കാ​ട്ടു​പ​ന്നി​യെ ഭ​യ​ന്ന് പു​റ​ത്തി​റ​ങ്ങാ​നാ​കാ​തെ വീ​ട്ട​മ്മ

വെ​ള്ളി​ക്കു​ള​ങ്ങ​ര: കാ​ട്ടു​പ​ന്നി​യെ ഭ​യ​ന്ന് ക​ഴി​യു​ക​യാ​ണ് മ​റ്റ​ത്തൂ​ര്‍ പ​ഞ്ചാ​യ​ത്തി​ലെ അ​മ്പ​നോ​ളി പ്ര​ദേ​ശ​ത്തെ വീ​ട്ട​മ്മ. ആ​ക്ര​മ​ണ​കാ​രി​യ പ​ന്നി രാ​ത്രി​യും പ​ക​ലും ഭേ​ദ​മി​ല്ലാ​തെ വീ​ട്ടു​മു​റ്റ​ത്തും പ​റ​മ്പി​ലും വി​ഹ​രി​ക്കു​ന്ന​താ​ണ് ഇ​വ​രു​ടെ സ​മാ​ധാ​നം കെ​ടു​ത്തു​ന്ന​ത്. അ​മ്പ​നോ​ളി മേ​വ​ട ഫി​ലോ​മി​ന തോ​മ​സി​ന്റെ വീ​ട്ടു​പ​റ​മ്പി​ലാ​ണ് കാ​ട്ടു​പ​ന്നി വി​ഹ​രി​ക്കു​ന്ന​ത്. ര​ണ്ടു​ദി​വ​സം മു​മ്പ് വീ​ട്ടു​മു​റ്റ​ത്തെ​ത്തി നാ​ശ​ന​ഷ്ടം വ​രു​ത്തി​യ​പ്പോ​ള്‍ ഇ​വ​ര്‍ വ​ന​പാ​ല​ക​രെ വി​വ​രം അ​റി​യി​ച്ചു.

ഇ​തേ തു​ട​ര്‍ന്ന് വ​ന​പാ​ല​ക​ര്‍ നി​യോ​ഗി​ച്ച വ​ന്യ​ജീ​വി സം​ര​ക്ഷ​ക​ന്‍ ഇ​വി​ടെ​യെ​ത്തു​ക​യും പ​ട​ക്കം പൊ​ട്ടി​ച്ച് കാ​ട്ടു​പ​ന്നി​യെ അ​ക​റ്റു​ക​യും ചെ​യ്തു. കാ​ട്ടി​ലേ​ക്ക് പോ​യ പ​ന്നി ഇ​നി വ​രി​ല്ലെ​ന്ന് പ​റ​ഞ്ഞ് വ​ന്യ​ജീ​വി സം​ര​ക്ഷ​ക​ന്‍ സ്ഥ​ലം വി​ട്ട​തി​ന് പി​ന്നാ​ലെ വീ​ണ്ടു​മെ​ത്തി കാ​ര്‍ഷി​ക വി​ള​ക​ള്‍ ന​ശി​പ്പി​ച്ചു. പ​റ​മ്പി​ലു​ണ്ടാ​യി​രു​ന്ന ചേ​മ്പ്, ചേ​ന, ക​പ്പ തു​ട​ങ്ങി​യ​വ​യാ​ണ് വ്യാ​പ​ക​മാ​യി ന​ശി​പ്പി​ച്ച​ത്.

വീ​ടി​ന് സ​മീ​പം വി​ഹ​രി​ക്കു​ന്ന കാ​ട്ടു​പ​ന്നി​യെ ഭ​യ​ന്ന് പ​ക​ല്‍ സ​മ​യ​ത്ത് പോ​ലും പു​റ​ത്തി​റ​ങ്ങാ​ന്‍ ഭ​യ​മാ​ണെ​ന്ന് ഫി​ലോ​മി​ന പ​റ​യു​ന്നു. പ​റ​മ്പി​ല്‍ കൃ​ഷി ചെ​യ്യു​ന്ന തൊ​ഴി​ലാ​ളി​ക​ളും ഭ​യ​ത്തി​ലാ​ണ്.

പ്ര​ദേ​ശ​വാ​സി​ക​ളു​ടെ ജീ​വ​നും കാ​ര്‍ഷി​ക​വി​ള​ക​ള്‍ക്കും ഭീ​ഷ​ണി​യാ​യി മാ​റി​യ പ​ന്നി​യെ പി​ടി​കൂ​ടി കാ​ട്ടി​ൽ കൊ​ണ്ടു​വി​ടാ​ന്‍ വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ അ​ടി​യ​ന്തി​ര ന​ട​പ​ടി സ്വീ​ക​രി​ക്ക​ണ​മെ​ന്ന് മ​റ്റ​ത്തൂ​ര്‍ പ​ഞ്ചാ​യ​ത്തം​ഗം കെ.​ആ​ര്‍. ഔ​സേ​ഫ് ആ​വ​ശ്യ​പ്പെ​ട്ടു. പ​ന്നി​യെ പി​ടി​കൂ​ടാ​ന്‍ പ്ര​യാ​സ​മാ​ണെ​ന്ന് പ​റ​ഞ്ഞ് വ​ന​പാ​ല​ക​ര്‍ കൈ​യൊ​ഴി​യു​ക​യാ​ണെ​ന്നും പ്ര​ദേ​ശ​വാ​സി​ക​ളു​ടെ ദു​രി​തം ക​ണ്ടി​ല്ലെ​ന്ന് ന​ടി​ക്കു​ക​യാ​ണെ​ന്നു​മാ​ണ് നാ​ട്ടു​കാ​ര്‍ പ​രാ​തി​പ്പെ​ടു​ന്ന​ത്.