ഇ​രി​ങ്ങാ​ല​ക്കു​ട​യി​ലെ ‘ടേ​ക്ക് എ ​ബ്രേ​ക്ക്’ ബ്രേ​ക്ക് എ​ടു​ക്കു​ക​യാ​ണെ​ന്ന് കു​ടും​ബ​ശ്രീ

ഇ​രി​ങ്ങാ​ല​ക്കു​ട: ത​ദ്ദേ​ശ മ​ന്ത്രി ഉ​ദ്ഘാ​ട​നം ചെ​യ്യു​ക​യും പി​ന്നീ​ട് ദീ​ർ​ഘ​കാ​ലം ഏ​റ്റെ​ടു​ക്കാ​ൻ ആ​രു​മി​ല്ലാ​തെ അ​ട​ച്ചി​ടു​ക​യും ന​ഗ​ര​സ​ഭ​യി​ലെ താ​ൽ​ക്കാ​ലി​ക ജീ​വ​ന​ക്കാ​ര​ന്റെ ബ​ന്ധു അ​ഞ്ചു​മാ​സ​ത്തോ​ളം ത​ട്ടു​ക​ട ശൈ​ലി​യി​ൽ ന​ട​ത്തി പൂ​ട്ടി​ടു​ക​യും ചെ​യ്ത ന​ഗ​ര​സ​ഭ​യു​ടെ ‘ടേ​ക്ക് എ ​ബ്രേ​ക്ക്’ പ​ദ്ധ​തി​യു​ടെ മോ​ച​നം നീ​ളും. ന​ട​ത്തി​പ്പ് ചു​മ​ത​ല കു​ടും​ബ​ശ്രീ​യെ ഏ​ൽ​പി​ക്കാ​ൻ കൗ​ൺ​സി​ൽ തീ​രു​മാ​നി​ച്ചി​രു​ന്നെ​ങ്കി​ലും താ​ൽ​പ​ര്യ​മി​ല്ലെ​ന്ന് കു​ടും​ബ​ശ്രീ​യും അ​റി​യി​ച്ച​തോ​ടെ​യാ​ണി​ത്.

2022 ഡി​സം​ബ​ർ നാ​ലി​നാ​യി​രു​ന്നു ഉ​ദ്ഘാ​ട​നം. ദേ​ശീ​യ-​സം​സ്ഥാ​ന പാ​ത​യോ​ര​ങ്ങ​ളി​ലൂ​ടെ കു​ടും​ബ​സ​മേ​തം യാ​ത്ര ചെ​യ്യു​ന്ന​വ​ർ​ക്ക് സു​ര​ക്ഷി​ത​വും ഉ​ന്ന​ത നി​ല​വാ​ര​മു​ള്ള​തു​മാ​യ ശു​ചി​മു​റി​ക​ൾ ല​ഭ്യ​മാ​ക്കു​ക എ​ന്ന സം​സ്ഥാ​ന സ​ർ​ക്കാ​റി​ന്റെ ത​ന്നെ കാ​ഴ്ച​പ്പാ​ടി​ന്റെ ഭാ​ഗ​മാ​യാ​ണ് 20 ല​ക്ഷം രൂ​പ ചെ​ല​വ​ഴി​ച്ച് ഏ​ഴ് ശു​ചി​മു​റി​ക​ളും ബാ​ത്ത്റൂ​മും വി​ശ്ര​മ​മു​റി​യു​മ​ട​ങ്ങു​ന്ന കെ​ട്ടി​ടം നി​ർ​മി​ച്ച​ത്. കോ​ഫി ഷോ​പ്പും റി​ഫ്ര​ഷ്മെ​ന്റ് സൗ​ക​ര്യ​ങ്ങ​ളും പ​ദ്ധ​തി​യു​ടെ ഭാ​ഗ​മാ​യി ല​ക്ഷ്യ​മി​ട്ടി​രു​ന്നു.

വാ​ട​ക തു​ക​യാ​യി 10 ല​ക്ഷം രൂ​പ ന​ഗ​ര​സ​ഭ അ​ധി​കൃ​ത​ർ തീ​രു​മാ​നി​ച്ചെ​ങ്കി​ലും എ​റ്റെ​ടു​ക്കാ​ൻ ആ​രും ത​യാ​റാ​യി​ല്ല. ഇ​തി​നി​ടെ ശു​ചീ​ക​ര​ണ സം​വി​ധാ​ന​ങ്ങ​ൾ​ക്കാ​യി ടാ​ങ്കു​ക​ൾ സ്ഥാ​പി​ക്കാ​ൻ 2023-‘24 വ​ർ​ഷ​ത്തി​ൽ നാ​ല് ല​ക്ഷം രൂ​പ കൂ​ടി ന​ഗ​ര​സ​ഭ ചെ​ല​വ​ഴി​ച്ചു. 2024ൽ ​ന​ഗ​ര​സ​ഭ​യി​ലെ താ​ൽ​ക്കാ​ലി​ക ജീ​വ​ന​ക്കാ​ര​ന്റെ ബ​ന്ധു 4.5 ല​ക്ഷം രൂ​പ വാ​ട​ക​ക്ക് എ​റ്റെ​ടു​ത്ത് പ്ര​വ​ർ​ത്ത​നം ആ​രം​ഭി​ച്ചെ​ങ്കി​ലും അ​ഞ്ച് മാ​സം മാ​ത്ര​മാ​ണ് ബ്രേ​ക്ക് ഇ​ല്ലാ​തെ പ്ര​വ​ർ​ത്തി​ച്ച​ത്. വി​മ​ർ​ശ​നം ഉ​യ​ർ​ന്ന​തി​നെ തു​ട​ർ​ന്നാ​ണ് 4000 രൂ​പ പ്ര​തി​മാ​സ വാ​ട​ക​ക്ക് കു​ടും​ബ​ശ്രീ സി.​ഡി.​എ​സി​നെ ന​ട​ത്തി​പ്പ് ഏ​ൽ​പി​ക്കാ​ൻ ന​ഗ​ര​സ​ഭ കൗ​ൺ​സി​ൽ തീ​രു​മാ​നി​ച്ച​ത്.

എ​ന്നാ​ൽ ചാ​യ​യും ചെ​റു​ക​ടി​ക​ളും മി​ഠാ​യി​യും മാ​ത്ര​മേ വി​ൽ​ക്കാ​ൻ പാ​ടു​ള്ളൂ​വെ​ന്നും കെ​ട്ടി​ട​ത്തി​ന്റെ അ​റ്റ​കു​റ്റ​പ്പ​ണി സി.​ഡി.​എ​സ് ത​ന്നെ ചെ​യ്യ​ണ​മെ​ന്നും വീ​ട്ടി​ൽ​നി​ന്ന് പോ​ലും ഭ​ക്ഷ​ണം ഉ​ണ്ടാ​ക്കി കൊ​ണ്ടു​വ​ന്ന് ന​ൽ​കാ​ൻ ക​ഴി​യി​ല്ലെ​ന്നു​മു​ള്ള നി​ബ​ന്ധ​ന​ക​ൾ അം​ഗീ​ക​രി​ക്കാ​ൻ ക​ഴി​യി​ല്ലെ​ന്നും ലാ​ഭ​ക​ര​മാ​യി ന​ട​ത്താ​ൻ ക​ഴി​യി​ല്ലെ​ന്നും കു​ടും​ബ​ശ്രീ സി.​ഡി.​എ​സ് പ​റ​യു​ന്നു. തീ​രു​മാ​നം ന​ഗ​ര​സ​ഭ അ​ധി​കൃ​ത​രെ അ​റി​യി​ച്ചി​ട്ടു​ണ്ട്.