വ​ഞ്ചി​പ്പു​രയില്‍ വ​ള്ളം മ​റി​ഞ്ഞു; മ​ത്സ്യ​ത്തൊ​ഴി​ലാ​ളി​ക്ക് പ​രി​ക്ക്

ക​യ്പ​മം​ഗ​ലം: വ​ഞ്ചി​പ്പു​ര ബീ​ച്ചി​ല്‍ മ​ത്സ്യ​ബ​ന്ധ​നം ക​ഴി​ഞ്ഞ് മ​ട​ങ്ങി​യ വ​ള്ളം മ​റി​ഞ്ഞ് തൊ​ഴി​ലാ​ളി​ക്ക് പ​രി​ക്ക്. ക​യ്പ​മം​ഗ​ലം സ്വ​ദേ​ശി കോ​ഴി​ശേ​രി ന​കു​ല​നാ​ണ് (50) പ​രി​ക്കേ​റ്റ​ത്. തൃ​ശൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ബു​ധ​നാ​ഴ്ച പു​ല​ർച്ച ര​ണ്ടോ​ടെ​യാ​ണ്​ അ​പ​ക​ടം. മ​ത്സ്യ​ബ​ന്ധ​ന​ത്തി​നു​ശേ​ഷം മീ​നു​മാ​യി ക​ര​യി​ലേ​ക്ക് ക​യ​റു​ക​യാ​യി​രു​ന്ന, കോ​ഴി​പ​റ​മ്പി​ൽ ഗ​ണേ​ശ​ന്റെ ഉ​ട​മ​സ്ഥ​ത​യി​ലു​ള്ള ‘ആ​ദി​പ​രാ​ശ​ക്തി’ ഫൈ​ബ​ര്‍ വ​ള്ള​മാ​ണ് അ​പ​ക​ട​ത്തി​ൽപെട്ട​ത്.

ക​ര​യോ​ട് 50 മീ​റ്റ​ർ അ​ക​ലെ തി​ര​മാ​ല​യി​ല്‍പെ​ട്ട് മ​റി​യു​ക​യാ​യി​രു​ന്നു. ന​കു​ല​നു​ള്‍പ്പെ​ടെ ഏ​ഴ് പേ​രാ​ണ് വ​ള്ള​ത്തി​ലു​ണ്ടാ​യി​രു​ന്ന​ത്. മ​റ്റു​ള്ള​വ​ര്‍ പ​രി​ക്കി​ല്ലാ​തെ ര​ക്ഷ​പ്പെ​ട്ടു. ക​ര​യി​ലു​ണ്ടാ​യി​രു​ന്ന മ​റ്റു മ​ത്സ്യ​ത്തൊ​ഴി​ലാ​ളി​ക​ൾ ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

വ​ള്ളം ദേ​ഹ​ത്തേ​ക്ക് മ​റി​ഞ്ഞാ​ണ് ന​കു​ല​ന് ത​ണ്ടെ​ല്ലി​ന് ഗു​രു​ത​ര​മാ​യി പ​രി​ക്കേ​റ്റ​ത്. വ​ള്ള​ത്തി​ലു​ണ്ടാ​യി​രു​ന്ന മീ​നും വ​ല​യും എ​ന്‍ജി​നും നാ​ശ​ന​ഷ്ട​മു​ണ്ട്. നാ​ല് ല​ക്ഷ​ത്തോ​ളം രൂ​പ​യു​ടെ ന​ഷ്ടം സം​ഭ​വി​ച്ച​താ​യി തൊ​ഴി​ലാ​ളി​ക​ൾ പ​റ​ഞ്ഞു.

വ​ള്ള​ത്തി​നും തൊ​ഴി​ലാ​ളി​ക​ൾ​ക്കും സ​ർ​ക്കാ​ർ അ​ർ​ഹ​മാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്ന് മ​ത്സ്യ​ത്തൊ​ഴി​ലാ​ളി കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി മ​ണി കാ​വു​ങ്ങ​ൾ ആ​വ​ശ്യ​പ്പെ​ട്ടു. ഡി.​സി.​സി ജ​ന​റ​ൽ സെ​ക്ര​ട്ട​റി കെ.​എ​ഫ്. ഡൊ​മി​നി​ക്, സ​ജേ​ഷ് പ​ള്ള​ത്ത്, കെ.​വി. ത​മ്പി, ദാ​സ​ൻ പ​ന​യ്ക്ക​ൽ, കെ.​ആ​ർ. ര​ഘു​നാ​ഥ​ൻ, കെ.​കെ. പ്ര​ഭാ​ക​ര​ൻ എ​ന്നി​വ​രും സ​ന്നി​ഹി​ത​രാ​യി​.