ഇനി മനസ്സിനക്കരെ... ഇന്നസെന്റിന് ജന്മനാട് വിട നൽകി

ഇ​രി​ങ്ങാ​ല​ക്കു​ട (തൃ​ശൂ​ർ): ഏ​ഴ​ര പ​തി​റ്റാ​ണ്ടു​കാ​ല​ത്തെ ഇ​ന്ന​സെ​ന്റ് എ​ന്ന സ്നേ​ഹ​സ്പ​ർ​ശ​ത്തി​ന് മേ​ൽ അ​വ​ർ ഒ​രു​പി​ടി മ​ണ്ണി​ട്ടു. പ​റ​ഞ്ഞു​തീ​രാ​ത്ത ക​ഥ​ക​ളും ക​ഥാ​പാ​ത്ര​ങ്ങ​ളും അ​ത് തീ​ർ​ത്ത ചി​രി​യോ​ർ​മ​ക​ളും ഇ​നി ബാ​ക്കി. ചൊ​വ്വാ​ഴ്ച രാ​വി​ലെ 11.15ഓ​ടെ ഇ​രി​ങ്ങാ​ല​ക്കു​ട സെ​ന്റ് തോ​മ​സ് ക​ത്തീ​ഡ്ര​ൽ സെ​മി​ത്തേ​രി​യി​ൽ ത​ടി​ച്ചു​കൂ​ടി​യ വ​ൻ ജ​നാ​വ​ലി ക​ണ്ണീ​ർ പൂ​ക്ക​ളോ​ടെ വി​ട ന​ൽ​കി. ഉ​റ്റ ബ​ന്ധു​ക്ക​ളു​ടെ ക​ണ്ണീ​രി​ൽ മ​ഹാ​നി​ദ്ര​യി​ലാ​ണ്ട ന​ട​ന്റെ മു​ഖ​ത്തെ ചാ​യ​മി​ള​കി.

ത​ള​ർ​ന്നു​വീ​ണ പേ​ര​മ​ക​ൻ ജൂ​നി​യ​ർ ഇ​ന്ന​സെ​ന്റും ക​ര​ഞ്ഞു​ത​ള​ർ​ന്ന ഭാ​ര്യ ആ​ലീ​സും മ​ക​ൻ സോ​ണ​റ്റി​ന്റെ ഭാ​ര്യ ര​ശ്മി​യും വേ​ദ​ന​ക്കാ​ഴ്ച​യാ​യി. തി​ങ്ക​ളാ​ഴ്ച വൈ​കീ​ട്ടു​മു​ത​ൽ തു​ട​ങ്ങി​യ ക​ലാ-​രാ​ഷ്ട്രീ​യ-​സാം​സ്കാ​രി​ക പ്ര​മു​ഖ​രു​ടെ തി​ര​ക്ക് ഇ​ന്ന​സെ​ന്റി​ന്റെ വീ​ടാ​യ ‘പാ​ർ​പ്പി​ട’​ത്തി​ൽ ഒ​ഴി​ഞ്ഞി​രു​ന്നി​ല്ല. സം​വി​ധാ​യ​ക​ൻ സ​ത്യ​ൻ അ​ന്തി​ക്കാ​ടും ഇ​ട​വേ​ള ബാ​ബു​വും ര​ണ്ടാം ദി​വ​സ​വും മു​ഴു​സ​മ​യ​വും വീ​ട്ടി​ൽ ഉ​ണ്ടാ​യി​രു​ന്നു.

രാ​വി​ലെ മ​ന്ത്രി​മാ​രാ​യ വി.​എ​ൻ. വാ​സ​വ​ൻ, കെ. ​രാ​ജ​ൻ, ആ​ർ. ബി​ന്ദു, പി. ​ബാ​ല​ച​ന്ദ്ര​ൻ എം.​എ​ൽ.​എ, സി.​പി.​എം തൃ​ശൂ​ർ ജി​ല്ല സെ​ക്ര​ട്ട​റി എം.​എം. വ​ർ​ഗീ​സ്, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​കെ. ഡേ​വി​സ്, ജി​ല്ല പ​ഞ്ചാ​യ​ത്ത് പ്ര​തി​പ​ക്ഷ നേ​താ​വ് ജോ​സ​ഫ് ടാ​ജ​റ്റ്, സം​വി​ധാ​യ​ക​ൻ ക​മ​ൽ, ന​ട​ന്മാ​രാ​യ ടോ​വീ​നോ തോ​മ​സ്, അ​ബു സ​ലിം, നാ​ദി​ർ​ഷ, സാ​ദി​ഖ് എ​ന്നി​വ​രെ​ത്തി. ന​ട​ൻ ദി​ലീ​പി​നൊ​പ്പം എ​ത്തി​യ ഭാ​ര്യ കാ​വ്യ മാ​ധ​വ​ൻ ചി​ല്ലു​കൂ​ട്ടി​ൽ കൈ​വെ​ച്ച് പൊ​ട്ടി​ക്ക​ര​ഞ്ഞു.

9.30ന് ​ച​ര​മ ശു​​ശ്രൂ​ഷ ഗാ​നം മു​ഴ​ങ്ങി. ഇ​രി​ങ്ങാ​ല​ക്കു​ട ബി​ഷ​പ് പോ​ളി ക​ണ്ണൂ​ക്കാ​ട​ൻ, ഫാ​ദ​ർ ടോ​ണി നീ​ല​ങ്കാ​വി​ൽ എ​ന്നി​വ​രു​ടെ കാ​ർ​മി​ക​ത്വ​ത്തി​ൽ സം​സ്കാ​ര ശു​ശ്രൂ​ഷ ച​ട​ങ്ങു​ക​ൾ തു​ട​ങ്ങി. 9.45ന് ​വീ​ട്ടി​ൽ​നി​ന്ന് മൃ​ത​ദേ​ഹം എ​ടു​ക്കു​ന്ന​തി​ന് മു​ന്നോ​ടി​യാ​യി ഗാ​ർ​ഡ് ഓ​ഫ് ഓ​ണ​ർ. തു​ട​ർ​ന്ന് പു​ഷ്പ​ങ്ങ​ൾ അ​ല​ങ്ക​രി​ച്ച വാ​ഹ​ന​ത്തി​ൽ സെ​ന്റ്തോ​മ​സ് ക​ത്തീ​ഡ്ര​ലി​ലേ​ക്ക് വി​ലാ​പ​യാ​ത്ര തു​ട​ങ്ങി. വാ​ഹ​ന​ത്തോ​ടൊ​പ്പം കാ​ൽ​ന​ട​യാ​യു​ള്ള വി​ലാ​പ​യാ​ത്ര​യി​ൽ മ​ന്ത്രി​മാ​രോ​ടൊ​പ്പം ച​ല​ച്ചി​ത്ര താ​ര​ങ്ങ​ളാ​യ കാ​വ്യ മാ​ധ​വ​ൻ, ദി​ലീ​പ്, നാ​ദി​ർ​ഷാ, കോ​ട്ട​യം ന​സീ​ർ, ജോ​ജു ജോ​ർ​ജ്, വി​നീ​ത്, ഇ​ട​വേ​ള ബാ​ബു, ടോ​വി​നോ തോ​മ​സ്, സാ​യ് കു​മാ​ർ, ബി​ന്ദു പ​ണി​ക്ക​ർ, ബൈ​ജു, സി​ദ്ധാ​ർ​ഥ് ഭ​ര​ത​ൻ, സം​വി​ധാ​യ​ക​ൻ സ​ത്യ​ൻ അ​ന്തി​ക്കാ​ട് തു​ട​ങ്ങി​യ​വ​ർ പ​ങ്കെ​ടു​ത്തു.

11ഓ​ടെ ക​ത്തീ​ഡ്ര​ലി​ലെ ച​ട​ങ്ങു​ക​ൾ​ക്കു​ശേ​ഷം കി​ഴ​ക്കേ സെ​മി​ത്തേ​രി​യി​ൽ വി​ലാ​പ​യാ​ത്ര​യെ​ത്തു​മ്പോ​ൾ ജ​ന​ങ്ങ​ളാ​ൽ നി​റ​ഞ്ഞി​രു​ന്നു. സെ​മി​ത്തേ​രി​ക്ക് ചു​റ്റും ത​ടി​ച്ചു​കൂ​ടി​യ ജ​നം പ്രി​യ​ന​ട​ന്റെ അ​ന്ത്യ​ക​ർ​മ​ങ്ങ​ൾ കാ​ണാ​ൻ ക​ണ്ണി​മ ചി​മ്മാ​തെ കാ​ത്തി​രു​ന്നു. ഇ​ന്ന​സെ​ന്റി​ന്റെ പ്രി​യ സ്നേ​ഹി​ത​ൻ മ​മ്പ​ള്ളി ലാ​സ​റി​ന്റെ ക​ല്ല​റ​ക്ക് സ​മീ​പ​മാ​യി​രു​ന്നു ക​ല്ല​റ ഒ​രു​ക്കി​യി​രു​ന്ന​ത്. സെ​മി​ത്തേ​രി​യി​ൽ​വെ​ച്ച് ഗാ​ർ​ഡ് ഓ​ഫ് ഓ​ണ​റി​ന് ശേ​ഷം ബ​ന്ധു​ക്ക​ൾ​ക്ക് അ​വ​സാ​ന കാ​ഴ്ച​ക്കാ​യി അ​വ​സ​ര​മൊ​രു​ക്കി. ക​ര​ഞ്ഞ് ത​ള​ർ​ന്ന ഇ​ന്ന​സെ​ന്റി​ന്റെ ഭാ​ര്യ ആ​ലീ​സി​നെ വീ​ൽ​ചെ​യ​റി​ൽ ശ്മ​ശാ​ന​ത്തി​ലെ​ത്തി​ച്ചു.

വി​റ​ക്കു​ന്ന കൈ​ക​ളോ​ടെ നി​റ​ക​ണ്ണു​ക​ളോ​ടെ അ​വ​ർ ഇ​ന്ന​​സെ​ന്റി​നെ ചു​ണ്ടോ​ടു​ചേ​ർ​ത്തു. മ​ക​ൻ സോ​ണ​റ്റി​ന്റെ ഭാ​ര്യ ര​ശ്മി​യും മ​ക​ൾ അ​ന്ന​യും ക​ണ്ണീ​ർ​പ്ര​ണാ​മം ന​ൽ​കി. ഇ​ന്ന​സെ​ന്റ് ഏ​റെ ഇ​ഷ്ട​പ്പെ​ട്ടി​രു​ന്ന സോ​ണ​റ്റി​ന്റെ മ​ക​ൻ ജൂ​നി​യ​ർ ഇ​ന്ന​സെ​ന്റ് അ​പ്പാ​പ്പ​നെ ക​ണ്ണീ​രോ​ടെ ക​ണ്ട് അ​ൽ​പം നീ​ങ്ങി​യെ​ങ്കി​ലും വീ​ണ്ടു​മെ​ത്തി മു​ഖം​ചേ​ർ​ത്ത് ചും​ബി​ച്ചു. തു​ട​ർ​ന്ന് കു​ഴ​ഞ്ഞു​വീ​ണു.

കൂ​ട്ടു​കാ​ർ എ​ടു​ത്ത് താ​ങ്ങി​യാ​ണ് കാ​റി​ലെ​ത്തി​ച്ച​ത്. ഒ​ടു​വി​ൽ മ​ക​ൻ സോ​ണ​റ്റ് ഇ​ന്ന​സെ​ന്റി​ന്റെ മു​ഖം വെ​ളു​ത്ത തു​ണി​യി​ട്ട് മൂ​ടി അ​ന്ത്യ​ചും​ബ​നം ന​ൽ​കി. തു​ട​ർ​ന്ന് ശ​വ​മ​ഞ്ച ക​ല്ല​റ​യി​റ​ക്കി. മ​ന്ത്രി ആ​ർ. ബി​ന്ദു അ​ട​ക്കം പ്ര​മു​ഖ​രും ബ​ന്ധു​ക്ക​ളും ഉ​റ്റ​വ​രും ചേ​ർ​ന്ന് മ​ണ്ണും പൂ​ക്ക​ളു​മി​ട്ടു. സെ​മി​ത്തേ​രി​ക്ക് പു​റ​ത്ത് ത​ടി​ച്ചു​കൂ​ടി​യ ജ​നം മ​ന​സ്സു​കൊ​ണ്ടും. ഒ​ടു​വി​ൽ സെ​മി​ത്തേ​രി ഒ​ഴി​ഞ്ഞ​പ്പോ​ൾ ഇ​ന്ന​സെ​ന്റി​ന്റെ​താ​യി ആ​റ​ടി മ​ണ്ണും അ​തി​ൽ ഒ​രു ശി​ല​യും. തേ​ക്കേ​ത്ത​ല വ​റീ​ത്‌ മ​ക​ൻ ഇ​ന്ന​സെ​ന്റ്. ജ​ന​നം- 1948 ഫെ​ബ്രു​വ​രി 28. മ​ര​ണം- 2023 മാ​ർ​ച്ച് 26..