ചാ​മ​ക്കാ​ല ശ്രീ​നാ​ഥ് കൊ​ല​​ക്കേ​സ്; പ്ര​തി 20 വ​ർ​ഷ​ത്തി​ന് ശേ​ഷം പി​ടി​യി​ൽ

ക​യ്പ​മം​ഗ​ലം: ചെ​ന്ത്രാ​പ്പി​ന്നി ചാ​മ​ക്കാ​ല ശ്രീ​നാ​ഥ് കൊ​ല​പാ​ത​ക കേ​സി​ലെ പ്ര​തി 20 വ​ർ​ഷ​ത്തി​ന് ശേ​ഷം പി​ടി​യി​ൽ. ചാ​മ​ക്കാ​ല കോ​വി​ൽ തെ​ക്കെ​വ​ള​പ്പി​ൽ ശ്രീ​നാ​ഥി​നെ വെ​ട്ടി​പ്പ​രി​ക്കേ​ൽ​പ്പി​ച്ച് തോ​ട്ടി​ൽ മു​ക്കി​ക്കൊ​ന്ന കേ​സി​ലെ പ്ര​തി​ക​ളി​ലൊ​രാ​ളാ​യ റെ​ജി​യെ​യാ​ണ് കൊ​ടു​ങ്ങ​ല്ലൂ​ർ ഡി​വൈ.​എ​സ്.​പി സ​ലീ​ഷ് എ​ൻ. ശ​ങ്ക​ര​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം കോ​യ​മ്പ​ത്തൂ​രി​ൽ​നി​ന്ന് അ​റ​സ്റ്റ് ചെ​യ്ത​ത്.

2003 ഡി​സം​ബ​ർ 19നാ​ണ് കൊ​ല​പാ​ത​കം ന​ട​ന്ന​ത്. ബൈ​ക്കി​ൽ യാ​ത്ര ചെ​യ്യു​ക​യാ​യി​രു​ന്ന ശ്രീ​നാ​ഥി​നെ ചാ​മ​ക്കാ​ല ഹൈ​സ്കൂ​ളി​ന് സ​മീ​പ​ത്ത് ഷി​ജി​ലി​ന്‍റെ നേ​തൃ​ത്വ​ത്തി​ലു​ള്ള ഗു​ണ്ടാ​സം​ഘം വാ​ളു​കൊ​ണ്ട് വെ​ട്ടി പ​രി​ക്കേ​ൽ​പ്പി​ച്ച ശേ​ഷം സ​മീ​പ​ത്തു​ള്ള തോ​ട്ടി​ലെ വെ​ള്ള​ത്തി​ൽ മു​ക്കി കൊ​ല​പ്പെ​ടു​ത്തു​ക​യാ​യി​രു​ന്നു.

കേ​സി​ലെ ആ​റ് പ്ര​തി​ക​ളെ ഉ​ട​ൻ അ​റ​സ്റ്റ് ചെ​യ്തി​രു​ന്നു. കൊ​ല​യാ​ളി സം​ഘ​ത്തി​ൽ ഉ​ൾ​പ്പെ​ട്ട ബാ​ല​ൻ എ​ന്ന​റി​യ​പ്പെ​ടു​ന്ന റെ​ജി ത​മി​ഴ്നാ​ട്ടി​ലേ​ക്ക് ക​ട​ക്കു​ക​യാ​യി​രു​ന്നു. ത​മി​ഴ്നാ​ടി​ന്‍റെ വി​വി​ധ സ്ഥ​ല​ങ്ങ​ളി​ൽ പ​ല പേ​രു​ക​ളി​ൽ താ​മ​സി​ച്ച്​ വ​രി​ക​യാ​യി​രു​ന്ന പ്ര​തി​യെ രാ​മ​നാ​ഥ​പു​ര​ത്തു​നി​ന്നാ​ണ് പി​ടി​കൂ​ടി​യ​ത്.

അ​ന്വേ​ഷ​ണ​ത്തി​ന്റെ ആ​ദ്യ ഘ​ട്ട​ത്തി​ൽ കോ​യ​മ്പ​ത്തൂ​ർ ഉ​ക്ക​ട​ത്ത് ചാ​യ​ക്ക​ട​യി​ൽ ജോ​ലി ചെ​യ്തി​രു​ന്ന റെ​ജി​യെ പൊ​ലീ​സ് ക​ണ്ടെ​ത്തി​യെ​ങ്കി​ലും പി​ടി​യി​ലാ​കും മു​മ്പ് ഓ​ടി​ര​ക്ഷ​പ്പെ​ട്ടു. പി​ന്നീ​ട് രാ​മ​നാ​ഥ​പു​ര​ത്തെ​ത്തി ഇ​റ​ച്ചി​ക്ക​ട​യി​ൽ ജോ​ലി ചെ​യ്യു​ക​യും ത​മി​ഴ്നാ​ട്ടു​കാ​രി​യെ വി​വാ​ഹം ചെ​യ്ത് വീ​ട്ടു​കാ​രു​മാ​യി യാ​തൊ​രു ബ​ന്ധ​വു​മി​ല്ലാ​തെ ജീ​വി​ച്ചു​വ​രി​ക​യു​മാ​യി​രു​ന്നു.

ഈ​യി​ടെ ഗു​രു​വാ​യൂ​ർ ക്ഷേ​ത്ര​ത്തി​ൽ റെ​ജി എ​ത്തി​യ​താ​യ വി​വ​ര​മാ​ണ് കേ​സ​ന്വേ​ഷ​ണ​ത്തി​ൽ വ​ഴി​ത്തി​രി​വാ​യ​ത്. പ്ര​തി കോ​യ​മ്പ​ത്തൂ​ർ ബ​സി​ൽ ക​യ​റു​ന്ന​താ​യു​ള്ള സി.​സി.​ടി.​വി ദൃ​ശ്യ​ങ്ങ​ളും പൊ​ലീ​സി​ന് ല​ഭി​ച്ചി​രു​ന്നു.

ഇ​റ​ച്ചി വാ​ങ്ങാ​നെ​ന്ന പേ​രി​ൽ ക​ട​യി​ലെ​ത്തി​യ പൊ​ലീ​സ് സം​ഘം ഇ​യാ​ളെ ഇ​റ​ച്ചി​ക്ക​ട വ​ള​ഞ്ഞ് സാ​ഹ​സി​ക​മാ​യി പി​ടി​കൂ​ടു​ക​യാ​യി​രു​ന്നു. തൃ​ശൂ​ർ റൂ​റ​ൽ പൊ​ലീ​സ് മേ​ധാ​വി ഐ​ശ്വ​ര്യ ഡോ​ങ്റെ​യു​ടെ നി​ർ​ദേ​ശ​പ്ര​കാ​രം കൊ​ടു​ങ്ങ​ല്ലൂ​ർ ഡി​വൈ.​എ​സ്.​പി സ​ലീ​ഷ് എ​ൻ. ശ​ങ്ക​റി​ന്റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ പി.​സി. സു​നി​ൽ, സി.​ആ​ർ. പ്ര​ദീ​പ്‌, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ സി.​കെ. ബി​ജു, സി.​പി.​ഒ എ.​ബി. നി​ഷാ​ന്ത് എ​ന്നി​വ​ര​ട​ങ്ങി​യ അ​ന്വേ​ഷ​ണ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.