11.25ന്റെ ട്രെയിന്‍ പോയോ.. അടുത്തത്​ പത്ത് മണിക്കൂര്‍ കഴിഞ്ഞ്

ഗു​രു​വാ​യൂ​ര്‍: രാ​വി​ലെ 11.25നു​ള്ള പാ​സ​ഞ്ച​ര്‍ ക​ഴി​ഞ്ഞാ​ല്‍ തൃ​ശൂ​രി​ല്‍നി​ന്ന് ഗു​രു​വാ​യൂ​രി​ലേ​ക്ക് ട്രെ​യി​നു​ള്ള​ത് 10 മ​ണി​ക്കൂ​റി​ന് ശേ​ഷം. രാ​ത്രി 9.35നാ​ണ് ഗു​രു​വാ​യൂ​രി​ലേ​ക്കു​ള്ള അ​ടു​ത്ത ട്രെ​യി​ന്‍. ഈ ​സാ​ഹ​ച​ര്യം ഒ​ഴി​വാ​ക്കാ​ന്‍ കോ​വി​ഡ് കാ​ല​ത്തി​ന് മു​മ്പു​ണ്ടാ​യി​രു​ന്ന, വൈ​കീ​ട്ട് അ​ഞ്ചി​ന് ഗു​രു​വാ​യൂ​രി​ല്‍നി​ന്ന് പു​റ​പ്പെ​ട്ട് തൃ​ശൂ​രി​ലെ​ത്തി 7.30ഓ​ടെ ഗു​രു​വാ​യൂ​രി​ല്‍ തി​രി​ച്ചെ​ത്തി​യി​രു​ന്ന പാ​സ​ഞ്ച​ര്‍ പു​ന​രാ​രം​ഭി​ക്ക​ണ​മെ​ന്നാ​വ​ശ്യ​പ്പെ​ട്ട് ടി.​എ​ന്‍. പ്ര​താ​പ​ന്‍ എം.​പി കേ​ന്ദ്ര റെ​യി​ല്‍വേ മ​ന്ത്രി​ക്കും റെ​യി​ല്‍വേ ബോ​ര്‍ഡ് ചെ​യ​ര്‍മാ​നും ക​ത്ത് ന​ല്‍കി.

ഗു​രു​വാ​യൂ​രി​ല്‍ കി​ട​ക്കു​ന്ന എ​ഗ്മൂ​ര്‍ എ​ക്‌​സ്പ്ര​സ് ഉ​പ​യോ​ഗി​ച്ചാ​ണ് വൈ​കീ​ട്ടു​ള്ള പാ​സ​ഞ്ച​ര്‍ സ​ർ​വി​സ് ന​ട​ത്തി​യി​രു​ന്ന​ത്. എ​ഗ്മൂ​ര്‍ എ​ക്‌​സ്പ്ര​സ് ഇ​പ്പോ​ഴും പ​ക​ല്‍ സ​മ​യം മു​ഴു​വ​ന്‍ ഗു​രു​വാ​യൂ​രി​ലു​ണ്ടെ​ങ്കി​ലും വൈ​കീ​ട്ടു​ള്ള സ​ർ​വി​സ് പു​ന​രാ​രം​ഭി​ച്ചി​ട്ടി​ല്ല. കോ​വി​ഡ് കാ​ല​ത്തി​നു​ശേ​ഷം ഗു​രു​വാ​യൂ​രി​ല്‍നി​ന്ന് പു​ന​രാ​രം​ഭി​ക്കാ​ത്ത ഏ​ക സ​ർ​വി​സാ​ണി​ത്. വൈ​കീ​ട്ട് 5.05ന് ​ഗു​രു​വാ​യൂ​രി​ല്‍നി​ന്ന് പു​റ​പ്പെ​ടു​ന്ന ഈ ​പാ​സ​ഞ്ച​ര്‍ സ്ഥി​രം ജോ​ലി​ക്കാ​ര്‍ അ​ട​ക്ക​മു​ള്ള​വ​ര്‍ക്ക് ആ​ശ്ര​യ​മാ​യി​രു​ന്നു.

രാ​ത്രി ഏ​ഴോ​ടെ തൃ​ശൂ​രി​ല്‍നി​ന്ന് ഗു​രു​വാ​യൂ​രി​ലേ​ക്ക് മ​ട​ങ്ങു​ന്ന സ​ർ​വി​സും സ്ഥി​രം യാ​ത്ര​ക്കാ​രു​ടെ ആ​ശ്ര​യ​മാ​ണ്. തീ​ര്‍ഥാ​ട​ക​ര്‍ക്കും ഈ ​സ​ർ​വി​സു​ക​ള്‍ ഏ​റെ പ്ര​യോ​ജ​ന​ക​ര​മാ​യി​രു​ന്നു. മേ​ല്‍പ്പാ​ല നി​ര്‍മാ​ണ​ത്തി​നാ​യി ഗു​രു​വാ​യൂ​രി​ല്‍ റോ​ഡ് അ​ട​ച്ചി​ടു​ക​യും തൃ​ശൂ​ര്‍ - ഗു​രു​വാ​യൂ​ര്‍ റോ​ഡി​ല്‍ ന​വീ​ക​ര​ണ പ്ര​വൃ​ത്തി ന​ട​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ല്‍ ട്രെ​യി​ന്‍ സ​ർ​വി​സ് അ​ടി​യ​ന്ത​ര​മാ​യി പു​ന​രാ​രം​ഭി​ക്ക​ണ​മെ​ന്ന് എം.​പി ക​ത്തി​ല്‍ ആ​വ​ശ്യ​പ്പെ​ട്ടു.