ന്നും പ​രി​ഹ​രി​ക്കാ​ൻ ന​ട​പ​ടി സ്വീ​ക​രി​ച്ചി​ല്ലെ​ന്നും ആ​രോ​പി​ച്ചാ​ണ് പ​ഞ്ചാ​യ​ത്ത് അംഗ​ങ്ങ​ൾ വ​ഴി​യ​മ്പ​ല​ത്ത് നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത​ട​ഞ്ഞ​ത്.

ബു​ധ​നാ​ഴ്ച രാ​വി​ലെ 11ഓ​ടെ​യാ​ണ് സം​ഭ​വം. കാ​ല​വ​ർ​ഷം ക​ന​ത്താ​ൽ രൂ​ക്ഷ​മാ​യ വെ​ള്ള​ക്കെ​ട്ട് ഉ​ണ്ടാ​കു​മെ​ന്നും അ​ട​ഞ്ഞു​പോ​യ കാ​ന​ക​ൾ തു​റ​ക്ക​ണ​മെ​ന്നും എം.​പി, എം.​എ​ൽ.​എ ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ൾ ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഇ​ത് പ്രാ​വ​ർ​ത്തി​ക​മാ​ക്കാ​ൻ നി​ർ​മാ​ണ ക​മ്പ​നി വൈ​കി​ച്ച​താ​ണ് സ​മ​ര​ത്തി​ന് ഇ​ട​യാ​ക്കി​യ​തെ​ന്ന് പ​ഞ്ചാ​യ​ത്ത് അം​ഗ​ങ്ങ​ൾ പ​റ​ഞ്ഞു.

അംഗ​ങ്ങ​ളാ​യ സി.​ജെ. പോ​ൾ​സ​ൺ, യു.​വൈ. ഷെ​മീ​ർ, വി.​ബി. ഷെ​ഫീ​ക്ക്, പി.​എ. ഷാ​ജ​ഹാ​ൻ, പി.​എ. ഇ​സ്‌​ഹാ​ഖ്‌ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സ​മ​രം ന​ട​ത്തി​യ​ത്. തു​ട​ർ​ന്ന് ഉ​ച്ച​യോ​ടെ ദേ​ശീ​യ​പാ​ത നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി മൂ​ടി​പ്പോ​യ കാ​ന​ക​ൾ ജെ.​സി.​ബി കൊ​ണ്ടു​വ​ന്ന് വീ​ണ്ടും തു​റ​ക്കു​ന്ന പ്ര​വൃ​ത്തി ആ​രം​ഭി​ച്ചു.