1,68,000 രൂപയുമായി ശീട്ടുകളി സംഘം പിടിയിൽ

കയ്പമംഗലം: എടത്തിരുത്തി അയിനിച്ചുവട് പരിസരത്ത് പണം വെച്ച് ശീട്ടു കളിച്ച സംഘത്തെ പൊലീസ് പിടികൂടി. അജയകുമാർ എന്നയാളുടെ വീട്ടിൽനിന്നാണ് സംഘം പിടിയിലായത്.

സജി, ഫൈസൽ, ബദറുദ്ദീൻ, അൻവർ, ആൽബിൻ എന്നിവരെയും നടത്തിപ്പുകാരൻ അജയകുമാറിനെയുമാണ് പിടികൂടിയത്. ഇവരിൽനിന്ന് 1,68,000 രൂപയും പിടിച്ചെടുത്തിട്ടുണ്ട്. കൊടുങ്ങല്ലൂർ ഡിവൈ.എസ്.പി സലീഷ് എൻ. ശങ്കറിന്റെ നേതൃത്വത്തിലുള്ള പൊലീസ് സംഘമാണ് റെയ്ഡ് നടത്തിയത്.