കല്ലംകുന്ന് സർവിസ് സഹകരണ ബാങ്കിന് കീഴി​െല ഓയിൽ മില്ലിൽ വൻ തീപിടിത്തം

ഇരിങ്ങാലക്കുട: വേളൂക്കര പഞ്ചായത്തിൽ കല്ലംകുന്ന് സർവിസ് സഹകരണ ബാങ്കിന്റെ കീഴിെല ഓയിൽ മില്ലിൽ വൻ തീപിടിത്തം. ഞായറാഴ്ച രാവിലെ ഉണ്ടായ തീപിടിത്തത്തിൽ ലക്ഷങ്ങളുടെ നഷ്ടം. പ്ലാന്റിന്റെ പടിഞ്ഞാറേ ഭാഗവും യന്ത്ര സംവിധാനങ്ങളും കത്തിനശിച്ചു.

രാവിലെ പത്തോടെ എത്തിയ സെക്യൂരിറ്റി ജീവനക്കാരനാണ് തീ പടരുന്നത് ആദ്യം കണ്ടത്. വിവരമറിയിച്ചതിനെ തുടർന്ന് ഇരിങ്ങാലക്കുട, ചാലക്കുടി, മാള, കൊടുങ്ങലൂർ, പുതുക്കാട് എന്നിവിടങ്ങളിൽനിന്ന് എത്തിയ അഞ്ച് ഫയർ യൂനിറ്റുകളുടെ നേതൃത്വത്തിൽ ഒരു മണിയോടെയാണ് തീയണച്ചത്. ഏഴ് ടൺ വെളിച്ചെണ്ണയും അഞ്ച് ടൺ കൊപ്രയും അകത്ത് ഉണ്ടായിരുന്നു. ഇതിനുമാത്രം 12 ലക്ഷം രൂപയാണ് കണക്കാക്കുന്നത്. യന്ത്രസമാഗ്രികള്‍ ഉള്‍പ്പെടെയുള്ളവയുടെ നഷ്ടക്കണക്ക് തിട്ടപ്പെടുത്തിയിട്ടില്ല.

കല്ലംകുന്ന് ബാങ്കിന്റെ കീഴിൽ 2005ലാണ് ഇന്റഗ്രേറ്റഡ് കോക്കനട്ട് പ്രോസസിങ് യൂനിറ്റ് ആരംഭിച്ചത്.കല്പശ്രീ എന്ന പേരിലാണ് വെളിച്ചെണ്ണ പുറത്തിറക്കുന്നത്. ഷോർട്ട് സർക്യൂട്ട് ആകാം അപകട കാരണമെന്നാണ് പ്രാഥമിക വിലയിരുത്തൽ. ബാങ്ക് ഭരണസമിതി അംഗങ്ങൾ, പഞ്ചായത്ത് പ്രസിഡന്റുമാർ ഉൾപ്പെടെയുള്ള ജനപ്രതിനിധികൾ, രാഷ്ട്രീയനേതാക്കൾ എന്നിവർ സ്ഥലം സന്ദർശിച്ചു. ഇരിങ്ങാലക്കുട പൊലീസ് അന്വേഷണം ആരംഭിച്ചു.

പ്ര​വ​ർ​ത്ത​ന​സ​ജ്ജ​മാ​ക്കാ​ൻ വേ​ണ്ട​ത് മൂ​ന്ന് കോ​ടി രൂ​പ

ഇ​രി​ങ്ങാ​ല​ക്കു​ട: ന​ഷ്ട​ത്തി​ൽ​നി​ന്ന് ലാ​ഭ​ത്തി​ലേ​ക്ക് ന​ട​ന്ന​ടു​ക്കു​ന്ന ഇ​ട​തു​പ​ക്ഷ നി​യ​ന്ത്ര​ണ​ത്തി​ലു​ള്ള ബാ​ങ്കി​ന് ക​ന​ത്ത തി​രി​ച്ച​ടി​യാ​ണ് പു​തു​വ​ത്സ​ര​ദി​ന​ത്തി​ൽ മി​ല്ലി​ൽ ഉ​ണ്ടാ​യ തീ​പി​ടി​ത്തം.

മൂ​ന്ന് എ​ക്സ്പ​ല്ല​ർ, ര​ണ്ട് ഫി​ൽ​ട്രേ​ഷ​ൻ യൂ​നി​റ്റ്, മൈ​ക്രോ ഫി​ൽ​റ്റ​ർ, ക​ട്ട​ർ, റോ​സ്റ്റ​ർ, ര​ണ്ട് ക​ൺ​വെ​യ​ർ എ​ന്നി​വ പൂ​ർ​ണ​മാ​യും ന​ശി​ച്ചു. ഇ​ൻ​ഷു​റ​ൻ​സ് പ​രി​ര​ക്ഷ ഉ​ണ്ടെ​ങ്കി​ലും പ്ലാ​ന്റ് വീ​ണ്ടും പ്ര​വ​ർ​ത്ത​ന​സ​ജ്ജ​മാ​ക്കാ​ൻ മൂ​ന്ന് കോ​ടി രൂ​പ​യെ​ങ്കി​ലും വേ​ണ്ടി​വ​രു​മെ​ന്നാ​ണ് അ​ധി​കൃ​ത​ർ സൂ​ചി​പ്പി​ക്കു​ന്ന​ത്. 60 സെ​ന്റ് സ്ഥ​ല​ത്താ​ണ് പ്ര​വ​ർ​ത്തി​ക്കു​ന്ന​ത്. കെ​ട്ടി​ട​ത്തി​നും മേ​ൽ​ക്കൂ​ര​ക​ൾ​ക്കും ന​ഷ്ട​ങ്ങ​ൾ സം​ഭ​വി​ച്ചി​ട്ടു​ണ്ട്.

പ്ര​വ​ർ​ത്ത​നം ആ​രം​ഭി​ച്ച് 50 വ​ർ​ഷം പി​ന്നി​ട്ട ബാ​ങ്കി​ന്റെ കീ​ഴി​ൽ 1998 ലാ​ണ് നാ​ളി​കേ​ര സം​ഭ​ര​ണം ആ​രം​ഭി​ച്ച​ത്. പ്ര​തി​ദി​നം 2000 കി​ലോ വെ​ളി​ച്ചെ​ണ്ണ​യാ​ണ് ഉ​ൽ​പാ​ദി​പ്പി​ക്കു​ന്ന​ത്. പി.​എ​ൻ. ല​ക്ഷ്മ​ണ​ൻ പ്ര​സി​ഡ​ന്റാ​യു​ള്ള ഭ​ര​ണ​സ​മി​തി​യാ​ണ് ഭ​ര​ണം ന​ട​ത്തു​ന്ന​ത്. സി.​പി.​എം ജി​ല്ല സെ​ക്ര​ട്ട​റി എം.​എം. വ​ർ​ഗീ​സ് സ്ഥ​ലം സ​ന്ദ​ർ​ശി​ച്ചു.