ക​ണ്ണീ​രും ചെ​റു​സ​ന്തോ​ഷ​ങ്ങ​ളും ആ​ത്മ​സം​ഘ​ർ​ഷ​ങ്ങ​ളും വേ​ദി​യി​ലെ​ത്തി​ച്ച് നാ​ട​ക​ങ്ങ​ൾ

തൃ​ശൂ​ർ: ല​ബ​ന​നി​ലെ അ​മ്മ​മാ​രു​ടെ ക​ണ്ണീ​രും ചെ​റു​പു​ഞ്ചി​രി​ക​ളും വേ​ദി​യി​ലെ​ത്തി അ​ലി ചാ​ഹ്റൂ​റി​ന്റെ ‘ടോ​ള്‍ഡ് ബൈ ​മൈ മ​ദ​ര്‍’ നാ​ലാം ദി​ന​​​ത്തെ സ​മ്പ​ന്ന​മാ​ക്കി. അ​പൂ​ർ​വ കാ​ഴ്ചാ​നു​ഭ​വ​മാ​യി​രു​ന്നു ഈ ​ല​ബ​നീ​സ് നൃ​ത്ത നാ​ട​കം. വേ​ദ​ന​യും ആ​ത്മ​സം​ഘ​ർ​ഷ​ങ്ങ​ളും ക​ഥാ​പാ​ത്ര​ങ്ങ​ൾ വേ​ദി​യി​ൽ പ​ക​ർ​ന്നാ​ടി​യ​പ്പോ​ൾ പ്രേ​ക്ഷ​ക​ർ വീ​ർ​പ്പ​ട​ക്കി നി​ന്നു.

അ​ലി ചാ​ഹ്റൂ​റി​ന്റെ സ്വ​ന്തം ജീ​വി​ത​വു​മാ​യി അ​ടു​പ്പ​മു​ള്ള ര​ണ്ട് അ​മ്മ​മാ​രു​ടെ ജീ​വി​ത​മാ​യി​രു​ന്നു പ്ര​മേ​യം. കേ​ന്ദ്ര​ക​ഥാ​പാ​ത്ര​മാ​യ അ​മ്മ ലൈ​ല, മ​ക​ൻ അ​ബ്ബാ​സി​നെ ര​ക്ത​സാ​ക്ഷി​യാ​കു​ന്ന​തി​ല്‍നി​ന്ന് സം​ര​ക്ഷി​ക്കാ​ന്‍ നോ​ക്കു​ന്നു. മ​റ്റൊ​രു അ​മ്മ​യാ​യ ഫാ​ത്മെ കാ​ണാ​താ​യ മ​ക​നു​വേ​ണ്ടി​യു​ള്ള അ​ല​ച്ചി​ലി​ലാ​ണ്.

ബെ​യ്‌​റൂ​ട്ടി​ലെ​യും പ്രാ​ന്ത​പ്ര​ദേ​ശ​ങ്ങ​ളി​ലെ​യും വാ​സ​സ്ഥ​ല​ങ്ങ​ളി​ലു​ള്ള ശ​ബ്ദ​ങ്ങ​ള്‍, പാ​ട്ടു​ക​ള്‍, ഓ​ർ​മ​ക​ള്‍ നി​ല​നി​ല്‍ക്കാ​ന്‍ പ​റ​യു​ന്ന ക​ഥ​ക​ള്‍, അ​തി​ജീ​വി​ക്കാ​ന്‍ ചെ​യ്യു​ന്ന നൃ​ത്ത​ങ്ങ​ള്‍ എ​ന്നി​ങ്ങ​നെ​യാ​ണ് നാ​ട​ക​ത്തി​ന്റെ നൃ​ത്താ​വി​ഷ്‌​കാ​രം. സ്വ​ന്തം കു​ടും​ബ ച​രി​ത്ര​ത്തി​ലും സ​മ​കാ​ലി​ക ലെ​ബ​ന​നി​ലും ന​ട​ക്കു​ന്ന വേ​ദ​നാ​ജ​ന​ക​മാ​യ ജീ​വി​ത​ങ്ങ​ളു​ടെ നൃ​ത്താ​വി​ഷ്‌​കാ​രം കൂ​ടി​യാ​ണ് ഈ ​നാ​ട​കം.

അ​റ​ബ് നാ​ട​ന്‍ പാ​ട്ടു​ക​ളു​ടെ സ​മാ​ഹ​രം കാ​ണി​ക​ള്‍ക്ക് പു​തു അ​നു​ഭ​വ​മാ​കു​ന്നു. കെ.​ടി. മു​ഹ​മ്മ​ദ് തി​യ​റ്റ​റി​ല്‍ അ​വ​ത​രി​പ്പി​ച്ച സു​ര​ഭി തി​യ​റ്റേ​ഴ്‌​സി​ന്റെ ‘മാ​യാ​ബ​സാ​ര്‍’ നാ​ട​ക​ത്തി​ന് ര​ണ്ടാം ദി​ന​ത്തി​ലും മി​ക​ച്ച പ്ര​തി​ക​ര​ണ​മാ​യി​രു​ന്നു. ബ്ലാ​ക്ക് ബോ​ക്‌​സി​ല്‍ ബ്ലാ​ക്ക് ഹോ​ള്‍ ര​ണ്ടാം ദി​ന​വും അ​ര​ങ്ങേ​റി.