എം.എൽ.​എയുടെ പരിസ്​ഥിതി ദിന ഫോ​ട്ടോ മത്സരത്തിൽ പ​ങ്കെടുത്തത്​ 7000​ കുട്ടികൾ; ഒന്നാമതെത്തിയത്​ മൂന്നാം ക്ലാസുകാരി

എം.എൽ.എയെ ആശ്ചര്യപ്പെടുത്തുന്ന രീതിയിലാണ് കുട്ടികൾ പ്രതികരിച്ചത്. 7000 ത്തോളം ചിത്രങ്ങൾ ഒറ്റ ദിവസം കൊണ്ട് കമന്‍റായി നിറഞ്ഞു! ഏതായാലും വാക്കു പാലിക്കാൻ തന്നെ എം.എൽ.എ തീരുമാനിച്ചു.

ഫോട്ടോഗ്രഫി-ചിത്ര രചനാ രംഗത്ത് പ്രവർത്തിക്കുന്ന നാലു വിധികർത്താക്കളെ ചിത്രങ്ങൾ പരിശോധിക്കാൻ നിശ്ചയിച്ചു. അവർ ദിവസങ്ങളോളം ഇരുന്ന് ചിത്രങ്ങൾ വിശകലനം ചെയ്തു. അതിൽ ഏറ്റവും മികച്ച 24 ചിത്രങ്ങൾ പ്രോത്സാഹന സമ്മാനത്തിനും ഒന്ന് ഒന്നാം സമ്മാനത്തിനും അർഹമായി.

പനങ്ങാട് സെന്‍റ്​ ജോർജ് മിക്സഡ് എൽ.പി സ്കൂളിലെ പാർവർണയാണ് ഒന്നാം സ്ഥാനത്തെത്തിയത്. കുട്ടികളിൽ പരിസ്ഥിതി സംരക്ഷണ ബോധം വളർത്തുക എന്ന ലക്ഷ്യത്തോടെയാണ് മത്സരം സംഘടിപ്പിച്ചതെന്നും മികച്ച പ്രതികരണം പ്രതീക്ഷ നൽകുന്നുവെന്നും എം.എൽ.എ പറഞ്ഞു. ഈ മാസം 27 ന് വൈകിട്ട് അഞ്ചിന് പുന്നക്കബസാർ റാക്ക് ഓഡിറ്റോറിയത്തിൽ വെച്ച് റവന്യൂ മന്ത്രി കെ. രാജൻ അവാർഡ് വിതരണം ചെയ്യും.