കാത്തിരിപ്പിന് വിട, ഇരിങ്ങാലക്കുട ഷീ ലോഡ്ജ് പ്ര​വ​ർ​ത്ത​ന​മാരംഭിച്ചു

ഇ​രി​ങ്ങാ​ല​ക്കു​ട: സ്ത്രീ​ക​ൾ​ക്കാ​യി ഇ​രി​ങ്ങാ​ല​ക്കു​ട ന​ഗ​ര​സ​ഭ നി​ർ​മി​ച്ച ഷീ ​ലോ​ഡ്ജ് കാത്തിരിപ്പിനൊടുവിൽ പ്രവർത്തനമാരംഭിച്ചു. ന​ഗ​ര​സ​ഭ ഓ​ഫി​സി​നോ​ടും അ​യ്യ​ങ്കാ​വ് മൈ​താ​ന​ത്തോ​ടും ചേ​ർ​ന്ന് ര​ണ്ട് നി​ല​ക​ളി​ലാ​യി 2.80 കോടി ചെ​ല​വ​ഴി​ച്ച് നി​ർ​മി​ച്ച കെ​ട്ടി​ട​ത്തി​ന്റെ ഉ​ദ്ഘാ​ട​നം 2024 ഫെ​ബ്രു​വ​രി​യി​ലാ​യി​രു​ന്നു. ഒ​ട്ട​ന​വ​ധി വി​ദ്യാ​ഭ്യാ​സ സ്ഥാ​പ​ന​ങ്ങ​ളും ഓ​ഫി​സു​ക​ളു​മു​ള്ള ഇ​രി​ങ്ങാ​ല​ക്കു​ട ന​ഗ​ര​സ​ഭ​യി​ല്‍ സ്ത്രീ​ക​ളു​ടെ സു​ര​ക്ഷ മു​ന്‍നി​ര്‍ത്തി അ​വ​ര്‍ക്കു​ള്ള താ​മ​സ​സൗ​ക​ര്യം ഒ​രു​ക്കു​ക​യാ​യി​രു​ന്നു ന​ഗ​ര​സ​ഭ. ഷീ ​ലോ​ഡ്ജ് കെ​ട്ടി​ട​ത്തി​ല്‍ ര​ണ്ട് നി​ല​ക​ളി​ലാ​യി അ​റ്റാ​ച്ച്ഡ് ബാ​ത്ത്‌​റൂം സൗ​ക​ര്യ​മു​ള്ള 20 മു​റി​ക​ളാ​ണ് ഒ​രു​ക്കി​യി​ട്ടു​ള്ള​ത്.

ഇ​തി​ല്‍ മൂ​ന്ന് കി​ട​ക്ക​ക​ളു​ള്ള ര​ണ്ട് മു​റി​ക​ളും, ര​ണ്ട് കി​ട​ക്ക​ക​ളു​ള്ള 18 മു​റി​ക​ളു​മാ​ണ് ഉ​ള്ള​ത്. 1034 ച​തു​ര​ശ്ര​മീ​റ്റ​ര്‍ വി​സ്തീ​ര്‍ണ​മു​ള്ള കെ​ട്ടി​ട​ത്തി​ന്റെ താ​ഴ​ത്തെ നി​ല​യി​ല്‍ 320 ച​തു​ര​ശ്ര അ​ടി വി​സ്തീ​ര്‍ണ​മു​ള്ള നാ​ല് ക​ട​മു​റി​ക​ള്‍ ഒ​രു​ക്കി​യി​ട്ടു​ണ്ട്. അ​ടു​ക്ക​ള, ഡൈ​നി​ങ് ഹാ​ള്‍, റീ​ഡി​ങ് റൂം, ​വെ​യ്റ്റി​ങ് റൂം, ​പാ​ര്‍ക്കി​ങ് എ​ന്നീ സൗ​ക​ര്യ​ങ്ങ​ളും ഷീ ​ലോ​ഡ്ജി​ന്റെ സ​വി​ശേ​ഷ​ത​ക​ളാ​ണ്. ഉ​ന്ന​ത വി​ദ്യാ​ഭ്യാ​സ മ​ന്ത്രി ഉ​ദ്ഘാ​ട​നം നി​ർ​വ​ഹി​ച്ച ഷീ ​ലോ​ഡ്ജി​ന്റെ പ്ര​വ​ർ​ത്ത​നം നീ​ണ്ട് പോ​യ​തി​ൽ പ്ര​തി​പ​ക്ഷ​ത്തു​നി​ന്നും മ​റ്റ് സം​ഘ​ട​ന​ക​ളി​ൽ​നി​ന്നും വി​മ​ർ​ശ​നം ഉ​യ​ർ​ന്നി​രു​ന്നു. ന​ഗ​ര​സ​ഭ ടെ​ൻ​ഡ​ർ വി​ളി​ച്ച സ്വ​കാ​ര്യ വ്യ​ക്തി​യു​ടെ നേ​തൃ​ത്വ​ത്തി​ലാ​ണ് ഇ​പ്പോ​ൾ പ്ര​വ​ർ​ത്ത​നം ആ​രം​ഭി​ച്ചി​രി​ക്കു​ന്ന​ത്.പ്രവർത്തനോദ്ഘാടനം കൊ​ള​ബോ ഹോ​ട്ട​ൽ ഉ​ട​മ സി.​എ​ൽ. ജോ​ർ​ജ് നി​ർ​വ​ഹി​ച്ചു. ന​ഗ​ര​സ​ഭ ചെ​യ​ർ​പേ​ഴ്സ​ൻ മേ​രി​ക്കു​ട്ടി ജോ​യ്, മു​ൻ സ​ർ​ക്കാ​ർ ചീ​ഫ് വി​പ്പ് അ​ഡ്വ. തോ​മ​സ് ഉ​ണ്ണി​യാ​ട​ൻ, ന​ഗ​ര​സ​ഭ വൈ​സ് ചെ​യ​ർ​മാ​ൻ ബൈ​ജു കു​റ്റി​ക്കാ​ട​ൻ, ന​ഗ​ര​സ​ഭ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ​മാ​ർ, കൗ​ൺ​സി​ല​ർ​മാ​ർ, ന​ട​ത്തി​പ്പ് ക​രാ​ർ എ​റ്റെ​ടു​ത്തി​ട്ടു​ള്ള ഡെ​സി​ൻ സണ്ണി ചി​റ്റി​ല​പ്പി​ള്ളി തു​ട​ങ്ങി​യ​വ​ർ പ​ങ്കെ​ടു​ത്തു.