പാവ കഥകളിയിൽ പുതുതലമുറയുടെ അരങ്ങേറ്റം

ഇ​രി​ങ്ങാ​ല​ക്കു​ട: പാ​വ​ ക​ഥ​ക​ളി പു​തു​ത​ല​മു​റ​യെ അ​ഭ്യ​സി​പ്പി​ക്കു​വാ​ൻ ര​ണ്ടു​മാ​സ​കാ​ല​മാ​യി ന​ട​ന്നു​വ​രു​ന്ന ശി​ൽ​പ​ശാ​ല 25ന് ​സ​മാ​പി​ക്കും. വ്യാ​ഴാ​ഴ്ച വൈ​കീ​ട്ട് 6.30ന് ​ക​ല്യാ​ണ​സൗ​ഗ​ന്ധി​കം, ദ​ക്ഷ​യാ​ഗം, ബാ​ലി​വ​ധം എ​ന്നീ പാ​വ​നാ​ട​ക​ങ്ങ​ൾ ഇ​രി​ങ്ങാ​ല​ക്കു​ട ന​ട​ന​കൈ​ര​ളി​യു​ടെ ‘കൊ​ട്ടി​ച്ചേ​തം’ അ​ര​ങ്ങി​ൽ സം​ഘ​ടി​പ്പി​ക്കു​ന്നു. നാ​മാ​വ​ശേ​ഷ​മാ​യ പാ​വ​ക​ഥ​ക​ളി​യെ ഇ​രി​ങ്ങാ​ല​ക്കു​ട ന​ട​ന​കൈ​ര​ളി ഡ​യ​റ​ക്‌​ട​ർ ക​പി​ല വേ​ണു​വി​ന്റെ നേ​തൃ​ത്വ​ത്തി​ലാ​ണ് പു​ന​രു​ജ്ജീ​വി​പ്പി​ക്കു​ന്ന​ത്. പാ​വ​ക​ളി​യു​ടെ പു​ന​രു​ദ്ധാ​ര​ക​യാ​യ ക​മ​ലാ​ദേ​വി ച​തോ​പാ​ധ്യാ​യ​യാ​ണ് ഈ ​ക​ല​യെ സ​മു​ദ്ധ​രി​ക്കു​വാ​ൻ വേ​ണു​വി​ന് പ്ര​ചോ​ദ​നം ന​ൽ​കി​യ​ത്.

പാ​ല​ക്കാ​ട് പ​രു​ത്തി​പ്പു​ള്ളി ഗ്രാ​മ​ത്തി​ൽ പ​തി​നെ​ട്ടാം നൂ​റ്റാ​ണ്ടു​കൂ​ടി​യാ​ണ് ആ​ന്ധ്രാ​പ്ര​ദേ​ശ​ത്തു​നി​ന്നും കു​ടി​യേ​റി​യ ആ​ണ്ടി​പ​ണ്ടാ​ര ക​ലാ​കാ​ര​ന്മാ​രാ​ണ് ഈ ​ക​ലാ​രൂ​പ​ത്തി​ന് തു​ട​ക്കം കു​റി​ക്കു​ന്ന​ത്. ഭൂ​വ​ന സാം​സ്ക‌ാ​രി​ക സം​ഘ​ട​ന​യാ​ണ് ശി​ൽ​പ​ശാ​ല​യു​മാ​യി സ​ഹ​ക​രി​ക്കു​ന്ന​ത്. പാ​വ​ക​ഥ​ക​ളി​യു​ടെ മു​തി​ർ​ന്ന ക​ലാ​കാ​ര​ന്മാ​രാ​യ കെ.​വി. രാ​മ​കൃ​ഷ്‌​ണ​ൻ, കെ.​സി. രാ​മ​കൃ​ഷ്‌​ണ​ൻ, കു​ന്ന​മ്പ​ത്ത് ശ്രീ​നി​വാ​സ​ൻ, ക​ലാ​നി​ല​യം രാ​മ​കൃ​ഷ്ണ​ൻ, ക​ലാ​നി​ല​യം ഉ​ണ്ണി​കൃ​ഷ്‌​ണ​ൻ, ക​ലാ​നി​ല​യം ഹ​രി​ദാ​സ് എ​ന്നി​വ​രാ​ണ് പ​രി​ശീ​ല​ന​ത്തി​ന് നേ​തൃ​ത്വം ന​ൽ​കു​ന്ന​ത്.