പാഠ്യപദ്ധതി പരിഷ്കരിച്ചിട്ടും ‘സമയക്കേട്’ തീരാതെ ഐ.ടി.ഐ വിദ്യാർഥികൾ

തൃ​ശൂ​ർ: പു​തു​ക്കി​യ പാ​ഠ്യ​ക്ര​മം വ​ന്നി​ട്ടും ‘സ​മ​യ​ക്കേ​ട്’ വി​ട്ടൊ​ഴി​യാ​തെ ഐ.​ടി.​ഐ വി​ദ്യാ​ർ​ഥി​ക​ൾ. ഒ​രു​വ​ർ​ഷ, ര​ണ്ട് വ​ർ​ഷ ഐ.​ടി.​ഐ പാ​ഠ്യ​ക്ര​മ​പ്രാ​കാ​രം ക്ലാ​സു​ക​ൾ ക​ഴി​ഞ്ഞി​ട്ടും മൂ​ന്ന് മാ​സം കൂ​ടു​ത​ൽ ത​ങ്ങ​ൾ കാ​മ്പ​സി​ൽ തു​ട​രേ​ണ്ടി​വ​രു​ന്ന​താ​യി വി​ദ്യാ​ർ​ഥി​ക​ൾ പ​രാ​തി​പ്പെ​ട്ടു. ക​ഴി​ഞ്ഞ​വ​ർ​ഷ​മാ​ണ് ഐ.​ടി.​ഐ​ക്ക് പു​തു​ക്കി​യ പാ​ഠ്യ​ക്ര​മം നി​ല​വി​ൽ​വ​ന്ന​ത്. ഇ​തു​പ്ര​കാ​രം ഐ.​ടി.​ഐ പാ​ഠ്യ​പ​ദ്ധ​തി​യു​ടെ പ​ഠ​ന സ​മ​യം 1600 മ​ണി​ക്കൂ​റി​ൽ​നി​ന്ന് 1200ആ​യി കു​റ​യും. അ​ങ്ങ​നെ​വ​രു​മ്പോ​ൽ ശ​നി​യാ​ഴ്ച പ്ര​വൃ​ത്തി​ദി​ന​ത്തി​ൽ​നി​ന്ന് ഒ​ഴി​വാ​കു​ക​യും ചെ​യ്യും. എ​ന്നാ​ൽ, ഈ ​അ​ധി​ക സ​മ​യ​ത്തി​ന്‍റെ പ്ര​യോ​ജ​നം കേ​ര​ള​ത്തി​ലെ ഐ.​ടി.​ഐ കു​ട്ടി​ക​ൾ​ക്ക് ല​ഭി​ക്കു​ന്നി​ല്ല. ഡ​യ​റ​ക്ട​ർ ജ​ന​റ​ൽ ഓ​ഫ് ട്രെ​യി​നി​ങ്(​ജി.​ഡി.​ടി) 2022ൽ ​പാ​ഠ്യ​പ​ദ്ധ​തി പ​രി​ഷ്ക​രി​ച്ച് ഉ​ത്ത​ര​വി​റ​ക്കി​യ​പ്പോ​ൾ പ​ഠ​ന​സ​മ​യം 400 മ​ണി​ക്കൂ​റാ​ണ് കു​റ​വു​വ​ന്ന​ത്. വ​ർ​ഷം ഒ​ന്നു​ക​ഴി​ഞ്ഞി​ട്ടും ഈ ​ഉ​ത്ത​ര​വ് കേ​ര​ള​ത്തി​ലെ ഐ.​ടി.​ഐ​ക​ളി​ൽ ന​ട​പ്പാ​ക്കി​യി​ട്ടി​ല്ലെ​ന്നാ​ണ് ഇ​വ​രു​ടെ ആ​രോ​പ​ണം.

അ​തേ​സ​മ​യം, അ​യ​ൽ സം​സ്ഥാ​ന​മാ​യ ത​മി​ഴ്നാ​ട്ടി​ൽ ഉ​ൾ​പ്പെ​ടെ ഉ​ത്ത​ര​വ് പ്രാ​ബ​ല്യ​ത്തി​ലാ​യി. പ​ത്താം ക്ലാ​സി​ന് ശേ​ഷ​മോ മ​റ്റ് പ്ര​ഫ​ഷ​ന​ൽ കോ​ഴ്സു​ക​ൾ ക​ഴി​ഞ്ഞോ ഐ.​ടി.​ഐ​യി​ൽ ചേ​രു​ന്ന വി​ദ്യാ​ർ​ഥി​ക​ൾ​ക്ക് ഫ​ല​ത്തി​ൽ സ​മാ​ന്ത​ര​മാ​യി മ​റ്റൊ​രു പ​ഠ​ന​ത്തി​നു​ള്ള വ​ഴി ഇ​തു​മൂ​ലം അ​ട​ഞ്ഞു. ശ​നി​യാ​ഴ്ച ഉ​ൾ​പ്പെ​ടെ ആ​റ് ദി​വ​സ​മാ​ണ് ഇ​വ​ർ​ക്ക് ക്ലാ​സ്. അ​തേ​സ​മ​യം, ഐ.​ടി.​ഐ​യു​ടെ അ​തേ​ട്രേ​ഡു​ക​ളി​ൽ ക്ലാ​സു​ക​ൾ ന​ട​ക്കു​ന്ന വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ളു​ക​ൾ​ക്ക് ശ​നി​യാ​ഴ്ച അ​വ​ധി പ്ര​ഖ്യാ​പി​ച്ച് സ​ർ​ക്കാ​ർ ഉ​ത്ത​ര​വു​ണ്ട്. ഈ ​ഉ​ത്ത​ര​വ് ത​ങ്ങ​ൾ​ക്ക് ബാ​ധ​ക​മാ​ക്കാ​ത്ത​ത് തു​ല്യ​നീ​തി​യു​ടെ നി​ഷേ​ധ​മാ​ണെ​ന്ന് ഐ.​ടി.​ഐ വി​ദ്യാ​ർ​ഥി​ക​ൾ പ​രാ​തി​പ്പെ​ടു​ന്നു.

ഡി.​ജി.​ടി​ക്ക് സ​മ​ർ​പ്പി​ച്ച വി​വ​രാ​വ​കാ​ശ അ​പേ​ക്ഷ​യി​ന്മേ​ൽ ല​ഭി​ച്ച മ​റു​പ​ടി​യി​ൽ നാ​ഷ​ന​ൽ സ്കി​ൽ ട്രെ​യി​നി​ങ് ഇ​ൻ​സ്റ്റി​റ്റ്യൂ​ട്ട് കോ​ഴി​ക്കോ​ട്, റി​ജി​ന​ൽ വെ​ക്കേ​ഷ​ന​ൽ ട്രെ​യി​നി​ങ് ഇ​ൻ​സ്റ്റി​റ്റ്യൂ​ട്ട് തി​രു​വ​ന​ന്ത​പു​രം എ​ന്നീ സ്ഥാ​പ​ന​ങ്ങ​ൾ ആ​ഴ്ച​യി​ൽ അ​ഞ്ച് ദി​വ​സം പ്ര​വ​ർ​ത്തി​ദി​ന​മാ​ക്കി ചു​രു​ക്കി​യി​ട്ടു​ണ്ട്. ഈ ​സ്ഥാ​പ​ന​ങ്ങ​ളി​ലും ക്രാ​ഫ്റ്റ് മാ​ൻ ട്രെ​യി​നി​ങ് സ്കീം ​ആ​ണ് ന​ൽ​കു​ന്ന​ത്. ശ​നി​യാ​ഴ്ച അ​വ​ധി എ​ന്ന​ത് അ​ത​ത് സ്റ്റേ​റ്റ് ഡ​യ​റ​ക്ട​ർ/​സം​സ്ഥാ​ന ഗ​വ​ൺ​മെ​ന്റി​ന് തീ​രു​മാ​നി​ക്കാം. ചി​ല ഉ​ദ്യോ​ഗ​സ്ഥ​രു​ടെ നി​ർ​ബ​ന്ധ ബു​ദ്ധി​യാ​ണ് നി​ല​വി​ലെ അ​വ​സ്ഥ​ക്ക് കാ​ര​ണ​മെ​ന്നും ഇ​ൻ​ഡ​സ്ട്രി​യ​ൽ ആ​ക്ട് അ​നു​സ​രി​ച്ച് പ്ര​വ​ർ​ത്തി​ക്കു​ന്ന ഐ.​ടി.​ഐ​ക​ളി​ൽ ഒ​രു പ്ര​വ​ത്തി​ദി​നം ചു​രു​ങ്ങു​മ്പോ​ൾ ഉ​ണ്ടാ​യേ​ക്കാ​വു​ന്ന സാ​മ്പ​ത്തി​ക ലാ​ഭം ഇ​തു​മൂ​ലം ഇ​ല്ലാ​താ​വു​ന്ന​താ​യും വി​ദ്യാ​ർ​ഥി​ക​ൾ ചൂ​ണ്ടി​ക്കാ​ട്ടു​ന്നു.

‘പ​ഠ​ന​ഭാ​രം, യാ​ത്ര​ക്ലേ​ശം’

ആ​ഴ്ച​യി​ൽ ആ​റ് ദി​വ​സം പ​ഠ​നം വി​ദ്യാ​ർ​ഥി​ക​ളി​ല്‍ ക​ടു​ത്ത പ​ഠ​ന​ഭാ​ര​വും മാ​ന​സി​ക സം​ഘ​ര്‍ഷ​വും ഉ​ണ്ടാ​ക്കു​ന്ന​താ​യി ചാ​ല​ക്കു​ടി ഗ​വ. ഐ.​ടി.​ഐ​യി​ലെ വി​ദ്യാ​ര്‍ഥി കൂ​ട്ടാ​യ്മ അം​ഗ​ങ്ങ​ളാ​യ കെ.​എ​സ്. ന​വീ​നും അ​രു​ണ്‍ ജോ​സ​ഫും പ​റ​യു​ന്നു. നി​ല​വി​ല്‍ 2,000ത്തോ​ളം വി​ദ്യാ​ർ​ഥി​ക​ള്‍ പ​ഠി​ക്കു​ന്ന സ്ഥാ​പ​ന​ത്തി​ല്‍ ഹോ​സ്റ്റ​ല്‍ സൗ​ക​ര്യം ഇ​ല്ല. ദി​നം​പ്ര​തി 50 കി​ലോ മീ​റ്റ​റോ​ളം സ​ഞ്ച​രി​ച്ചാ​ണ് ഭൂ​രി​ഭാ​ഗം വി​ദ്യാ​ര്‍ഥി​ക​ളും ക്ലാ​സി​ലെ​ത്തു​ന്ന​ത്. പ​രി​ശീ​ല​ന സ​മ​യം കു​റ​ഞ്ഞ സാ​ഹ​ച​ര്യ​ത്തി​ല്‍ ആ​ഴ്ച​യി​ല്‍ അ​ഞ്ചു​ദി​വ​സ​മാ​യി ക്ലാ​സു​ക​ള്‍ പ​രി​മി​ത​പ്പെ​ടു​ത്ത​ണ​മെ​ന്ന് ഇ​വ​ർ ആ​വ​ശ്യ​പ്പെ​ടു​ന്നു

കാ​യി​ക​പ​രി​ശീ​ല​നം പേ​രി​ൽ; ന​ഷ്ടം നാ​ല് മ​ണി​ക്കൂ​ർ

കാ​യി​ക പ​രി​ശീ​ല​ന​ത്തി​നും ലൈ​ബ്ര​റി​യി​ൽ ചെ​ല​വ​ഴി​ക്കു​ന്ന​തി​നു​മാ​യി ആ​ഴ്ച​യി​ൽ നാ​ല് മ​ണി​ക്കൂ​ർ ഐ.​ടി.​ഐ വി​ദ്യാ​ർ​ഥി​ക​ൾ​ക്ക് അ​നു​വ​ദി​ച്ചി​ട്ടു​ണ്ട്. പ​ക്ഷേ, ഐ.​ടി.​ഐ​ക​ളി​ൽ കാ​യി​കാ​ധ്യാ​പ​ക​ന്‍റെ ത​സ്തി​ക വെ​ട്ടി​ക്കു​റ​ച്ചു. ഇ​തോ​ടെ സ്പോ​ർ​ട്സ് ​േക്വാ​ട്ട​യി​ൽ പ്ര​വേ​ശ​നം നേ​ടി​യ​വ​ർ​ക്ക് പ​രി​ശീ​ല​ന​ത്തി​ന് വ​ഴി​യ​ട​ഞ്ഞു. പ​ഠ​ന​സ​മ​യം ക​ഴി​ഞ്ഞ് കാ​യി​ക പ​രി​ശീ​ല​ന​ത്തി​ന് സ​മ​യ​വു​മി​ല്ല. സ്പോ​ർ​ട്സ് ക്വാ​ട്ട​യി​ൽ പ്ര​വേ​ശ​നം നേ​ടി​യ​വ​രോ​ട് വി​വേ​ച​ന​പ​ര​മാ​യാ​ണ് ഐ.​ടി.​ഐ അ​ധി​കൃ​ത​ർ പെ​രു​മാ​റു​ന്ന​തെ​ന്ന് ഈ ​മേ​ഖ​ല​യി​ലെ വി​ദ്യാ​ർ​ഥി​ക​ൾ പ​റ​യു​ന്നു.

പ​ഠി​ക്കാ​ൻ ക​മ്മി​റ്റി

പു​തു​ക്കി​യ പാ​ഠ്യ​ക്ര​മ പ്ര​കാ​രം ഐ.​ടി.​ഐ​ക​ളി​ൽ പ​ഠ​ന​സ​മ​യം ചു​രു​ക്കു​ന്ന​ത് പ​ഠി​ക്കാ​ൻ സ​ർ​ക്കാ​ർ സ​മി​തി​യെ നി​യോ​ഗി​ച്ചു. ഈ ​വി​ഷ​യ​ത്തി​ൽ മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കി​യ ചാ​ല​ക്കു​ടി ഗ​വ. ഐ.​ടി.​ഐ വി​ദ്യാ​ർ​ഥി അ​രു​ൺ ജോ​സ​ഫി​ന് കി​ട്ടി​യ മ​റു​പ​ടി​യി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. മൂ​ന്ന് മാ​സം മു​മ്പാ​ണ് മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കി​യ​ത്. അ​തേ​സ​മ​യം, സ​മി​തി ഇ​തേ​ക്കു​റി​ച്ച് പ​ഠി​ക്കു​ക​യോ റി​പ്പോ​ർ​ട്ട് സ​മ​ർ​പ്പി​ക്കു​ക​യോ ചെ​യ്ത​താ​യി അ​റി​വി​ല്ലെ​ന്ന് അ​രു​ൺ മാ​ധ്യ​മ​ത്തോ​ട് പ​റ​ഞ്ഞു.